എ​രു​മേ​ലി: കൃ​ഷി​നി​ല​ച്ച് കാ​ടു​ക​ൾ നി​റ​ഞ്ഞ തോ​ട്ട​ങ്ങ​ളും പ​റ​മ്പു​ക​ളും താ​വ​ള​മാ​ക്കി കൂ​ട്ട​ത്തോ​ടെ കു​റു​ക്ക​ന്മാ​ർ. ചേ​ന​പ്പാ​ടി, പാ​തി​പ്പാ​റ, ക​രി​മ്പ​ൻ​മാ​വ് പ്ര​ദേ​ശ​ങ്ങ​ളി​ലാ​ണ് കു​റു​ക്ക​ന്മാ​രു​ടെ ശ​ല്യം വ​ർ​ധി​ച്ചി​രി​ക്കു​ന്ന​ത്. വീ​ട്ടി​ൽ​നി​ന്നു റോ​ഡി​ലേ​ക്കി​റ​ങ്ങി ന​ട​ക്കു​ന്ന​തി​നി​ടെ യു​വാ​വി​നെ ഓ​ടി​ച്ചി​ട്ട് കു​റു​ക്ക​ൻ ക​ടി​ച്ചു.

പ​രി​സ​ര പ്ര​ദേ​ശ​ങ്ങ​ളി​ലെ വീ​ടു​ക​ളി​ൽ കൂ​ട്ട​ത്തോ​ടെ എ​ത്തി​യ കു​റു​ക്ക​ന്മാ​ർ കൂ​ടു​ക​ളി​ൽ ക​ഴി​ഞ്ഞ വ​ള​ർ​ത്തു​നാ​യ്ക്ക​ളെ​യും ആ​ക്ര​മി​ച്ചു. വ​ട​ക്കേ​പ്പ​റ​മ്പി​ൽ ഷ​മീ​റി (24) നാ​ണ് കു​റു​ക്ക​ന്‍റെ ആ​ക്ര​മ​ണ​ത്തി​ൽ കാ​ൽ​പ്പാ​ദ​ത്തി​ൽ ക​ടി​യേ​റ്റ​ത്. കോ​ട്ട​യം മെ​ഡി​ക്ക​ൽ കോ​ള​ജി​ൽ പ്ര​വേ​ശി​പ്പി​ച്ച ഷ​മീ​റി​ന് പ്ര​തി​രോ​ധ കു​ത്തി​വ​യ്പ് ന​ൽ​കി.

കു​റു​ക്ക​ന്മാ​രു​ടെ ആ​ക്ര​മ​ണ​ത്തി​ൽ ക​ടി​യേ​റ്റ ഒ​രു വ​ള​ർ​ത്തു​നാ​യ​യു​ടെ നി​ല ഗു​രു​ത​ര​മാ​ണ്. പേ ​വി​ഷ ബാ​ധ ഏ​റ്റി​ട്ടു​ണ്ടോ എ​ന്ന് സം​ശ​യ​മു​ണ്ട്. ഇ​തി​ന്‍റെ ല​ക്ഷ​ണ​ങ്ങ​ൾ വ​ള​ർ​ത്തു​നാ​യ​യി​ൽ പ്ര​ക​ട​മാ​യി​ട്ടു​ണ്ടെ​ന്നാ​ണ് നാ​ട്ടു​കാ​ർ സം​ശ​യം പ​റ​യു​ന്ന​ത്. ഇ​ല​ന്തൂ​ർ ഡെ​ന്നീ​സ്, പ​തി​നാ​ലി​ൽ​പ​റ​മ്പി​ൽ കു​ഞ്ഞ​മ്മ, വേ​ന​ക്കു​ഴി ത​ങ്ക​മ്മ എ​ന്നി​വ​രു​ടെ വ​ള​ർ​ത്തു​നാ​യ്ക്ക​ൾ​ക്കാ​ണു കു​റു​ക്ക​ന്‍റെ ക​ടി​യേ​റ്റ​ത്.

സം​ഭ​വം പ​ഞ്ചാ​യ​ത്ത്‌ പ്ര​സി​ഡ​ന്‍റ് ജി​ജി​മോ​ൾ സ​ജി​യെ അ​റി​യി​ച്ചെ​ന്നും അ​ടി​യ​ന്ത​ര പ​രി​ഹാ​ര ന​ട​പ​ടി ആ​വ​ശ്യ​പ്പെ​ട്ടി​ട്ടു​ണ്ടെ​ന്നും വാ​ർ​ഡ് അം​ഗം പി.​കെ. തു​ള​സി പ​റ​ഞ്ഞു. വി​ജ​ന​മാ​യ പ​റ​മ്പു​ക​ളി​ലാ​ണ് കു​റു​ക്ക​ന്മാ​ർ താ​വ​ള​മാ​ക്കി​യി​രി​ക്കു​ന്ന​തെ​ന്നും കാ​ടു​ക​ൾ വെ​ട്ടി​മാ​റ്റ​ണ​മെ​ന്ന് പ​റ​മ്പ് ഉ​ട​മ​സ്ഥ​ർ​ക്ക് നോ​ട്ടീ​സ് ന​ൽ​കി അ​റി​യി​ക്കു​ന്ന​തി​ന് പ​ഞ്ചാ​യ​ത്ത്‌ പ്ര​സി​ഡ​ന്‍റു​മാ​യി ബ​ന്ധ​പ്പെ​ട്ടെ​ന്നും വാ​ർ​ഡ് അം​ഗം പ​റ​ഞ്ഞു.