മു​ക്കൂ​ട്ടു​ത​റ: മു​ക്കൂ​ട്ടു​ത​റ മാ​റി​ടം പ​ടി - വെ​ൺ​കു​റി​ഞ്ഞി - മാ​ട​ത്തും​പ​ടി - 15 ക​വ​ല റോ​ഡ് റീ ​ടാ​ർ ചെ​യ്യാ​ൻ വെ​ട്ടി​പ്പൊ​ളി​ച്ചി​ട്ട് മൂ​ന്നു വ​ർ​ഷം. ഒ​രു വ​ർ​ഷം കൊ​ണ്ട് നി​ർ​മാ​ണം തീ​ർ​ക്കു​മെ​ന്നാ​യി​രു​ന്നു അ​ധി​കൃ​ത​ർ ന​ൽ​കി​യ ഉ​റ​പ്പ്. എ​ന്നാ​ൽ, ഇ​പ്പോ​ൾ മൂ​ന്ന് വ​ർ​ഷ​ത്തോ​ള​മാ​യി​ട്ടും റോ​ഡ് നി​ർ​മാ​ണം ആ​രം​ഭി​ച്ചി​ട്ടി​ല്ല. കു​ണ്ടും കു​ഴി​ക​ളു​മാ​യി ത​ക​ർ​ന്ന റോ​ഡി​ൽ കാ​ൽ​ന​ട​യാ​ത്ര പോ​ലും ദു​സ​ഹ​മാ​ണെ​ന്ന് പ്ര​ദേ​ശ​വാ​സി​ക​ൾ പ​റ​യു​ന്നു.

സ​മ​ര​സ​മി​തി രൂ​പീ​ക​രി​ച്ച നാ​ട്ടു​കാ​ർ പ്ര​തി​ഷേ​ധം അ​റി​യി​ക്കാ​ൻ 19ന് ​രാ​വി​ലെ 10.30ന് ​വെ​ച്ചൂ​ച്ചി​റ പ​ഞ്ചാ​യ​ത്ത്‌ ഓ​ഫീ​സി​ലേ​ക്ക് മാ​ർ​ച്ചും ധ​ർ​ണ​യും ന​ട​ത്താ​ൻ തീ​രു​മാ​നി​ച്ചെ​ന്ന് പൗ​ര​സ​മി​തി ക​ൺ​വീ​ന​ർ ടോ​മി പാ​റ​ക്കു​ള​ങ്ങ​ര, സെ​ക്ര​ട്ട​റി ജി​ബി​ൻ പു​തു​പ്പ​റ​മ്പി​ൽ എ​ന്നി​വ​ർ അ​റി​യി​ച്ചു.

സ്കൂ​ൾ വാ​ഹ​ന​ങ്ങ​ൾ, ആം​ബു​ല​ൻ​സു​ക​ൾ ഉ​ൾ​പ്പ​ടെ ഒ​ട്ടേ​റെ വാ​ഹ​ന​ങ്ങ​ൾ ഈ ​റോ​ഡു​വ​ഴി സ​ഞ്ച​രി​ക്കാ​ൻ പ്ര​യാ​സ​പ്പെ​ടു​ക​യാ​ണ്. കൂ​ലി കൂ​ടു​ത​ൽ കൊ​ടു​ത്താ​ലും ടാ​ക്സി​ക​ൾ ഇ​തു​വ​ഴി ഓ​ട്ടം വ​രാ​ൻ ത​യാ​റ​ല്ലെ​ന്നും ജ​ന​പ്ര​തി​നി​ധി​ക​ളോ​ട് പ​രാ​തി പ​റ​ഞ്ഞ് മ​ടു​ത്തെ​ന്നും നാ​ട്ടു​കാ​ർ ആ​രോ​പി​ച്ചു.