പൂ​വേ പൊ​ലി... പൂ​വേ പൊ​ലി... ക​സ​വ​ണി​ഞ്ഞ് പൊ​ന്നോ​ണ​മി​ങ്ങെ​ത്തി
Saturday, September 14, 2024 11:15 PM IST
കോ​ട്ട​യം: ഇ​ന്നു പൊ​ന്നി​ന്‍​ചി​ങ്ങ​ത്തി​ലെ തി​രു​വോ​ണം. പൂ​ക്ക​ള​വും ഊ​ഞ്ഞാ​ലാ​ട്ട​വും രു​ചി​ഭേ​ദ​സ​ദ്യ​ക​ളും ക​ളി​യൊ​ച്ച​ക​ളു​മൊ​ക്കെ​യാ​യി മ​ല​യാ​ളി​യു​ടെ ഒ​രു​മ​യു​ടെ ഉ​ത്സ​വം. പു​ത്ത​നു​ട​യാ​ട​ക​ളി​ല്‍ അ​ണി​ഞ്ഞൊ​രു​ങ്ങി വീ​ടും നാ​ടു​മൊ​ന്നാ​കെ ആ​ടി​പ്പാ​ടി സ​ന്തോ​ഷി​ക്കു​ന്ന ന​ല്ലോ​ണ​മാ​ണി​ന്ന്.

രാ​വി​ലെ കു​ളി​ച്ച് പു​ത്ത​നി​ട്ടൊ​രു​ങ്ങി​യാ​ലേ ഓ​ണ​മു​റ്റ​ത്തേ​ക്കും കാ​ല്‍​വ​യ്ക്കാ​നാ​കൂ. പ​ട്ടു​പാ​വാ​ട​യും ക​സ​വു​സാ​രി​യും ക​ര​മു​ണ്ടും പ​ട്ടു​ടു​പ്പു​മൊ​ക്കെ​യാ​ണ് മ​ല​യാ​ളി​യു​ടെ ഓ​ണ​ക്കോ​ടി. വീ​ടും മു​റ്റ​വും വൃ​ത്തി​യാ​ക്കി അ​ങ്ക​ണ​ത്തി​ല്‍ കു​ട്ടി​ക​ളു​ടെ ക​ല​യും ക​ര​വി​രു​തും സം​ഗ​മി​ക്കു​മ്പോ​ള്‍ വി​രി​യു​ന്ന വി​സ്മ​യ​മാ​ണ് പൂ​ക്ക​ളം. നാ​ട​നും വ​ര​വു​മൊ​ക്കെ​യാ​യി ഒ​രു​പാ​ടി​നം പൂ​ക്ക​ള്‍.

തൊ​ടി​യി​ല്‍ ചെ​ത്തി​യും ചെ​മ്പ​ര​ത്തി​യും തു​മ്പ​യും മ​ന്താ​ര​വു​മൊ​ന്നും വേ​ണ്ടു​വോ​ള​മി​ല്ലാ​ത്ത കാ​ല​മ​ല്ലേ. ബ​ന്തി​യും ജ​മ​ന്തി​യും വാ​ടാ​മു​ല്ല​യും റോ​സു​മൊ​ക്കെ​യാ​ണ് ഇ​ക്കാ​ല​ത്ത് പൂ​ക്ക​ള​ങ്ങ​ളി​ല്‍ നി​റ​യു​ക. ഒ​ത്ത വ​ട്ട​ത്തി​ല്‍ പൂ​ക്ക​ളം തീ​ര്‍​ത്ത് ഓ​ണ​ത്ത​പ്പ​നെ കു​ടി​യി​രു​ത്തി നി​ല​വി​ള​ക്കു കൊ​ളു​ത്തി​യാ​ല്‍ മാ​വേ​ലി​ത്ത​മ്പു​രാ​ന്‍ വി​രു​ന്നെ​ത്തി​യ പ്ര​തീ​തി​യാ​യി. പൂ​ക്ക​ളം തീ​ര്‍​ക്കാ​തെ ഉ​ണ്ണി​ക​ള്‍​ക്ക് പ്ര​ഭാ​ത​ഭ​ക്ഷ​ണം ക​ഴി​ക്കാ​ന്‍ വി​ശ​പ്പു​വ​രി​ല്ല. പൂ​ക്ക​ളം തീ​ര്‍​ന്നാ​ല്‍ പി​ന്നെ ഊ​ഞ്ഞാ​ലാ​ട്ട​വും കൈ​കൊ​ട്ടി​ക്ക​ളി​യും ഓ​ണ​പ്പാ​ട്ടും തു​ട​ങ്ങാം.

നി​ല​ത്ത് പാ​യ വി​രി​ച്ച് നി​ല​വി​ള​ക്ക് കൊ​ളു​ത്തി വ​ട്ട​ത്തി​ല്‍ ഇ​രു​ന്നാ​യി​രു​ന്നു മു​ന്‍​പൊ​ക്കെ ഇ​ല​യി​ല്‍ ഓ​ണ​സ​ദ്യ. കാ​ലം മാ​റി​യ​പ്പോ​ള്‍ അ​തൊ​ക്കെ മ​റ​ന്നു. തൂ​ശ​നി​ല​യ്ക്കു ചു​റ്റും ക​റി​ക​ളും ന​ടു​വി​ല്‍ തു​മ്പ​പ്പൂ പോ​ലെ ചോ​റും. ഒ​ഴി​ക്കാ​ന്‍ നെ​യ്യും സാ​മ്പാ​റും പു​ളി​ശേ​രി​യും മോ​രു​മൊ​ക്കെ.
തൊ​ട്ടു​കൂ​ട്ടാ​ന്‍ ഇ​ഞ്ചി, മാ​ങ്ങാ അ​ച്ചാ​റു​ക​ള്‍. ക​ണ്ണി​മാ​ങ്ങാ അ​ച്ചാ​ര്‍ ഭ​ര​ണി തു​റ​ക്കു​മ്പോ​ഴ​ത്തെ ഗ​ന്ധം പ​റ​യാ​നി​ല്ല. കൈ​യി​ലെ​ടു​ന്പോ​ഴേ നാ​വി​ല്‍ വെ​ള്ള​മൂ​റും.

ഊ​ണി​നു രു​ചി കൂ​ട്ടാ​ന്‍ അ​വി​യ​ല്‍​സ​മൃ​ദ്ധി. തോ​ര​നും കാ​ള​നും മെ​ഴു​ക്കു​വ​ര​ട്ടി​യു​മൊ​ക്കെ​യാ​യി പ​ത്തി​രു​പ​തു കൂ​ട്ടം ക​റി​ക​ള്‍. പ​ഴ​വും പ​ഞ്ച​സാ​ര​യും തൈ​രും കു​ഴ​ച്ച് അ​വ​സാ​ന​വ​ട്ടം അ​ല്‍​പം​കൂ​ടി ഉ​ണ്ണാ​ന്‍ ഉ​ണ്ണി​ക​ള്‍​ക്കി​ഷ്ടം. അ​വ​സാ​നം പാ​യ​സം. അ​തു പാ​ല്‍​പ്പാ​യ​സ​വും അ​രി​പ്പാ​യ​സ​വും സേ​മി​യാ​പ്പാ​യ​സ​വു​മൊ​ക്കെ​യാ​കാം. ഉ​ച്ച​ക​ഴി​ഞ്ഞാ​ല്‍​പി​ന്നെ ക​ളി​യി​ന​ങ്ങ​ളു​ടെ കേ​ളി​കൊ​ട്ടാ​യി.


അ​യ​ല​ത്തു​കാ​രും അ​ക​ല​ത്തു​കാ​രും ബ​ന്ധു​ക്കാ​രു​മൊ​ക്കെ ഒ​ത്തു​കൂ​ടി ക​ളി​ചി​രി​യും വ​ര്‍​ത്ത​മാ​ന​ങ്ങ​ളും. തി​രു​വാ​തി​ര​യും തു​മ്പി​തു​ള്ള​ലും പു​ലി​ക​ളി​യു​മൊ​ക്കെ ഒ​ന്നി​നു​പി​ന്നാ​ലെ​യു​ണ്ടാ​കും. വൈ​കും​വ​രെ ഓ​ണ​ക്ക​ളി​യു​ടെ ആ​വേ​ശ​മ​ങ്ങ​നെ തു​ട​രും. വൈ​കു​ന്നേ​ര​വും ചാ​യ​യും പ​ല​ഹാ​ര​ങ്ങ​ളും ഉ​പ്പേ​രി​യു​മൊ​ക്കെ രു​ചി പ​ക​രും. രാ​ത്രി​യു​മു​ണ്ടാ​കും സ​മൃ​ദ്ധ​മാ​യൊ​രു സ​ദ്യ. മ​ത്സ്യ​മാം​സ​പ്രി​യ​രാ​യ മ​ല​യാ​ളി​ക​ളും വെ​ജി​റ്റേ​റി​യ​നാ​കു​ന്ന സ​ദ്യ​വ​ട്ട​മാ​ണ് ഓ​ണ​ത്തി​ന്‍റെ ത​നി​മ.

ഉ​ത്രാ​ട​ക്കി​ഴി കൈ​മാ​റി

കോ​ട്ട​യം: ഉ​ത്രാ​ട​ദി​ന​ത്തി​ല്‍ കോ​ട്ട​യം വ​യ​സ്‌​ക​ര രാ​ജ് ഭ​വ​ന്‍ കോ​വി​ല​ക​ത്ത് എ​ത്തി ക​ള​ക്ട​ര്‍ ജോ​ണ്‍ വി. ​സാ​മു​വ​ല്‍ ഉ​ത്രാ​ട​ക്കി​ഴി കൈ​മാ​റി. വ​യ​സ്‌​ക​ര കോ​വി​ല​ക​ത്തെ എ​ന്‍.​കെ. സൗ​മ്യ​വ​തി ത​മ്പു​രാ​ട്ടി​ക്കാ​ണ് 1001 രൂ​പ അ​ട​ങ്ങി​യ ഉ​ത്രാ​ട​ക്കി​ഴി സ​ര്‍​ക്കാ​ര്‍ പ്ര​തി​നി​ധി​യാ​യ ജി​ല്ലാ ക​ള​ക്ട​ര്‍ കൈ​മാ​റി​യ​ത്. തി​രു​വ​ഞ്ചൂ​ര്‍ രാ​ധാ​കൃ​ഷ്ണ​ന്‍ എം​എ​ല്‍​എ സ​ന്നി​ഹി​ത​നാ​യി​രു​ന്നു. കോ​ട്ട​യം ത​ഹ​സി​ല്‍​ദാ​ര്‍ എ​സ്. എ​ന്‍. അ​നി​ല്‍ കു​മാ​ര്‍, കോ​ട്ട​യം വി​ല്ലേ​ജ് ഓ​ഫീ​സ​ര്‍ എം. ​നി​യാ​സ് എ​ന്നി​വ​ര്‍ പ​ങ്കെ​ടു​ത്തു.

കൊ​ച്ചി രാ​ജാ​വ് രാ​ജ​കു​ടും​ബാം​ഗ​ങ്ങ​ളാ​യ സ്ത്രീ​ക​ള്‍​ക്ക് ഓ​ണ​ത്തോ​ട​നു​ബ​ന്ധി​ച്ചു ന​ല്‍​കി​യി​രു​ന്ന സ​മ്മാ​ന​മാ​യി​രു​ന്നു ഉ​ത്രാ​ട​ക്കി​ഴി, . കൊ​ച്ചി രാ​ജ​വം​ശ​ത്തി​ന്‍റെ പി​ന്മു​റ​ക്കാ​രി​യെ​ന്ന നി​ല​യി​ലാ​ണ് വ​യ​സ്‌​ക​ര കോ​വി​ല​ക​ത്തെ രാ​ജ​രാ​ജ​വ​ര്‍​മ​യു​ടെ ഭാ​ര്യ സൗ​മ്യ​വ​തി​ക്ക് കി​ഴി കൈ​മാ​റി​യ​ത്. തൃ​ശൂ​ര്‍ ക​ള​ക്ട​റേ​റ്റി​ല്‍ നി​ന്ന​നു​വ​ദി​ക്കു​ന്ന തു​ക ബ​ന്ധ​പ്പെ​ട്ട ത​ഹ​സി​ല്‍​ദാ​ര്‍​ക്ക് കൈ​മാ​റു​ക​യാ​ണ് ചെ​യ്യു​ന്ന​ത്. മു​മ്പ് 14 രൂ​പ​യാ​യി​രു​ന്ന തു​ക​യാ​ണ് പി​ന്നീ​ട് 1001 രൂ​പ​യാ​യി വ​ര്‍​ധി​പ്പി​ച്ച​ത്.