ഇ​ഞ്ച​ക്കു​ണ്ട് കു​ടി​യേ​റ്റ​ത്തിന് 75
Saturday, July 27, 2024 1:31 AM IST
സ്വ​ന്തം ലേ​ഖ​ക​ൻ

കൊ​ട​ക​ര: കു​ടി​യേ​റ്റ​ത്തി​ന്‍റെ എ​ഴു​പ​ത്ത​ഞ്ചാം വാ​ര്‍​ഷി​കം ആ​ഘോ ​ഷി​ക്കു​ക​യാ​ണ് കി​ഴ​ക്ക​ന്‍ മ​ല​യോ​ര​മേ​ഖ​ല​യി​ലെ ഇ​ഞ്ച​ക്കു​ണ്ട് ക​ര്‍​ഷ​ക​ഗ്രാ​മം.

ജി​ല്ല​യി​ലെ ഏ​റ്റ​വും വ​ലി​യ ര​ണ്ടു പ​ഞ്ചാ​യ​ത്തു​ക​ളാ​യ മ​റ്റ​ത്തൂ​രി​ലും വ​ര​ന്ത​ര​പ്പി​ള്ളി​യി​ലു​മാ​യി വ്യാ​പി​ച്ചു​കി​ട​ക്കു​ന്ന ശാ​ന്ത​സു​ന്ദ​ര​പ്ര​ദേ​ശ​മാ​യ ഇ​ഞ്ച​ക്കു​ണ്ടി​ന് ക​ഷ്ട​പ്പാ​ടു​ക​ളു​ടെ​യും ത്യാ​ഗ​ത്തി​ന്‍റെ​യും ഒ​രു​പാ​ട് ക​ഥ​ക​ളാ​ണ് പ​റ​യാ​നു​ള്ള​ത്.

1950 ക​ളി​ലാ​ണ് കോ​ട്ട​യം ജി​ല്ല​യി​ലെ മീ​ന​ച്ചി​ല്‍ താ​ലൂ​ക്കി​ലു​ള്ള രാ​മ​പു​രം, കു​റ​വി​ല​ങ്ങാ​ട് പ്ര​ദേ​ശ​ത്തു​നി​ന്ന് ഏ​താ​നും കു​ടും​ബ​ങ്ങ​ള്‍ ഇ​വി​ടെ​യെ​ത്തു​ന്ന​ത്. 33 കു​ടും​ബ​ങ്ങ​ളാ​ണ് അ​ന്നു കൃ​ഷി​ചെ​യ്തു ജീ​വി​ക്കാ​നു​ള്ള ഭൂ​മി​തേ​ടി​യെ​ത്തി​യ​ത്. വ​ര​ന്ത​ര​പ്പി​ള്ളി പ​ഞ്ചാ​യ​ത്തി​ലെ പൗ​ണ്ട്, വേ​ലൂ​പ്പാ​ടം പ്ര​ദേ​ശ​ങ്ങ​ളി​ല്‍ എ​ത്തി​പ്പെ​ട്ട ഇ​വ​ര്‍​ക്ക് ഇ​ഞ്ച​ക്കു​ണ്ട് പ്ര​ദേ​ശ​ത്തെ ഫ​ല​ഭൂ​യി​ഷ്ട​മാ​യ മ​ണ്ണ് ചൂ​ണ്ടി​ക്കാ​ട്ടി​ക്കൊ​ടു​ത്ത​ത് ക​രു​വ​ന്നൂ​ര്‍ സ്വ​ദേ​ശി അ​ബ്ദു​ല്ല എ​ന്ന​യാ​ളാ​യി​രു​ന്നു.

അ​ക്കാ​ല​ത്ത് ഇ​ഞ്ച​ക്കാ​ടു​ക​ള്‍ നി​റ​ഞ്ഞു​കി​ട​ന്ന പ്ര​ദേ​ശം ഏ​റെ ക​ഷ്ട​പ്പാ​ടു​ക​ള്‍ സ​ഹി​ച്ചാ​ണ് കു​ടി​യേ​റ്റ​ക​ര്‍​ഷ​ക​ര്‍ വെ​ട്ടി​വെ​ളു​പ്പി​ച്ച് കൃ​ഷി​യോ​ഗ്യ​മാ​ക്കി​യെ​ടു​ത്ത​ത്. മ​ല​മ്പ​നി​പോ​ലു​ള്ള രോ​ഗ​ങ്ങ​ളും വ​ന്യ​ജീ​വി​ക​ളു​ടെ​യും ഇ​ഴ​ജ​ന്തു​ക്ക​ളു​ടെ​യും ആ​ക്ര​മ​ണ​വും പ​ല​രു​ടെ​യും ജി​വ​ന്‍ ക​വ​ര്‍​ന്നെ​ങ്കി​ലും ഇ​ച്ഛാ​ശ​ക്തി​യു​ടെ ക​രു​ത്തി​ല്‍ ജീ​വി​തം പ​ടു​ത്തു​യ​ര്‍​ത്താ​ന്‍ കു​ടി​യേ​റ്റ​ക​ര്‍​ഷ​ക​ര്‍​ക്കാ​യി.

ഇ​ഞ്ച​ക്കു​ണ്ടി​ലേ​ക്ക് ആ​ദ്യം കു​ടി​യേ​റി​യ 33 പേ​രി​ല്‍ ആ​രും​ത​ന്നെ ഇ​ന്നു ജീ​വി​ച്ചി​രി​പ്പി​ല്ല. പി​ല്‍​ക്കാ​ല​ത്തു കൂ​ടു​ത​ല്‍ ക​ര്‍​ഷ​ക​കു​ടും​ബ​ങ്ങ​ള്‍ കോ​ട്ട​യം ഭാ​ഗ​ത്തു​നി​ന്ന് ഇ​ഞ്ച​ക്കു​ണ്ടി​ലെ​ത്തി സ്ഥി​ര​താ​മ​സ​മാ​ക്കി. കാ​ട്ടു​പ​ന്നി, മാ​ന്‍ തു​ട​ങ്ങി​യ മൃ​ഗ​ങ്ങ​ളു​ടെ ശ​ല്യ​മാ​യി​രു​ന്നു കൂ​ടു​ത​ലാ​യും അ​ക്കാ​ല​ത്ത് ക​ര്‍​ഷ​ക​ര്‍ നേ​രി​ട്ടി​രു​ന്ന​ത്. വ​ന്യ​മൃ​ഗ​ങ്ങ​ളെ നേ​രി​ടാ​ന്‍ ഒ​ട്ടു​മി​ക്ക ക​ര്‍​ഷ​ക​ര്‍​ക്കും അ​ന്നു തോ​ക്ക് ലൈ​സ​ന്‍​സ് ന​ല്‍​കി​യി​രു​ന്നു.


75 വ​ര്‍​ഷം പി​ന്നി​ടു​മ്പോ​ഴും ഇ​ഞ്ച​ക്കു​ണ്ട് മേ​ഖ​ല​യി​ലെ വ​ന്യ​മൃ​ഗ​ശ​ല്യം തു​ട​രു​ക​യാ​ണ്. കു​ടി​യേ​റ്റ​കാ​ല​ത്ത് കാ​ല്‍​ന​ട​യ്ക്കു യോ​ഗ്യ​മാ​യ വ​ഴി​പോ​ലും ഇ​ല്ലാ​തി​രു​ന്ന ഇ​ഞ്ച​ക്കു​ണ്ടി​ല്‍ ഇ​ന്നു സ​ഞ്ചാ​ര​യോ​ഗ്യ​മാ​യ റോ​ഡു​ക​ളും സ​ര്‍​ക്കാ​ര്‍​സ്ഥാ​പ​ന​ങ്ങ​ളും മ​റ്റ് അ​ടി​സ്ഥാ​ന​സൗ​ക​ര്യ​ങ്ങ​ളും ഉ​ണ്ട്. അ​ന്ന​ത്തെ കു​ടി​യേ​റ്റ​ക​ര്‍​ഷ​ക​ര്‍ മു​ന്‍​കൈ​യെ​ടു​ത്താ​ണ് ഇ​ഞ്ച​ക്കു​ണ്ട് ലൂ​ര്‍​ദ്ദ് മാ​താ പ​ള്ളി​യും ലൂ​ര്‍​ദ്ദു​പു​രം ഗ​വ. യു​പി സ്‌​കൂ​ളും സ്ഥാ​പി​ച്ച​ത്.

കു​റു​മാ​ലി​പ്പു​ഴ അ​തി​രി​ടു​ന്ന ഇ​ഞ്ച​ക്കു​ണ്ട് പ്ര​ദേ​ശം പ്ര​കൃ​തി​ര​മ​ണീ​യ​മാ​ണ്. പ്ര​ദേ​ശി​ക ടൂ​റി​സം സാ​ധ്യ​ത​യു​ള്ള മു​നി​യാ​ട്ടു​കു​ന്ന്, പ​രു​ന്തു​പാ​റ, വെ​ള്ളാ​രം​പാ​ട​ത്തെ വ​നം​വ​കു​പ്പി​ന്‍റെ മു​ള​ന്തോ​ട്ടം, എ​ള്ളു​പാ​റ തു​ട​ങ്ങി​യ സ്ഥ​ല​ങ്ങ​ള്‍ ഇ​ഞ്ച​ക്കു​ണ്ട് മേ​ഖ​ല​യി​ലാ​ണ്.

ഇ​ഞ്ച​ക്കു​ണ്ട് കു​ടി​യേ​റ്റ​ത്തി​ന്‍റെ സു​വ​ര്‍​ണ​ജൂ​ബി​ലി ആ​ഘോ​ഷം ര​ണ്ടാ​യി​ര​ത്തി​ല്‍ വി​പു​ല​മാ​യ പ​രി​പാ​ടി​ക​ളോ​ടെ സം​ഘ​ടി​പ്പി​ക്ക​പ്പെ​ട്ടി​രു​ന്നു. മു​ന്‍​മ​ന്ത്രി കെ.​എം. മാ​ണി അ​ട​ക്ക​മു​ള്ള​വ​ര്‍ അ​ന്നു സു​വ​ര്‍​ണ ജൂ​ബി​ലി ആ​ഘോ​ ഷ​ങ്ങ​ള്‍​ക്ക് എ​ത്തി​യി​രു​ന്നു.

കു​ടി​യേ​റ്റ​ത്തി​ന്‍റെ വജ്രജൂ​ബി​ലി ആ​ഘോ​ഷ​ങ്ങ​ള്‍​ക്ക് ഇ​ന്നു തു​ട​ക്കംകു​റി​ക്കു​ക​യാ​ണ്. 11 മാ​സം നീ​ളു​ന്ന ആ​ഘോ​ഷ​പ​രി​പാ​ടി​ക​ള്‍ മ​ന്ത്രി കെ. ​രാ​ജ​ന്‍ ഇ​ന്ന് ഉ​ദ്ഘാ​ട​നം ചെ​യ്യും.

ഇ​തോ​ട​നു​ബ​ന്ധി​ച്ചു സം​ഘ​ടി​പ്പി​ച്ചി​ട്ടു​ള്ള 'വ​ന്യ​ജീ​വി​ശ​ല്യം - മ​നു​ഷ്യ​ന്‍റെ ജീ​വ​നും സ്വ​ത്തി​നും സം​ര​ക്ഷ​ണം' എ​ന്ന വി​ഷ​യ​ത്തി​ലു​ള്ള സെ​മി​നാ​ര്‍ ജോ​സ് കെ. ​മാ​ണി എം​പി ഉ​ദ്ഘാ​ട​നം ചെ​യ്യും.