ഇ​പ്പം ശ​രി​യാ​ക്കി​ത്ത​രാ​മെ​ന്ന് അ​ധി​കൃ​ത​ര്‍; പ​റ​ച്ചി​ല്‍ തുട​ങ്ങി​യി​ട്ട് കാ​ല​ങ്ങ​ളേ​റെ​യെ​ന്ന് നാ​ട്ടു​കാ​ർ
Thursday, September 26, 2024 7:05 AM IST
ക​ടു​ത്തു​രു​ത്തി: ഇ​പ്പം ശ​രി​യാ​ക്കി​ത്ത​രാ​മെ​ന്ന് അ​ധി​കൃ​ത​ര്‍. പ​റ​ച്ചി​ല്‍ തു​ട​ങ്ങി​യി​ട്ട് കാ​ല​ങ്ങ​ളേ​റെ​യാ​യെ​ന്ന് നാ​ട്ടു​കാ​രും യാ​ത്ര​ക്കാ​രും. വാ​ഹ​ന​ത്തി​ര​ക്കേ​റി​യ കു​റു​പ്പ​ന്ത​റ ക​വ​ല​യി​ലെ ബ​സ് കാ​ത്തി​രി​പ്പ് കേ​ന്ദ്ര​ങ്ങ​ളു​ടെ കാ​ര്യ​മാ​ണി​ത്. കോ​ട്ട​യം-​എ​റ​ണാ​കു​ളം റോ​ഡും പാ​ലാ-​കു​റ​വി​ല​ങ്ങാ​ട്-​ക​ല്ല​റ-​ചേ​ര്‍ത്ത​ല റോ​ഡും സ​ന്ധി​ക്കു​ന്ന നാ​ല്‍ക്ക​വ​ല​യി​ലാ​ണ് ഒ​രി​ട​ത്തു​പോ​ലും ബ​സ് കാ​ത്തു​നി​ല്‍ക്കാ​ന്‍ കാ​ത്തി​രി​പ്പ് കേ​ന്ദ്ര​ങ്ങ​ളി​ല്ലാ​ത്ത​ത്.

വി​വി​ധ പ്ര​ദേ​ശ​ങ്ങ​ളി​ലേ​ക്കു വ​ന്നു​പോ​കു​ന്ന നൂ​റു​ക​ണ​ക്കി​നാ​ളു​ക​ളാ​ണ് ദി​വ​സ​വും ഈ ​നാ​ലും​കൂ​ടി​യ ക​വ​ല​യി​ലെ​ത്തു​ന്ന​ത്. ഇ​തി​ൽ സ്‌​കൂ​ള്‍, കോ​ള​ജ് വി​ദ്യാ​ര്‍ഥി​ക​ളും ഉ​ള്‍പ്പെ​ടു​ന്നു. മ​ഴ​യ​ത്തും വെ​യി​ല​ത്തു​മെ​ല്ലാം ഇ​വ​ർ ബ​സ് കാ​ത്തു​നി​ല്‍ക്കു​ന്ന​ത് റോ​ഡ​രി​കി​ലാ​ണ്. വെ​യി​ലി​ല്‍നി​ന്നും മ​ഴ​യി​ൽ​നി​ന്നും ര​ക്ഷ​പ്പെ​ടാ​ൻ യാ​ത്ര​ക്കാ​ര്‍ ക​ട​ത്തി​ണ്ണ​ക​ളി​ൽ അ​ഭ​യം തേ​ടു​ന്ന​ത് വ്യാ​പാ​രി​ക​ളെ​യും പ്ര​തി​സ​ന്ധി​യി​ലാ​ക്കു​ന്നു. പ്രാ​യ​മാ​യ​വ​ർ​ക്കും സ്ത്രീ​ക​ൾ​ക്കു​മൊ​ക്കെ ബ​സ് കാ​ത്ത് ഏ​റേ സ​മ​യം റോ​ഡ​രി​കി​ല്‍ നി​ല്‍ക്കേ​ണ്ടി വ​രു​ന്ന​ത് ഉ​ണ്ടാ​ക്കു​ന്ന ബു​ദ്ധി​മു​ട്ടു​ക​ള്‍ ചെ​റു​ത​ല്ല.

കു​റു​പ്പ​ന്ത​റ​യി​ല്‍ ബ​സ് കാ​ത്തി​രി​പ്പു കേ​ന്ദ്ര​ങ്ങ​ള്‍ ഉ​ണ്ടാ​ക്കു​ന്ന​തി​ന് അ​ധി​കൃ​ത​രു​ടെ ഭാ​ഗ​ത്ത് ഏ​ക​ദേ​ശ ധാ​ര​ണ ഉ​ണ്ടാ​യെ​ങ്കി​ലും പി​ന്നീ​ട് ഒ​ന്നും ന​ട​ന്നി​ല്ല. ബ​സ് കാ​ത്തി​രി​പ്പ് കേ​ന്ദ്ര​ങ്ങ​ള്‍ ഉ​ണ്ടാ​ക്ക​ണ​മെ​ങ്കി​ല്‍ നി​ല​വി​ലെ സ്റ്റോ​പ്പു​ക​ൾ എ​ല്ലാ​വ​ശ​ത്തേ​ക്കും അ​ല്പം മു​ന്നോ​ട്ട് നീ​ക്കി ക്ര​മീ​ക​രി​ക്കേ​ണ്ടി വ​രും.


ഏ​റ്റു​മാ​നൂ​ര്‍ - എ​റ​ണാ​കു​ളം റോ​ഡി​ല്‍ ബ​സ് കാ​ത്തി​രി​പ്പ് കേ​ന്ദ്ര​ങ്ങ​ളി​ല്ലാ​ത്ത ഏ​ക സ്ഥ​ല​മാ​ണ് കു​റു​പ്പ​ന്ത​റ​യെ​ന്ന് ബ​സ് ജീ​വ​ന​ക്കാ​ര​നാ​യ ബി​നു ചൂ​ണ്ടി​ക്കാ​ട്ടു​ന്നു. കു​റു​പ്പ​ന്ത​റ ക​വ​ല​യി​ല്‍ ബ​സ് കാ​ത്തി​രി​പ്പ് കേ​ന്ദ്രം നി​ര്‍മി​ക്കാ​ൻ അ​ടി​യ​ന്ത​ര ന​ട​പ​ടി സ്വീ​ക​രി​ക്ക​ണ​മെ​ന്ന് ഇ​തു​വ​ഴി പ​തി​വാ​യി യാ​ത്ര ചെ​യ്യു​ന്ന ക​ല്ല​റ സ്വ​ദേ​ശി​നി റോ​സ​മ്മ ചാ​ക്കോ​യും പ​റ​ഞ്ഞു.

പൊ​തു​മ​രാ​മ​ത്ത് വ​കു​പ്പി​ന്‍റെ ഉ​ട​മ​സ്ഥ​ത​യി​ലു​ള്ള സ്ഥ​ല​ത്ത് ബ​സ് കാ​ത്തി​രി​പ്പ് കേ​ന്ദ്രം നി​ര്‍മി​ക്കാ​ന്‍ എം​എ​ല്‍എ​യു​ടെ​യോ സ​ര്‍ക്കാ​രി​ന്‍റെ​യോ ഫ​ണ്ട് മാ​ത്ര​മേ വി​നി​യോ​ഗി​ക്കാ​നാ​കൂ​വെ​ന്നാ​ണ് പ​ഞ്ചാ​യ​ത്ത് പ​റ​യു​ന്ന​ത്. കു​റു​പ്പ​ന്ത​റ ക​വ​ല വി​ക​സ​ന​വു​മാ​യി ബ​ന്ധ​പ്പെ​ട്ട മാ​സ്റ്റ​ര്‍ പ്ലാ​ന്‍ ഉ​ള്‍പ്പെ​ടു​ത്തി മ​ന്ത്രി​ക്ക് നി​വേ​ദ​നം ന​ല്‍കി​യി​ട്ടു​ണ്ടെ​ന്നും പ​ഞ്ചാ​യ​ത്ത​ധി​കൃ​ത​ര്‍ ഏ​റേ​ക്കാ​ല​മാ​യി പ​റ​യു​ന്നു​ണ്ട്.

ക​വ​ല വി​ക​സ​ന​ത്തി​നൊ​പ്പം ആ​ധു​നി​ക നി​ല​വാ​ര​ത്തി​ലു​ള്ള മ​നോ​ഹ​ര​മാ​യ ബ​സ് കാ​ത്തി​രി​പ്പ് കേ​ന്ദ്ര​ങ്ങ​ള്‍ നി​ര്‍മി​ക്കാ​നു​ള്ള പ​ദ്ധ​തി​യു​ടെ​യും രൂ​പ​രേ​ഖ സ​മ​ര്‍പ്പി​ച്ചി​ട്ടു​ണ്ടെ​ന്നാ​ണ് മാ​ഞ്ഞൂ​ര്‍ പ​ഞ്ചാ​യ​ത്ത് പ്ര​സി​ഡ​ന്‍റ് കോ​മ​ള​വ​ല്ലി ര​വീ​ന്ദ്ര​ന്‍ മു​മ്പും പ​റ​ഞ്ഞി​ട്ടു​ള്ള​ത്. എ​ന്നാ​ല്‍, പ​റ​ച്ചി​ല​ല്ലാ​തെ ന​ട​പ​ടി​ക​ളൊ​ന്നും ഉ​ണ്ടാ​കു​ന്നി​ല്ലെ​ന്നാ​ണ് നാ​ട്ടു​കാ​രു​ടെ​യും യാ​ത്ര​ക്കാ​രു​ടെ​യും ആ​ക്ഷേ​പം.