ആ​പ്പാ​ഞ്ചി​റ മാ​ന്നാ​റി​ലെ വ്യാ​പാ​ര സ്ഥാ​പ​ന​ങ്ങ​ളി​ലും മോ​ഷ​ണം
Wednesday, September 25, 2024 7:24 AM IST
ക​ടു​ത്തു​രു​ത്തി: ആ​പ്പാ​ഞ്ചി​റ മാ​ന്നാ​റി​ലെ വ്യാ​പാ​ര സ്ഥാ​പ​ന​ങ്ങ​ളി​ലും ജ്യോ​തി​ഷാ​ല​യ​ത്തി​ലും എ​ന്‍ട്ര​ന്‍സ് പ​രി​ശീ​ല കേ​ന്ദ്ര​ത്തി​ലും മോ​ഷ​ണം. മൂ​ന്ന് സ്ഥാ​പ​ന​ങ്ങ​ളി​ല്‍ ന​ട​ന്ന മോ​ഷ​ണ​ത്തി​ല്‍ 36,000 രൂ​പ ന​ഷ്ട​പെ​ട്ട​താ​യി സ്ഥാ​പ​ന ഉ​ട​മ​ക​ള്‍ പ​റ​ഞ്ഞു. ക​ടു​ത്തു​രു​ത്തി വി​ജ​യ​സ​ദ​ന​ത്തി​ല്‍ എ​ത്സി​യു​ടെ ഉ​ട​മ​സ്ഥ​ത​യി​ലു​ള്ള ബ്യൂ​ട്ടി പാ​ര്‍ല​ര്‍, ത​യ്യ​ല്‍ക​ട എ​ന്നി​വി​ട​ങ്ങ​ളി​ല്‍നി​ന്ന് 30,000 രൂ​പ​യും, മാ​ന്നാ​ര്‍ സ്വ​ദേ​ശി​യാ​യ രാ​ധാ​കൃ​ഷ്ണ​ന്‍റെ ബാ​ല​ഭ​ദ്ര ജ്യോ​തി​ഷാ​ല​യ​ത്തി​ല്‍നി​ന്ന് 6,000 രൂ​പ​യു​മാ​ണ് ന​ഷ്ട​പ്പെ​ട്ട​ത്. പൂ​ഴി​ക്കോ​ല്‍ ക​രി​മാ​ങ്ക​ല്‍ സ​ജി​യു​ടെ ഉ​ട​മ​സ്ഥ​ത​യി​ലു​ള്ള ന​വോ​ദ​യ എ​ന്‍ട്ര​ന്‍സ് പ​രി​ശീ​ല​ന കേ​ന്ദ്ര​ത്തി​ല്‍നി​ന്ന് ഒ​രു മൊ​ബൈ​ല്‍ ഫോ​ണ്‍ ക​വ​ര്‍ന്നി​ട്ടു​ണ്ട്.

ഇ​വി​ടു​ത്തെ അ​ല​മാ​ര​യും മേ​ശ​യും കു​ത്തി​ത്തു​റ​ന്ന നി​ല​യി​ലാ​ണ്. ഇ​ന്ന​ലെ രാ​വി​ലെ ഉ​ട​മ​ക​ള്‍ സ്ഥാ​പ​നം തു​റ​ക്കാ​നാ​യി എ​ത്തി​യ​പ്പോ​ഴാ​ണ് മോ​ഷ​ണ വി​വ​ര​മ​റി​ഞ്ഞ​ത്. തു​ട​ര്‍ന്ന് ക​ടു​ത്തു​രു​ത്തി പോ​ലീ​സി​ല്‍ വി​വ​ര​മ​റി​യി​ക്കു​ക​യാ​യി​രു​ന്നു. ക​ടു​ത്തു​രു​ത്തി സി​ഐ ടി.​എ​സ്. റെ​നീ​ഷ്, എ​സ്‌​ഐ ശ​ര​ണ്യ എ​സ്.​ദേ​വ​ന്‍ എ​ന്നി​വ​രു​ടെ നേ​തൃ​ത്വ​ത്തി​ല്‍ പോ​ലീ​സെ​ത്തി സ്ഥാ​പ​ന​ങ്ങ​ളി​ല്‍ പ​രി​ശോ​ധ​ന ന​ട​ത്തി.


മാ​ന്നാ​ര്‍ ക​ല്ല​റ​ക്കു​ന്നേ​ല്‍ കാ​ലാ​യി​ല്‍ ജോ​മോ​ന്‍റെ ഉ​ട​മ​സ്ഥ​ത​യി​ലു​ള്ള കെ​ട്ടി​ട​ത്തി​ന്‍റെ മു​ക​ളി​ല​ത്തെ നി​ല​യി​ല്‍ പ്ര​വ​ര്‍ത്തി​ക്കു​ന്ന സ്ഥാ​പ​ന​ങ്ങ​ളി​ലാ​ണ് മോ​ഷ​ണം ന​ട​ന്ന​ത്. തി​ങ്ക​ളാ​ഴ്ച രാ​ത്രി 12.30-നു​ശേ​ഷ​മാ​ണ് മോ​ഷ​ണം ന​ട​ന്നി​രി​ക്കു​ന്ന​ത്. പു​ല​ര്‍ച്ചെ 1.52 വ​രെ​യു​ള്ള സ​മ​യ​ത്ത് മോ​ഷ്ടാ​വ് ഇ​തു​വ​ഴി ന​ട​ക്കു​ന്ന​ത് സി​സി ടി​വി ദൃ​ശ്യ​ങ്ങ​ളി​ല്‍ വ്യ​ക്ത​മാ​ണ്.

മാ​ന്നാ​ര്‍ സെ​ന്‍റ് മേ​രീ​സ് പ​ള്ളി​യി​ലേ​ക്കു​ള്ള റോ​ഡി​ലൂ​ടെ മു​ന്നോ​ട്ടു​പോ​യ മോ​ഷ്ടാ​വ് റോ​ഡ​രി​കി​ല്‍ വാ​ഹ​നം പാ​ര്‍ക്ക് ചെ​യ്ത​തി​നു​ശേ​ഷം കാ​ല്‍ന​ട​യാ​യി ഇ​വി​ടെ​യെ​ത്തി​യാ​ണ് മോ​ഷ​ണം ന​ട​ത്തി​യ​തെ​ന്നും ദൃ​ശ്യ​ങ്ങ​ളി​ല്‍നി​ന്ന് വ്യ​ക്ത​മാ​ണ്.

പാ​ന്‍റ്സും ഷ​ര്‍ട്ടും തൊ​പ്പി​യും ധ​രി​ച്ച യു​വാ​വാ​യ മോ​ഷ്ടാ​വി​ന്‍റെ ചി​ത്രം സ​മീ​പ​ത്തെ വീ​ടി​ന്‍റെ സി ​സി ടി​വി​യി​ല്‍ പ​തി​ഞ്ഞി​ട്ടു​ണ്ട്. കോ​ട്ട​യ​ത്തു​നി​ന്നും വി​ര​ല​ട​യാ​ള വി​ദ​ഗ്ധ​രും ഡോ​ഗ് സ്‌​ക്വാ​ഡും സ്ഥ​ല​ത്തെ​ത്തി പ​രി​ശോ​ധ​ന​ക​ള്‍ ന​ട​ത്തി.