കോട്ടയം: ദിവംഗതനായ മാര്‍ തോമസ് തറയിലിന്‍റെ 50-ാമത് ചരമവാര്‍ഷികത്തോടനുബന്ധിച്ചു കോട്ടയം സോഷ്യല്‍ സര്‍വീസ് സൊസൈറ്റിയുടെ നേതൃത്വത്തില്‍ മാര്‍ തോമസ് തറയില്‍ അനുസ്മരണ സിമ്പോസിയം നടത്തി.
60 വര്‍ഷങ്ങള്‍ പൂര്‍ത്തിയാക്കിയ കെഎസ്എസ്എസിന്‍റെ സ്ഥാപനദിനത്തോടനുബന്ധിച്ചാണ് സിമ്പോസിയം സംഘടിപ്പിച്ചത്. തെള്ളകം ചൈതന്യ പാസ്റ്ററല്‍ സെന്‍ററില്‍ ചേര്‍ന്ന സമ്മേളനം ആര്‍ച്ച്ബിഷപ് മാര്‍ മാത്യു മൂലക്കാട്ട് ഉദ്ഘാടനം ചെയ്തു.
സഹായമെത്രാന്‍ ഗീവര്‍ഗീസ് മാര്‍ അപ്രേം, വികാരി ജനറാള്‍ ഫാ. മൈക്കിള്‍ വെട്ടിക്കാട്ട്, ചാന്‍സലര്‍ ഡോ. തോമസ് ആദോപ്പള്ളില്‍, ഫാ. സുനില്‍ പെരുമാനൂര്‍, ഡോ. മാത്യു മണക്കാട്ട്, ഫാ. ഏബ്രഹാം പറമ്പേട്ട്, ബാബു പറമ്പേടത്ത്മലയില്‍, സിസ്റ്റര്‍ ഇമ്മാക്കുലേറ്റ് എസ്.വി.എം, സിസ്റ്റര്‍ അനിതാ എസ്ജെസി, സിസ്റ്റര്‍ ലിസി ജോണ്‍ മുടക്കോടില്‍, ഷൈനി സിറിയക്, ജോണിസ് പി. സ്റ്റീഫന്‍, ജോര്‍ജ് കുര്യന്‍, ടോമി നന്ദികുന്നേല്‍, ഫാ. ഷെറിന്‍ കുരുക്കിലേട്ട് എന്നിവര്‍ പ്രസംഗിച്ചു.