വ​നംവ​കു​പ്പ് കെ​ട്ടി​ട​വും സ്ഥ​ല​വും വെ​റു​തേകി​ട​ന്ന് ന​ശി​ക്കു​ന്നു
Thursday, September 26, 2024 4:26 AM IST
കൂ​ട്ടി​ക്ക​ൽ: ടൗ​ണി​നു സ​മീ​പം വ​നം​വ​കു​പ്പി​ന്‍റെ കെ​ട്ടി​ട​വും സ്ഥ​ല​വും വെ​റു​തേകി​ട​ന്നു ന​ശി​ക്കു​ന്നു. വ​ർ​ഷ​ങ്ങ​ൾ​ക്കു മു​മ്പാ​ണ് ഇ​വി​ടെ ഫോ​റ​സ്റ്റ് ഓ​ഫീ​സ് പ്ര​വ​ർ​ത്ത​നം ആ​രം​ഭി​ച്ച​ത്. കൊ​ക്ക​യാ​ർ, ഉ​റു​മ്പി​ക്ക​ര അ​ട​ക്ക​മു​ള്ള മേ​ഖ​ല​യി​ലെ വ​ന​സം​ര​ക്ഷ​ണ​ത്തി​നാ​യി​ട്ടാ​യി​രു​ന്നു ഇ​വി​ടു​ത്തെ ഫോ​റ​സ്റ്റ് ഓ​ഫീ​സ് പ്ര​വ​ർ​ത്തി​ച്ച​ത്.

എ​ന്നാ​ൽ, വ​ർ​ഷ​ങ്ങ​ൾ​ക്കു ശേ​ഷം പ്ര​ദേ​ശ​ത്ത് ജ​ന​വാ​സം കൂ​ടു​ക​യും വ​ന​സാ​ന്ദ്ര​ത കു​റ​യു​ക​യും ചെ​യ്ത​തോ​ടെ ഫോ​റ​സ്റ്റ് ഓ​ഫീ​സി​ന്‍റെ പ്ര​വ​ർ​ത്ത​നം നി​ല​ച്ചു. പി​ന്നീ​ട് ഇ​ത് വ​നംവ​കു​പ്പ് ജീ​വ​ന​ക്കാ​ർ​ക്ക് താ​മ​സി​ക്കാ​നു​ള്ള ക്വാർ ട്ടേഴ്സാ​ക്കി മാ​റ്റി. 2014വ​രെ ഇ​വി​ടെ വ​നം വ​കു​പ്പ് ജീ​വ​ന​ക്കാ​ർ താ​മ​സി​ച്ചി​രു​ന്നു. പി​ന്നീ​ട് ആ​രും താ​മ​സി​ക്കാ​തെ​യാ​യി.

ആ​രും തി​രി​ഞ്ഞു നോ​ക്കാ​തെ പത്തു വ​ർ​ഷ​മാ​യി കെ​ട്ടി​ട​വും സ്ഥ​ല​വും വെ​റു​തേ കി​ട​ന്ന​തോടെ ഇ​പ്പോ​ൾ സാ​മൂ​ഹ്യ​വി​രു​ദ്ധ​രു​ടെ കേ​ന്ദ്ര​മാ​യി മാ​റി​യി​രി​ക്കു​ക​യാ​ണ്.

കെ​ട്ടി​ട​ത്തി​ന്‍റെ ഉ​പ​യോ​ഗ​യോ​ഗ്യ​മാ​യ എ​ല്ലാ ഭാ​ഗ​ങ്ങ​ളും സാ​മൂ​ഹ്യ​വി​രുദ്ധർ ക​വ​ർ​ന്നു. രാ​ത്രി​കാ​ല​ങ്ങ​ളി​ൽ ഇ​വി​ടെ മ​ദ്യ​പാ​ന സം​ഘ​വും ത​മ്പ​ടി​ക്കാ​റു​ണ്ട്. പ്ര​ദേ​ശ​വാ​സി​ക​ളു​ടെ കൃ​ത്യ​മാ​യ ഇ​ട​പെ​ട​ലി​ലൂ​ടെ ഇ​പ്പോ​ൾ ഇ​ത്ത​ര​ക്കാ​രെ ഒ​രു പ​രി​ധി​വ​രെ അ​ക​റ്റിനിർത്താ​ൻ സാ​ധി​ച്ചി​ട്ടു​ണ്ട്.

ഓ​ഫീ​സ് കെ​ട്ടി​ട​ത്തി​ന് സ​മീ​പ​ത്താ​യി വ​ൻ മ​ര​ങ്ങ​ളാ​ണ് വ​ള​ർ​ന്നുനി​ൽ​ക്കു​ന്ന​ത്. ഇ​ത് മേ​ഖ​ല​യി​ൽ വ​ലി​യ സു​ര​ക്ഷാ ഭീ​ഷ​ണി​യും ഉ​യ​ർ​ത്തു​ന്നു​ണ്ട്.

എ​രു​മേ​ലി ഫോ​റ​സ്റ്റ് റേ​ഞ്ച് ഓ​ഫീ​സി​നാ​ണ് ഇ​തി​ന്‍റെ പ​രി​പാ​ല​ന ചു​മ​ത​ല. കൂ​ട്ടി​ക്ക​ൽ ടൗ​ണി​നു സ​മീ​പ​മു​ള്ള ഈ ​കെ​ട്ടി​ട​വും സ്ഥ​ല​വും പ​ഞ്ചാ​യ​ത്തി​നോ അ​നു​ബ​ന്ധ സ്ഥാ​പ​ന​ങ്ങ​ൾ​ക്കോ വി​ട്ടു ന​ൽ​കി​യാ​ൽ ജ​നോ​പ​കാ​ര​പ്ര​ദ​മാ​യ സ്ഥാ​പ​ന​ങ്ങ​ൾ ഇ​വി​ടെ പ്ര​വ​ർ​ത്ത​നം ആ​രം​ഭി​ക്കാ​ൻ ക​ഴി​യും.
എ​ന്നാ​ൽ, വ​നം വ​കു​പ്പ് കേ​ന്ദ്ര​സ​ർ​ക്കാ​രി​ന്‍റെ നി​യ​ന്ത്ര​ണ​ത്തി​ലു​ള്ള​താ​യ​തി​നാ​ൽ ഇ​ത്ത​രം നീ​ക്കുപോ​ക്കി​ന് നി​യ​മത​ട​സ​ങ്ങ​ൾ ഏ​റെ​യാ​ണെ​ന്നു പ​റ​യുന്നു.