സ്കൂ​ൾ കെ​ട്ടി​ടം അ​റ്റ​കു​റ്റ​പ്പ​ണി ന​ട​ത്തി
Wednesday, September 25, 2024 7:24 AM IST
വെച്ചൂ​ർ: സ്കൂ​ൾ കെ​ട്ടി​ട​ത്തി​ലെ ചോ​ർ​ച്ച ത​ട​യാ​നാ​യി ഫ്ലെ​ക്സും പ​ടു​ത​യും വി​രി​ച്ചു. വെ​ച്ചൂ​ർ ദേ​വി വി​ലാ​സം ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ൾ കെ​ട്ടി​ട​ത്തി​ന്‍റെ മേ​ൽ​ക്കൂ​ര​യാ​ണ് ഫ്ല​ക്സും പ​ടു​ത​യും കൊ​ണ്ട് പൊ​തി​ഞ്ഞ​ത്. യു​പി വി​ഭാ​ഗം പ്ര​വ​ർ​ത്തി​ക്കു​ന്ന കെ​ട്ടി​ട​ത്തി​ലെ ചോ​ർ​ച്ച പ​രി​ഹ​രി​ക്കാ​നാ​ണ് പി​ടി​എ ഭാ​ര​വാ​ഹി​ക​ളും അ​ധ്യാ​പ​ക​രും ചേ​ർ​ന്ന് ഫ്ല​ക്സും പ​ടു​ത​യും കെ​ട്ടി​ട​ത്തി​ന്‍റെ മേ​ൽ​ക്കൂ​ര​യി​ൽ വി​രി​ച്ച​ത്.

സ്കൂ​ൾ മൈ​താ​ന​ത്ത് കു​ട്ടി​ക​ൾ ഫു​ട്ബോ​ൾ ക​ളി​ക്കു​ന്ന​തി​ട​യി​ൽ പ​ന്ത് തെ​റി​ച്ചു കൊ​ണ്ടാ​ണ് കെ​ട്ടി​ട​ത്തി​ലെ ഓ​ടു​ക​ൾ ത​ക​ർ​ന്ന​ത്. മ​ഴ ക​ന​ത്ത​തോ​ടെ കെ​ട്ടി​ടം ചോ​ർ​ന്നൊ​ലി​ച്ചു. യു​പി വി​ഭാ​ഗ​ത്തി​ൽ 200 ഓ​ളം വി​ദ്യാ​ർ​ഥി​ക​ളാ​ണു​ള്ള​ത്.

ക്ലാ​സി​ൽ കു​ട്ടി​ക​ൾ​ക്ക് ഇ​രി​ക്കാ​ൻ ക​ഴി​യാ​ത്ത സ്ഥി​തി വ​ന്ന​തോ​ടെ പി​ടി​എ​യും അ​ധ്യാ​പ​ക​രും ചേ​ർ​ന്ന് പ​ടു​ത​യും ഫ്ല​ക്സും മേ​ൽ​ക്കൂ​ര​യി​ൽ വി​രി​ച്ച് ചോ​ർ​ച്ച ത​ട​യു​ക​യാ​യി​രു​ന്നു. ജി​ല്ലാ പ​ഞ്ചാ​യ​ത്തി​ന്‍റെ കീ​ഴി​ലാ​ണ് സ്കൂ​ൾ പ്ര​വ​ർ​ത്തി​ക്കു​ന്ന​ത്.


യു​പി സ്കൂ​ൾ കെ​ട്ടി​ട​ത്തി​ന്‍റെ ചോ​ർ​ച്ച മാ​റ്റാ​ൻ ഓ​ടു​ക​ൾ മാ​റ്റി ഷീ​റ്റി​ടാ​ൻ ന​ട​പ​ടി സ്വീ​ക​രി​ക്ക​ണ​മെ​ന്നാ​വ​ശ്യ​പ്പെ​ട്ട് പി​ടി​എ​യും അ​ധ്യാ​പ​ക​രും വി​ദ്യാ​ഭ്യാ​സ വ​കു​പ്പ് അ​ധി​കൃ​ത​ർ​ക്ക് നി​വേ​ദ​നം ന​ൽ​കി​യി​രു​ന്നു. ഇ​തി​നെ തു​ട​ർ​ന്ന് 3.96 ല​ക്ഷം രൂ​പ​യു​ടെ എ​സ്റ്റി​മേ​റ്റ് ത​യ്യാ​റാ​ക്കി സ​ർ​ക്കാ​രി​ന് സ​മ​ർ​പ്പി​ച്ചെ​ങ്കി​ലും തു​ട​ർ ന​ട​പ​ടി​ക​ളു​ണ്ടാ​യി​ല്ല. സ്കൂ​ൾ കെ​ട്ടി​ട​ത്തി​ന്‍റെ ചോ​ർ​ച്ച പ​രി​ഹ​രി​ക്കാ​ൻ മേ​ൽ​ക്കൂ​ര​യി​ൽ ഷീ​റ്റി​ട​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.