പാലാ: യുവാക്കളെ ഇടിച്ചിട്ടശേഷം അടിയില് കുടുങ്ങിയ സ്കൂട്ടറുമായി ഓടിച്ചുപോയ ലോറി ഡ്രൈവര് പോലീസില് കീഴടങ്ങി. പത്തനംതിട്ട അടൂര് പൊയ്യാനല്ലൂര് ഇളംപള്ളി കോനാത്തുപുരയില് അച്ചു (29)ആണ് കീഴടങ്ങിയത്.
എറണാകുളം സ്വദേശിയുടേതാണ് വാഹനം. തിങ്കളാഴ്ച രാത്രി 11.30 ഓടെയാണ് അപകടമുണ്ടായത്. സമാന്തര റോഡിലൂടെയെത്തിയ ലോറി സ്കൂട്ടര് യാത്രക്കാരെ ഇടിച്ചിട്ട ശേഷം നിര്ത്താതെ പോവുകയായിരുന്നു. എട്ടു കിലോമീറ്ററോളം ഓടിയ ശേഷം വൈദ്യുതി പോസ്റ്റിലിടിച്ചതോടെ വാഹനം നിര്ത്തി ഡ്രൈവര് ഓടിരക്ഷപ്പെടുകയായിരുന്നു.പോലീസ് അന്വേഷണം ശക്തമാക്കിയതോടെ കീഴടങ്ങുകയായിരുന്നു. പരിക്കേറ്റ യുവാക്കള് ചികിത്സയിലാണ്.