നി​ര്‍​ത്ത​ലാ​ക്കി​യ അ​ന​ധി​കൃ​ത മെ​റ്റ​ല്‍ ക്ര​ഷ​ര്‍ പു​ന​രാ​രം​ഭി​ക്കാ​ന്‍ നീ​ക്കം
Thursday, August 22, 2024 11:48 PM IST
കെ​ഴു​വം​കു​ളം: കൊ​ഴു​വ​നാ​ല്‍ പ​ഞ്ചാ​യ​ത്ത് ഒ​ന്നാം വാ​ര്‍​ഡ് ചേ​ര്‍​പ്പു​ങ്ക​ല്‍ കെ​ഴു​വം​കു​ളം ല​ക്ഷം​വീ​ട് കോ​ള​നി​ക്കു സ​മീ​പം നി​യ​മ​വി​രു​ദ്ധ​മാ​യും പ​രി​സ്ഥി​തി​ക്കു ദോ​ഷ​ക​ര​മാ​യും പ്ര​വ​ര്‍​ത്തി​ക്കു​ന്നു​വെ​ന്ന പ​രാ​തി​യെ​ത്തു​ട​ര്‍​ന്ന് നി​ര്‍​ത്ത​ലാ​ക്കി​യ മെ​റ്റ​ല്‍ ക്ര​ഷ​ര്‍ പു​ന​രാ​രം​ഭി​ക്കു​വാ​നു​ള്ള നീ​ക്കം അ​വ​സാ​നി​പ്പി​ക്ക​ണ​മെ​ന്ന് കെ​ഴു​വം​കു​ളം പ്ര​ദേ​ശ​വാ​സി​ക​ള്‍ ആ​വ​ശ്യ​പ്പെ​ട്ടു.

പ​ഞ്ചാ​യ​ത്ത് ലൈ​സ​ന്‍​സ് ഇ​ല്ലാ​തെ പ്ര​വ​ര്‍​ത്തി​ച്ചി​രു​ന്ന സ്ഥാ​പ​നം പൊ​തു​ജ​ന​ങ്ങ​ളു​ടെ പ​രാ​തി​യെ​ത്തു​ട​ര്‍​ന്നാ​ണ് നി​ര്‍​ത്ത​ലാ​ക്കി​യ​ത്. ഈ ​സാ​ഹ​ച​ര്യ​ത്തി​ല്‍ പ​രി​സ്ഥി​തി​നി​യ​മ​ങ്ങ​ള്‍ പാ​ലി​ക്കാ​തെ വീ​ണ്ടും ക്ര​ഷ​ര്‍ പ്ര​വ​ര്‍​ത്തി​പ്പി​ക്കാ​ന്‍ ശ്ര​മ​ങ്ങ​ള്‍ ന​ട​ത്തു​ന്ന​താ​യി നാ​ട്ടു​കാ​ര്‍ പ​റ​ഞ്ഞു. 200 മീ​റ്റ​റി​നു​ള്ളി​ല്‍ വീ​ടു​ക​ള്‍ പാ​ടി​ല്ലെ​ന്നി​രി​ക്കേ പ​ന്ത്ര​ണ്ടോ​ളം വീ​ടു​ക​ള്‍ നി​ശ്ചി​ത ദൂ​ര​പ​രി​ധി​യി​ല്‍ സ്ഥി​തി ചെ​യ്യു​ന്നു​ണ്ട്. തൊ​ട്ട​ടു​ത്ത് പ്ര​വ​ര്‍​ത്തി​ക്കു​ന്ന സൂ​പ്പ​ര്‍ സ്‌​പെ​ഷാ​ലി​റ്റി ആ​ശു​പ​ത്രി​യും 250 മീ​റ്റ​റി​നു​ള്ളി​ലാ​ണ്. കൊ​ച്ചു​കു​ട്ടി​ക​ള്‍ പ​ഠി​ക്കു​ന്ന അ​ങ്ക​ണ​വാ​ടി​യും ഗ​വ​ണ്‍​മെ​ന്‍റ് എ​ല്‍​പി സ്‌​കൂ​ളും മൂ​ന്നു ക്ഷേ​ത്ര​ങ്ങ​ളും അ​ഞ്ഞൂ​റ് മീ​റ്റ​ര്‍ പ​രി​ധി​യി​ല്‍ ഉ​ള്‍​പ്പെ​ടു​ന്നു. മെ​റ്റ​ല്‍ ക്ര​ഷ​റി​ലേ​ക്ക് വ​ലി​യ ടോ​റ​സ് പോ​ലു​ള്ള വാ​ഹ​ന​ങ്ങ​ള്‍ വ​രു​ന്ന​ത് കാ​ല്‍​ന​ട​യാ​ത്ര പോ​ലും അ​സാ​ധ്യ​മാ​ക്കും. റോ​ഡി​ന് പ​ല സ്ഥ​ല​ത്തും മൂ​ന്നു മീ​റ്റ​ര്‍ വീ​തി​യാ​ണു​ള്ള​ത്.


ഈ ​സാ​ഹ​ച​ര്യ​ത്തി​ല്‍ നി​ര്‍​ത്ത​ലാ​ക്കി​യ മെ​റ്റ​ല്‍ ക്ര​ഷ​ര്‍ പു​ന​രാ​രം​ഭി​ക്കു​വാ​നു​ള്ള നീ​ക്ക​ത്തി​ല്‍​നി​ന്നും അ​ധി​കാ​രി​ക​ള്‍ പി​ന്‍​വാ​ങ്ങ​ണ​മെ​ന്നും അ​ല്ലാ​ത്ത​പ​ക്ഷം ശ​ക്ത​മാ​യ സ​മ​ര​പ​രി​പാ​ടി​ക​ള്‍ ന​ട​ത്തു​മെ​ന്നും നാ​ട്ടു​കാ​ര്‍ പ​റ​ഞ്ഞു.