ഓ​ണാ​ഘോ​ഷം
Thursday, September 12, 2024 11:26 PM IST
അ​രു​വി​ത്തു​റ: സെ​ന്‍റ് ജോ​ർ​ജ് കോ​ള​ജി​ൽ ക​ള​റോ​ണം - ഓ​ണാ​ഘോ​ഷ മാ​മാ​ങ്കം സം​ഘ​ടി​പ്പി​ച്ചു. യ​മ​കി​ങ്ക​ര​ന്മാ​ർ​ക്കൊ​പ്പ​മെ​ത്തി​യ മ​ഹാ​ബ​ലി​യും മെ​ഗാ തി​രു​വാ​തി​ര​യും വ​ർ​ണ​ക്കു​ട​ക​ളും വാ​ദ്യ​ഘോ​ഷ​ങ്ങ​ളും അ​ണി​നി​ര​ന്ന ഘോ​ഷ​യാ​ത്ര​യും അ​വേ​ശ​ക​ര​മാ​യ വ​ടം​വ​ലി മ​ത്സ​ര​വും അ​ത്ത​പ്പു​ക്ക​ള മ​ത്സ​ര​വും ഓ​ണ​പ്പാ​ട്ടു​ക​ളും ആ​ഘോ​ഷ​ങ്ങ​ൾ​ക്കു മാ​റ്റു​കൂ​ട്ടി. പ്രി​ൻ​സി​പ്പ​ൽ ഡോ. ​സി​ബി ജോ​സ​ഫ് ഓ​ണാ​ഘോ​ഷം ഉ​ദ്ഘാ​ട​നം ചെ​യ്തു. ബ​ർ​സാ​ർ ഫാ. ​ബി​ജു കു​ന്ന​ക്കാ​ട്ട്, വൈ​സ് പ്രി​ൻ​സി​പ്പ​ൽ ഡോ. ​ജി​ലു ആ​നി ജോ​ൺ തു​ട​ങ്ങി​യ​വ​ർ പ്ര​സം​ഗിച്ചു.

രാ​മ​പു​രം: രാ​മ​പു​രം എ​സ്എ​ച്ച് എ​ല്‍​പി സ്‌​കൂ​ളി​ല്‍ ഓ​ണാ​ഘോ​ഷം ന​ട​ത്തി. പാ​ലാ കോ​ര്‍​പ​റേ​റ്റ് എ​ഡ്യൂ​ക്കേ​ഷ​ന്‍ ഏ​ജ​ന്‍​സി​യു​ടെ​യും സോ​ഷ്യ​ല്‍ വെ​ല്‍​ഫെ​യ​ര്‍ സൊ​സൈ​റ്റി​യു​ടെ​യും ആ​ഭി​മു​ഖ്യ​ത്തി​ല്‍ ന​ട​ത്തു​ന്ന കു​ട്ടി​ക​ളും കൃ​ഷി​യി​ലേ​ക്ക് പ​ദ്ധ​തി​യു​ടെ ഭാ​ഗ​മാ​യി സ്‌​കൂ​ള്‍ പ​ച്ച​ക്ക​റി​ത്തോ​ട്ട​ത്തി​ല്‍ വി​ള​ഞ്ഞ വി​ഷ​ര​ഹി​ത ക​പ്പ​ള​ങ്ങ മാ​താ​പി​താ​ക്ക​ളും അ​ധ്യാ​പ​ക​രും ചേ​ര്‍​ന്ന് അ​ച്ചാ​റാ​ക്കി വി​പ​ണി​യി​ലെ​ത്തി​ച്ചു. സ്‌​കൂ​ളി​ലെ ത​ന്നെ അ​ര്‍​ഹ​രാ​യ കു​ട്ടി​ക​ളു​ടെ ഭ​വ​ന പു​ന​രു​ദ്ധാ​ര​ണ​ത്തി​ന് ആ​വ​ശ്യ​മാ​യ സ​ഹാ​യം ന​ല്‍​കു​ക എ​ന്ന ല​ക്ഷ്യ​ത്തോ​ടെ​യാ​ണ് ന​ന്മ​യോ​ണം 2024 എ​ന്ന പേ​രി​ല്‍ ഓ​ണാ​ഘോ​ഷം ന​ട​ത്തി​യ​ത്. രാ​മ​പു​രം പ​ഞ്ചാ​യ​ത്ത് പ്ര​സി​ഡ​ന്‍റ് ലി​സ​മ്മ മ​ത്ത​ച്ച​ന്‍ ഉ​ദ്ഘാ​ട​നം ചെ​യ്തു. പി​ടു​എ ഭാ​ര​വാ​ഹി​ക​ളാ​യ ദീ​പു സു​രേ​ന്ദ്ര​ന്‍, ഡോ​ണ ജോ​ളി സി​ജോ എ​ന്നി​വ​ര്‍ പ്ര​സം​ഗി​ച്ചു.


പാ​ലാ: ആ​ര്‍​വി റോ​ഡ് റെ​സി​ഡ​ന്‍റ്സ് വെ​ല്‍​ഫെ​യ​ര്‍ അ​സോ​സി​യേ​ഷ​ന്‍റെ ആ​ഭി​മു​ഖ്യ​ത്തി​ല്‍ 16ന് ​ഉ​ച്ച​ക​ഴി​ഞ്ഞ് മൂ​ന്നി​ന് മൈ​ലാ​ടൂ​ര്‍ ന​ഗ​റി​ല്‍ ഓ​ണാ​ഘോ​ഷം ന​ട​ത്തും. മാ​ത്യു സെ​ബാ​സ്റ്റ്യ​ന്‍ മേ​ട​യ്ക്ക​ലി​ന്‍റെ വ​സ​തി​യി​ൽ ന​ട​ക്കു​ന്ന സ​മാ​പ​ന സ​മ്മേ​ള​നം മു​നി​സി​പ്പ​ല്‍ ചെ​യ​ര്‍​മാ​ന്‍ ഷാ​ജു വി. ​തു​രു​ത്ത​ന്‍ ഉ​ദ്ഘാ​ട​നം ചെ​യ്യും. അ​സോ​സി​യേ​ഷ​ന്‍ പ്ര​സി​ഡ​ന്‍റ് ജോ​സ് വേ​ര​നാ​നി അ​ധ്യ​ക്ഷ​ത വ​ഹി​ക്കും. പാ​ലാ ട്രാ​ഫി​ക് എ​സ്ഐ സു​രേ​ഷ് കു​മാ​ര്‍ ഓ​ണ​സ​ന്ദേ​ശ​വും സ​മ്മാ​ന​ദാ​ന​വും നി​ര്‍​വ​ഹി​ക്കും. കൗ​ണ്‍​സി​ല​ര്‍​മാ​രാ​യ നീ​നാ ജോ​ര്‍​ജ് ചെ​റു​വ​ള്ളി, സ​തി ശ​ശി​കു​മാ​ര്‍, എ.​എ​സ്. തോ​മ​സ് എ​ന്നി​വ​ര്‍ പ്ര​സം​ഗിക്കും.