പു​ളി​ച്ച​മാ​ക്ക​ല്‍ പാ​ലം അ​പ​ക​ടാ​വ​സ്ഥ​യി​ല്‍; ഗ​താ​ഗ​തം ത​ട​സ​പ്പെ​ട്ടു
Thursday, September 12, 2024 10:27 PM IST
കൊ​ല്ല​പ്പ​ള്ളി: മൂ​ന്നു പ​ഞ്ചാ​യ​ത്തു​ക​ളെ ബ​ന്ധി​പ്പി​ച്ചു ക​ട​ന്നു​പോ​കു​ന്ന കൊ​ല്ല​പ്പ​ള്ളി ക​വ​ല​വ​ഴി​മു​ക്ക്-​മ​ങ്ക​ര-​പ്ര​വി​ത്താ​നം പി​ഡ​ബ്ല്യു​ഡി റോ​ഡി​ലെ പു​ളി​ച്ച​മാ​ക്ക​ല്‍ പാ​ലം അ​പ​ക​ടാ​വ​സ്ഥ​യി​ല്‍. മൂ​ന്നു മീ​റ്റ​ര്‍ മാ​ത്രം വീ​തി​യു​ള്ള പാ​ല​ത്തി​ന്‍റെ ഇ​രു​ഭാ​ഗ​ത്തും കു​ഴി രൂ​പ​പ്പെ​ട്ട​തി​നാ​ല്‍ വാ​ഹ​ന​ങ്ങ​ള്‍​ക്ക് ക​ട​ന്നു​പോ​കു​വാ​ന്‍ ക​ഴി​യു​ന്നി​ല്ല. സ്‌​കൂ​ള്‍​ബ​സു​ക​ളും മ​റ്റു വാ​ഹ​ന​ങ്ങ​ളും ക​ട​ന്നു​പോ​കാ​ന്‍ പ​റ്റാ​താ​യ​തോ​ടെ വി​ദ്യാ​ര്‍​ഥി​ക​ളും മ​റ്റു യാ​ത്ര​ക്കാ​രും ന​ട​ന്നു​പോ​കേ​ണ്ട ഗ​തി​കേ​ടി​ലാ​ണ്.

ക​ട​നാ​ട്, ക​രൂ​ർ, ഭ​ര​ണ​ങ്ങാ​നം പ​ഞ്ചാ​യ​ത്തു​ക​ളെ ബ​ന്ധി​പ്പി​ച്ചാ​ണ് റോ​ഡ് ക​ട​ന്നു​പോ​കു​ന്ന​ത്. ക​ട​നാ​ട് പ​ഞ്ചാ​യ​ത്തി​ന്‍റെ അ​തി​ര്‍​ത്തി പ​ങ്കി​ടു​ന്ന പാ​ല​ത്തി​ന്‍റെ മ​റു​ക​ര​യി​ല്‍ അ​മ്പ​തു മീ​റ്റ​ര്‍ മാ​ത്ര​മാ​ണ് ക​രൂ​ര്‍ പ​ഞ്ചാ​യ​ത്തി​ന്‍റെ ഭാ​ഗം ഉ​ള്‍​പ്പെ​ടു​ന്ന​ത്. പി​ന്നെ ഭ​ര​ണ​ങ്ങാ​നം പ​ഞ്ചാ​യ​ത്തി​ന്‍റെ പ​രി​ധി​യി​ലാ​ണ് റോ​ഡ്.


അ​റു​പ​തു വ​ര്‍​ഷ​ത്തി​ലേ​റെ പ​ഴ​ക്കം ഈ ​പാ​ല​ത്തി​നു​ണ്ട്. ഏ​ഴു മീ​റ്റ​റാ​ണ് നീ​ളം. അ​പ്രോ​ച്ച് റോ​ഡി​ല്‍ മു​മ്പ് മ​ണ​ലാ​ണ് നി​റ​ച്ചി​രു​ന്ന​ത്. ഇ​ത് മ​ഴ​ക്കാ​ല​ത്ത് ഒ​ഴു​കി​പ്പോ​കു​ന്ന​തോ​ടെ വ​ന്‍ കു​ഴി​ക​ള്‍ രൂ​പാ​ന്ത​ര​പ്പെ​ടു​ന്ന​ത് പ​തി​വാ​ണ്.

ഈ​രാ​റ്റു​പേ​ട്ട​യി​ല്‍​നി​ന്നു കു​ത്താ​ട്ടു​കു​ളം, എ​റ​ണാ​കു​ളം ഭാ​ഗ​ത്തേ​ക്കു​ള്ള ഏ​റ്റ​വും ദൂ​രം കു​റ​ഞ്ഞ റോ​ഡാ​ണി​ത്. മു​മ്പും പാ​ല​ത്തി​ല്‍ പ​ല​ത​വ​ണ കു​ഴി​ക​ള്‍ രൂ​പാ​ന്ത​ര​പ്പെ​ട്ടി​ട്ടു​ണ്ടെ​ങ്കി​ലും ഗ​താ​ഗ​തം ത​ട​സ​പ്പെ​ട്ടി​രു​ന്നി​ല്ല. അ​ന്നൊ​ക്കെ ജ​ന​പ്ര​തി​നി​ധി​ക​ള്‍ ഓ​ടി​യെ​ത്തി പ്ര​ഖ്യാ​പ​ന​ങ്ങ​ള്‍ ന​ട​ത്തി​യ​ത​ല്ലാ​തെ പാ​ലി​ക്ക​പ്പെ​ട്ടി​ല്ല. പാ​ലം അ​ടി​യ​ന്ത​ര​മാ​യി പു​ന​ര്‍​നി​ര്‍​മി​ച്ച് അ​പ​ക​ടാ​വ​സ്ഥ പ​രി​ഹ​രി​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.