പാ​ലാ​യി​ല്‍ വൈ​ദ്യു​തി​മു​ട​ക്കം പ​തി​വാ​കു​ന്നു
Thursday, August 22, 2024 11:48 PM IST
പാ​ലാ: മ​ഴ പെ​യ്താ​ലോ കാ​റ്റു വീ​ശി​യാ​ലോ പാ​ലാ മേ​ഖ​ല​യി​ല്‍ വൈ​ദ്യു​തി​ത​ട​സം പ​താ​വാ​കു​ന്നു. കോ​ടി​ക്ക​ണ​ക്കി​നു രൂ​പ ചെ​ല​വ​ഴി​ച്ച് എ​ബി​സി കേ​ബി​ളു​ക​ള്‍ സ്ഥാ​പി​ച്ചെ​ങ്കി​ലും പാ​ലാ​യി​ലെ വൈ​ദ്യു​തി​മു​ട​ക്ക​ത്തി​ന് പ​രി​ഹാ​ര​മാ​യി​ല്ല.

ക​ഴി​ഞ്ഞ ദി​വ​സം പു​ല​ര്‍​ച്ചെ​യു​ണ്ടാ​യ കാ​റ്റി​ല്‍ പോ​യ വൈ​ദ്യു​തി പ​ത്തു മ​ണി​ക്കൂ​റി​നു ശേ​ഷ​മാ​ണ് ചി​ല ഭാ​ഗ​ങ്ങ​ളി​ലെ​ങ്കി​ലും പു​നഃ​സ്ഥാ​പി​ക്കാ​നാ​യ​ത്. ചെ​ത്തി​മ​റ്റം, വെ​ള്ളാ​പ്പാ​ട്, ക​ട​പ്പാ​ട്ടൂ​ര്‍, വെ​ള്ളി​യേ​പ്പ​ള്ളി, മീ​ന​ച്ചി​ല്‍, ഇ​ട​പ്പാ​ടി, പ​ന്ത്രണ്ടാം​മൈ​ല്‍, മേ​ഖ​ല​ക​ളി​ല്‍ ഇ​തി​ലും കൂ​ടു​ത​ല്‍ സ​മ​യം വൈ​ദ്യു​തി ത​ട​സ​പ്പെട്ടു.

ഇ​ന്‍റ​ഗ്രേ​റ്റ​ഡ് പ​വ​ര്‍ ഡി​സ്ട്രി​ബ്യൂ​ഷ​ന്‍ സ്‌​കീം, ആ​ക്സി​ലേ​റ്റ​റി പ​വ​ര്‍ ഡെ​വ​ല​പ്മെ​ന്‍റ് പ്രോ​ജ​ക്‌​ട് എ​ന്നി​ങ്ങ​നെ കോ​ടി​ക​ളു​ടെ പ​ദ്ധ​തി​ക​ള്‍, ഓ​രോ 100 മീ​റ്റ​റി​ലും ട്രാ​ന്‍​സ്ഫോ​ര്‍​മ​റു​ക​ള്‍, ഇ​ന്‍റ​ര്‍ ലി​ങ്കിം​ഗ് സം​വി​ധാ​നം എ​ന്നി​ങ്ങ​നെ നി​ര​വ​ധി പ​ദ്ധ​തി​ക​ള്‍ ന​ട​പ്പാ​ക്കി​യി​ട്ടു​ണ്ടെ​ങ്കി​ലും വൈ​ദ്യു​തി​ത​ട​സ​ത്തി​ന് പ​രി​ഹാ​ര​മാ​കു​ന്നി​ല്ല.


ക​രൂ​ര്‍, പേ​ണ്ടാ​നം​വ​യ​ല്‍, നെ​ല്ലി​യാ​നി ബൈ​പാ​സ്, ഇ​ട​നാ​ട്, വ​ല​വൂ​ര്‍, കു​ട​ക്ക​ച്ചി​റ മേ​ഖ​ല​ക​ളി​ലെ ഉ​പ​യോ​ക്താ​ക്ക​ള്‍​ക്ക് തു​ട​ച്ച​യാ​യി വൈ​ദ്യു​തി​ത​ട​സ​പ്പെ​ടു​ന്ന അ​വ​സ്ഥ​യാ​ണ്. വൈ​ദ്യു​തി​ത​ട​സം സി​വി​ല്‍ സ്റ്റേ​ഷ​ന്‍റെ പ്ര​വ​ര്‍​ത്ത​ന​ത്തെ​യും ബാ​ധി​ച്ചു. വി​വി​ധ ആ​വ​ശ്യ​ങ്ങ​ള്‍​ക്ക് ഓ​ഫീ​സു​ക​ളി​ല്‍ എ​ത്തി​യ​വ​ര്‍​ക്ക് ഡി​ജി​റ്റ​ല്‍ സം​വി​ധാ​ന​ങ്ങ​ള്‍ പ്ര​വ​ര്‍​ത്തി​ക്കാ​ത്ത​തി​നാ​ല്‍ നി​രാ​ശ​രാ​യി മ​ട​ങ്ങേ​ണ്ടി​വ​ന്നു.

അ​ടി​ക്ക​ടി​യു​ണ്ടാ​കു​ന്ന വൈ​ദ്യു​തി​ത​ട​സ​ത്തി​നെ​തി​രെ മു​ഖ്യ​മ​ന്ത്രി​ക്കും വൈ​ദ്യു​തി​മ​ന്ത്രി​ക്കും ജി​ല്ലാ ക​ള​ക്ട​ര്‍​ക്കും എം​എ​ല്‍​എ​യ്ക്കും പാ​ലാ പൗ​രാ​വ​കാ​ശ​സ​മി​തി പ​രാ​തി ന​ല്‍​കി​യി​ട്ടു​ണ്ട്.