ചങ്ങനാശേരി: എല്ലാവര്ക്കും ആരോഗ്യം എപ്പോഴും ആരോഗ്യം എന്ന മുദ്രാവാക്യവുമായി മുനിസിപ്പല് സ്റ്റേഡിയം കേന്ദ്രമാക്കി രൂപീകൃതമായ ചങ്ങനാശേരി സ്റ്റേഡിയം ക്ലബ്ബിന്റെ സില്വര് ജൂബിലി ആഘോഷങ്ങള്ക്കു തുടക്കമായി.
ക്ലബ് വൈസ് പ്രസിഡന്റ് മാര്ട്ടിന് പാറക്കടവിലിന്റെ അധ്യക്ഷതയില് ഒരു വര്ഷം നീണ്ടുനില്ക്കുന്ന സില്വര് ജൂബിലി ആഘോഷ പരിപാടികള് നഗരസഭാ ചെയര്പേഴ്സണ് ബീന ജോബി ഉദ്ഘാടനം ചെയ്തു.
നഗരസഭാ വൈസ് ചെയര്മാന് മാത്യൂസ് ജോര്ജ് ക്ലബ് റൂമിന്റെ നവീകരണ പ്രവര്ത്തനങ്ങളുടെ ഉദ്ഘാടനം നിര്വഹിച്ചു. ക്ലബ് രക്ഷാധികാരികളായ അഡ്വ.പി.എസ്. ശ്രീധരന്, ഡോ. എസ്. നന്ദകുമാര്, എച്ച്. മുസമ്മില് ഹാജി, റിട്ട. പോലീസ് സൂപ്രണ്ട് എം.എന്. ജയപ്രകാശ്, ക്ലബ്ബ് പ്രസിഡന്റ് പി.വി. പുഷ്പന്, എച്ച്. ഹരികൃഷ്ണന് നായര്, സ്ഥാപക ജനറല് സെക്രട്ടറി ജോബി തൂമ്പുങ്കല്, ഇക്ബാല് തിരുവിതാംകൊട്ടില്, കെ.ബി. മണികണ്ഠന് എന്നിവര് പ്രസംഗിച്ചു.