അ​ന്ത​ര്‍സം​സ്ഥാ​ന ബ​സി​ല്‍ ബ​ണ്ണി​നു​ള്ളി​ല്‍ ഒ​ളി​പ്പി​ച്ച് ക​ട​ത്തി​യ എം​ഡി​എം​എ​യു​മാ​യി യു​വാ​ക്ക​ള്‍ പി​ടി​യി​ല്‍
Thursday, August 22, 2024 7:30 AM IST
ച​ങ്ങ​നാ​ശേ​രി: അ​ന്ത​ര്‍സം​സ്ഥാ​ന ബ​സി​ല്‍ ബ​ണ്ണി​നു​ള്ളി​ല്‍ ഒ​ളി​പ്പി​ച്ചു ക​ട​ത്തി​ക്കൊ​ണ്ടു​വ​ന്ന 20 ഗ്രാം ​എം​ഡി​എം​എ​യു​മാ​യി ര​ണ്ടു യു​വാ​ക്ക​ളെ ജി​ല്ലാ പോ​ലീ​സ് മേ​ധാ​വി​യു​ടെ ല​ഹ​രി വി​രു​ദ്ധ സ്‌​ക്വാ​ഡും ച​ങ്ങ​നാ​ശേ​രി പോ​ലീ​സും ചേ​ര്‍ന്നു പി​ടി​കൂ​ടി. ബം​ഗ​ളൂ​രു​വി​ല്‍നി​ന്നും ബ​സി​ല്‍ ക​ട​ത്തി​ക്കൊ​ണ്ടു വ​ന്ന ല​ഹ​രി​മ​രു​ന്നാ​ണ് പോ​ലീ​സ് സം​ഘം പി​ടി​ച്ചെ​ടു​ത്ത​ത്.

സം​ഭ​വ​വു​മാ​യി ബ​ന്ധ​പ്പെ​ട്ട് ച​ങ്ങ​നാ​ശേ​രി പു​ഴ​വാ​ത് കോ​ട്ട​ച്ചി​റ വീ​ട്ടി​ല്‍ അ​മ്പാ​ടി ബി​ജു (23), ച​ങ്ങ​നാ​ശേ​രി റെ​യി​ല്‍വേ​സ്റ്റേ​ഷ​നു സ​മീ​പം തോ​പ്പി​ല്‍താ​ഴെ​യി​ല്‍ അ​ഖി​ല്‍ ടി.​എ​സ്. (24) എ​ന്നി​വ​രെ ച​ങ്ങ​നാ​ശേ​രി ഡി​വൈ​എ​സ്പി വി​ശ്വ​നാ​ഥ​ന്‍റെ​യും ജി​ല്ലാ പോ​ലീ​സ് മേ​ധാ​വി​യു​ടെ ല​ഹ​രി വി​രു​ദ്ധ സ്‌​ക്വാ​ഡി​ന്‍റെ​യും നേ​തൃ​ത്വ​ത്തി​ലു​ള്ള സം​ഘം അ​റ​സ്റ്റ് ചെ​യ്തു.


ഇ​ന്ന​ലെ രാ​വി​ലെ​യാ​യി​രു​ന്നു കേ​സി​നാ​സ്പ​ദ​മാ​യ സം​ഭ​വം. ബം​ഗ​ളൂ​രു​വി​ല്‍നി​ന്നു പ്ര​തി​ക​ള്‍ ല​ഹ​രി​യു​മാ​യി എ​ത്തു​ന്ന​താ​യി ല​ഹ​രി​വി​രു​ദ്ധ സം​ഘ​ത്തി​നു വി​വ​രം ല​ഭി​ച്ചി​രു​ന്നു. ഇ​തേ​ത്തു​ട​ര്‍ന്ന് ഇ​വ​ര്‍ പെ​രു​ന്ന എ​ന്‍എ​സ്എ​സ് കോ​ള​ജി​നു സ​മീ​പം പ്ര​തി​ക​ളെ കാ​ത്തു​നി​ല്‍ക്കു​ക​യാ​യി​രു​ന്നു.

ഈ ​സ​മ​യം പ്ര​തി​ക​ള്‍ അ​ന്ത​ര്‍സം​സ്ഥാ​ന ബ​സി​ല്‍ ഇ​വി​ടെ വ​ന്നി​റ​ങ്ങി. പോ​ലീ​സ് സം​ഘം സ്ഥ​ല​ത്തു​നി​ന്ന് ഇ​രു​വ​രെ​യും ക​സ്റ്റ​ഡി​യി​ലെ​ടു​ത്തു. പോ​ലീ​സ് ഇ​വ​രെ ചോ​ദ്യം ചെ​യ്‌​തെ​ങ്കി​ലും കൂ​ടു​ത​ല്‍ വി​വ​ര​ങ്ങ​ള്‍ പു​റ​ത്തു​വി​ട്ടി​ട്ടി​ല്ല.