വാകക്കാട്: മീനച്ചിൽ നദി സംരക്ഷണസമിതി വിദ്യാലയങ്ങളിൽ നടപ്പിലാക്കുന്ന ക്ലൈമറ്റ് ആക്ഷൻ ഗ്രൂപ്പും, ജോയി ഓഫ് വേസ്റ്റ് മാനേജ്മെന്റിന്റെ ഭാഗമായി പ്ലാസ്റ്റിക് പെൻ ഡ്രോപ് ബോക്സും വാകക്കാട് സെന്റ് പോൾസ് എൽപി സ്കൂളിൽ ഉദ്ഘാടനം ചെയ്തു.
ഉപയോഗിച്ചു കളയുന്ന പേനകൾ പെൻഡ്രോപ് ബോക്സിൽ ശേഖരിച്ച് ഹരിതകർമസേനയ്ക്കു കൈമാറുക എന്ന ലക്ഷ്യത്തോടെയാണ് പെൻ ഡ്രോപ്പ് ബോക്സ് സ്ഥാപിക്കുന്നത്. മീനച്ചിൽ നദീസംരക്ഷണ സമിതി സെക്രട്ടറിയും സാമൂഹിക പ്രവർത്തകനുമായ എബി പൂണ്ടിക്കുളം ഉദ്ഘാടനം ചെയ്തു. ഹെഡ്മിസ്ട്രസ് സിസ്റ്റർ ടെസി ജോർജ് അധ്യക്ഷതവഹിച്ചു. പിടിഎ പ്രസിഡന്റ് ജോർജുകുട്ടി അലക്സ് കുട്ടികൾക്കുള്ള വിത്തു വിതരണോദ്ഘാടനവും നിർവഹിച്ചു.