തലപ്പുലം: വയോജനങ്ങള്ക്കായി കൂടുതല് കര്മപദ്ധതികള് ആരംഭിക്കേണ്ടത് കാലഘട്ടത്തിന്റെ ആവശ്യമാണെന്നും അതിനായി വയോജന വകുപ്പ് രൂപീകരിക്കാന് കേന്ദ്ര, സംസ്ഥാന സര്ക്കാരുകള് തയ്യാറാകണമെന്നും മാണി സി. കാപ്പന് എംഎല്എ ആവശ്യപ്പെട്ടു. തലപ്പുലം പഞ്ചായത്തും സഹകരണ ബാങ്കും ടൂറിസം പ്രമോഷന് ആൻഡ് വെല്ഫെയര് സൊസൈറ്റിയും സംയുക്തമായി സംഘടിപ്പിച്ച വയോജന കൂട്ടായ്മ - നിറവ് 2024- ഉദ്ഘാടനം ചെയ്യുകയായിരുന്നു അദ്ദേഹം.
ചടങ്ങില് പഞ്ചായത്ത് പ്രസിഡന്റ് എല്സമ്മ തോമസ് അധ്യക്ഷത വഹിച്ചു. ജില്ലാ സാമൂഹ്യ നീതി ഓഫീസര് പി. പ്രദീപ്, ജില്ലാ പഞ്ചായത്തംഗം അഡ്വ. ഷോണ് ജോര്ജ്, അഡ്വ. ബിജു മനയാനി, ബ്ലോക്ക് പഞ്ചായത്ത് പ്രസിഡന്റ് മറിയാമ്മ ഫര്ണാണ്ടസ്, ടൂറിസം പ്രമോഷന് ആൻഡ് വെല്ഫെയര് സൊസൈറ്റി പ്രസിഡന്റ് ജോര്ജ് തോമസ്, ശ്രീകല ആര്., മേഴ്സി മാത്യു, ജെറ്റോ ജോസ്, ബാങ്ക് പ്രസിഡന്റ് ഷിബി ജോസഫ്, സജി ജോസഫ്, സ്റ്റെല്ലാ ജോസഫ്, ജോമി ബെന്നി തുടങ്ങിയവര് പ്രസംഗിച്ചു.