ചപ്പാരപ്പടവ്: സർവീസ് പെൻഷൻകാരോടുള്ള മനുഷ്യത്വ രഹിതമായ ക്രൂരത സർക്കാർ അവസാനിപ്പിക്കണമെന്ന് കില മുൻ ഡയറക്ടർ പി.പി. ബാലൻ ആവശ്യപ്പെട്ടു.കെഎസ്എസ്പിഎ ചപ്പാരപ്പടവ് മണ്ഡലം വാർഷിക സമ്മേളനം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.
പെൻഷൻകാർക്ക് ലഭിക്കാനുള്ള ക്ഷാമാശ്വാസവും പെൻഷൻ പരിഷ്കരണ കുടിശികയും എത്രയും വേഗം അനുവദിക്കണമെന്ന് അദ്ദേഹം പറഞ്ഞു. മണ്ഡലം പ്രസിഡന്റ് ജോസ്കുട്ടി സ്കറിയ അധ്യക്ഷത വഹിച്ചു. സംസ്ഥാന സെക്രട്ടറിയേറ്റ് മെംബർ കെ. രാമകൃഷ്ണൻ, പി. സുഗദേവൻ, പി.ജെ. മാത്യു,ടി.വി. ശ്രീധരൻ,പി.എ. കുര്യാക്കോസ്, എം. രാജൻ, ചപ്പാരപ്പടവ് മണ്ഡലം കോൺഗ്രസ് പ്രസിഡന്റ് കുവേരിക്കാരൻ ബാലകൃഷ്ണൻ, കൂവേരി ബാങ്ക് പ്രസിഡന്റ് സണ്ണി പോത്തനാംതടത്തിൽ എന്നിവർ പ്രസംഗിച്ചു. ഭാരവാഹികളായി ടി.ജെ. ജോർജ് പ്രസിഡന്റ്, കെ.എ. തോമസ്, എം. ജി. നളിനി (വൈസ് പ്രസിഡന്റുമാർ), എം.രാജൻ (സെക്രട്ടറി), ഡി. മാത്തുക്കുട്ടി, കെ. ഷാജി സെബാസ്റ്റ്യൻ (ജോയിൻ സെക്രട്ടറിമാർ), എൻ.കെ. ജോസ് (ട്രഷറർ) എന്നിവരെ തെരഞ്ഞെടുത്തു.