പയ്യാവൂർ: മടമ്പം മേരിലാൻഡ് ഹൈസ്കൂൾ സ്കൗട്ട് ആൻഡ് ഗൈഡ് യൂണിറ്റിന്റെ ആഭിമുഖ്യത്തിൽ മടമ്പത്തെ ക്ഷീര കർഷകനായ നെല്ലിക്കാക്കണ്ടത്തിൽ എൻ.എൽ.ലൂക്കയുടെ ഫാമിലെത്തി ആദരിച്ചു.
വിദ്യാർഥികൾ അദ്ദേഹം വളർത്തുന്ന പശുക്കളെ കാണുകയും അവയുടെ പരിപാലന രീതികൾ, പാൽ ഉത്പാദനം എന്നിവ സംബന്ധിച്ച വിവരങ്ങൾ ചോദിച്ചറിയുകയും ചെയ്തു. ക്ഷീര കർഷകൻ എന്ന നിലയിൽ താൻ സംതൃപ്തനാണെന്നും ഈ തൊഴിൽ ലാഭകരമാണെന്നും അദ്ദേഹം വിദ്യാർഥികളോട് പറഞ്ഞു. സ്കൂൾ മുഖ്യാധ്യാപിക സിസ്റ്റർ നമിത, സ്കൗട്ട് ആൻഡ് ഗൈഡ് അധ്യാപകരായ ജോസ് മോൻ മാത്യു, സിറിൽ സിറിയക്, ഷീബ തോമസ്, മിനിമോൾ ജോസഫ്, വിപിൻദാസ് എന്നിവർ നേതൃത്വം നൽകി.