ഇരിട്ടി: ആറളം ഫാമിൽ തൊഴിലുറപ്പ് ജോലിക്കിടെ തൊഴിലാളി കുഴഞ്ഞുവീണു മരിച്ചു. ആറളം ഫാം പുനരധിവാസ മേഖല ബ്ലോക്ക് 55 ലെ താമസക്കാരനായ മാണി (60) ആണ് മരിച്ചത്.
ഇന്നലെ രാവിലെ ഒന്പതോടെ ഫാം 13-ാം ബ്ലോക്കിൽ തൊഴിലുറപ്പ് തൊഴിലിനിടെ കുഴഞ്ഞുവീഴുകയായിരുന്നു. ഉടനെ കൂടെയുണ്ടായിരുന്നവർ കീഴ്പള്ളി കുടുംബാരോഗ്യകേന്ദ്രത്തിലും തുടർന്ന് ഇരിട്ടി താലൂക്ക് ആശുപത്രിയിലും എത്തിച്ചെങ്കിലും മരിച്ചു. ഭാര്യ: വെള്ളച്ചി. ആറളം പോലീസ് ഇൻക്വസ്റ്റ് നടത്തിയശേഷം മൃതദേഹം പോസ്റ്റ്മോർട്ടത്തിനായി പരിയാരം ഗവ. മെഡിക്കൽ കോളജിലേക്കു മാറ്റി.