അ​ന്തി​യു​റ​ങ്ങാ​നൊ​രു വീ​ട്
Wednesday, September 25, 2024 7:05 AM IST
ഇ​രി​ങ്ങാ​ല​ക്കു​ട: വ​ള്ളി​യ​മ്മ​യു​ടെ​യും കു​ടും​ബ​ത്തി​ന്‍റെ​യും ലൈ​ഫ് ഈ ​നി​ലം​പൊ​ത്താ​റാ​യ കു​ടി​ലി​ല്‍ത​ന്നെ. പ്ര​ള​യ​ത്തി​ല്‍ ന​ശി​ച്ച വീ​ടി​നു​പ​ക​രം ഭ​വ​ന​പ​ദ്ധ​തി​യി​ല്‍ പു​തി​യ വീ​ടു നി​ര്‍​മി​ക്കാ​മെ​ന്ന് അ​റി​യി​ച്ച് വ​ഞ്ചി​ക്ക​പ്പെ​ട്ട​വ​രാ​ണു വ​ള്ളി​യ​മ്മ​യും കു​ടും​ബ​വും.

ലൈ​ഫ് പ​ദ്ധ​തി​യി​ല്‍ ഉ​ള്‍​പ്പെ​ടു​ത്തി ത​റ കെ​ട്ടി​യെ​ങ്കി​ലും ആ​ദ്യ​ഘ​ട്ട നി​ര്‍​മാ​ണം ക​ഴി​ഞ്ഞ​തോ​ടെ വ​ള്ളി​യ​മ്മ ലൈ​ഫ് ഭ​വ​ന​പ​ദ്ധ​തി​യി​ല്‍​നി​ന്നു പു​റ​ത്താ​യി. മു​ന​യം സ്വ​ദേ​ശി​യാ​യ തു​പ്രാ​ട​ന്‍ വ​ള്ളി​യ​മ്മ​യു​ടെ (75) ഇ​പ്പോ​ഴ​ത്തെ താ​മ​സം ടാ​ര്‍​പോ​ളി​ന്‍ ഷീ​റ്റ് മേ​ഞ്ഞ കു​ടി​ലി​ലാ​ണ്. വ​ള്ളി​യ​മ്മ​ക്കു പു​റ​മെ മ​ക​നും മ​രു​മ​ക​ളും ര​ണ്ടു പേ​ര​ക്കു​ട്ടി​ക​ളു​മാ​ണ് ഈ ​കു​ടി​ലി​ല്‍ താ​മ​സി​ക്കു​ന്ന​ത്. പ്ല​സ്ടു​വി​നും പ​ത്താം ക്ലാ​സി​ലും പ​ഠി​ക്കു​ന്ന പേ​ര​ക്കു​ട്ടി​ക​ളു​ടെ പ​ഠ​നം​പോ​ലും അ​വ​താ​ള​ത്തി​ലാ​കു​മെ​ന്ന ആ​ശ​ങ്ക​യി​ലാ​ണു മാ​താ​പി​താ​ക്ക​ള്‍.

മ​ത്സ്യ​ത്തൊ​ഴി​ലാ​ളി​യാ​യ മ​ക​ന്‍ ദി​നേ​ശ് ഇ​ട​യ്ക്കു തൊ​ഴി​ലു​റ​പ്പി​നും പോ​കും. മ​രു​മ​ക​ള്‍ ഷീ​ബ​യും തൊ​ഴി​ലു​റ​പ്പു പ​ണി​ക്കു പോ​കും. ഇ​വ​ര്‍​ക്കു ല​ഭി​ക്കു​ന്ന തു​ച്ഛ​മാ​യ വ​രു​മാ​നം​കൊ​ണ്ടാ​ണ് ഈ ​കു​ടും​ബം മു​ന്നോ​ട്ടു​പോ​കു​ന്ന​ത്. ക​നോ​ലി ക​നാ​ലി​ന്‍റെ തീ​ര​ത്തെ അ​ഞ്ച​ര സെ​ന്‍റ് സ്ഥ​ല​ത്തു താ​ല്‍​ക്കാ​ലി​ക ഷെ​ഡി​ല്‍ വ​ര്‍​ഷ​ങ്ങ​ളാ​യി താ​മ​സി​ക്കു​ന്ന ഇ​വ​ര്‍​ക്കു ക​നാ​ല്‍ വീ​തി​കൂ​ട്ടു​ന്ന പ്ര​വ​ര്‍​ത്ത​ന​ങ്ങ​ള്‍ ആ​രം​ഭി​ക്കു​ന്ന​തി​നാ​ല്‍ ലൈ​ഫി​ല്‍ ഇ​നി തു​ക അ​നു​വ​ദി​ക്കാ​ന്‍ നി​ര്‍​വാ​ഹ​മി​ല്ലെ​ന്നാ​യി​രു​ന്നു ഉ​ദ്യോ​സ്ഥ​രു​ടെ മ​റു​പ​ടി​യെ​ന്നു വ​ള്ളി​യ​മ്മ പ​റ​യു​ന്നു.


പ​ട്ടി​ക​ജാ​തി വി​ഭാ​ഗ​ത്തി​ല്‍ ഉ​ള്‍​പ്പെ​ട്ട ഇ​വ​ര്‍​ക്ക് ലൈ​ഫ് ഭ​വ​ന പ​ദ്ധ​തി​യി​ല്‍ വീ​ട് നി​ര്‍​മി​ക്കാ​ന്‍ 95,000 രൂ​പ ആ​ദ്യ​തു​ക ല​ഭി​ച്ചു ത​റ​പ​ണി ക​ഴി​ഞ്ഞു ര​ണ്ടാം​ഘ​ട്ട​ത്തി​ലെ തു​ക ല​ഭി​ക്കാ​നു​ള്ള അ​പേ​ക്ഷ ന​ല്‍​കി​യ സ​മ​യ​ത്താ​ണ് ലൈ​ഫ് മി​ഷ​ന്‍റെ സൈ​റ്റി​ല്‍​നി​ന്നു വ​ള്ളി​യ​മ്മ​യു​ടെ പേ​ര് അ​പ്ര​ത്യ​ക്ഷ​മാ​യ വി​വ​രം അ​റി​ഞ്ഞ​ത്. ഇ​തോ​ടെ ഉ​ദ്യോ​ഗ​സ്ഥ​ര്‍ അ​പേ​ക്ഷ നി​ര​സി​ച്ചു.

വീ​ടി​നാ​യി ഇ​രി​ങ്ങാ​ല​ക്കു​ട താ​ലൂ​ക്ക് ഓ​ഫീ​സി​ല്‍ അ​പ്പീ​ല്‍ ന​ല്‍​കി​യെ​ങ്കി​ലും ന​ട​പ​ടി ഉ​ണ്ടാ​യി​ല്ല. ക​ഴി​ഞ്ഞ ഡി​സം​ബ​റി​ല്‍ ന​ട​ന്ന ന​വ​കേ​ര​ള സ​ദ​സി​ല്‍ പ​രാ​തി ന​ല്‍​കി​യ​തി​നെ​ത്തു​ട​ര്‍​ന്നു വി​ല്ലേ​ജ് ഓ​ഫീ​സ​ര്‍ സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി​യെ​ങ്കി​ലും ന​ട​പ​ടി​യാ​യി​ല്ല.