ഇരിങ്ങാലക്കുട: സെന്‍റ് ജോസഫ്‌സ് കോളജിലെ എന്‍എസ്എസ് കൂട്ടായ്മകളുടെ നേതൃത്വത്തില്‍ പുഞ്ചിരി കോര്‍ണര്‍ ആരംഭിച്ചു. ലോകം മുഴുവന്‍ പുഞ്ചിരിക്കാന്‍ മറക്കുന്ന ഈ കാലഘട്ടത്തില്‍ പരസ്പരസ്‌നേഹത്തിന്‍റെയും മാനസികോല്ലാസത്തിന്‍റെയും പ്രതീകമാണ് പുഞ്ചിരി കോര്‍ണര്‍ എന്ന് ഉദ്ഘാടനം ചെയ്തുകൊണ്ട് പ്രിന്‍സിപ്പല്‍ സിസ്റ്റര്‍ ഡോ. ബ്ലെസി അഭിപ്രായപ്പെട്ടു. എന്‍എസ്എസ് പ്രോഗ്രാം ഓഫീസര്‍മാരായ വീണ സാനി, എന്‍. ഉര്‍സുല, അധ്യാപകരായ ഡി. മഞ്ജു, കെ.ഡി. ധന്യ എന്നിവര്‍ പരിപാടികള്‍ക്ക് നേതൃത്വം നല്കി.