തൃശൂർ: കുട്ടികൾക്കുപോലും മദ്യവും മറ്റു ലഹരിവസ്തുക്കളും ലഭ്യമാകുന്ന കേരളത്തിന്‍റെ ഇന്നത്തെ അവസ്ഥയിൽ ഭാവികേരളം എത്ര ഭയാനകമാകുമെന്ന് ഊഹിക്കാവുന്നതാണെന്നു മാർ ഔഗിൻ കുര്യാക്കോസ് മെത്രാപ്പോലീത്ത. റവ. ഡോ. ദേവസി പന്തല്ലൂക്കാരനു മദ്യവിമോചനമഹാസഖ്യത്തിന്‍റെ ആഭിമുഖ്യത്തിൽ തൃശൂർ പൗരാവലി നൽകിയ ആദരം ഉദ്ഘാടനം ചെയ്യുകയായിരുന്നു അദ്ദേഹം.
മഹാസഖ്യം ജില്ലാ പ്രസിഡന്‍റ് തോമസ് കരിപ്പായി അധ്യക്ഷത വഹിച്ചു. സെന്‍റ് തോമസ് കോളജ് പ്രിൻസിപ്പൽ റവ.ഡോ. മാർട്ടിൻ കൊളന്പ്രത്ത് മുഖ്യപ്രഭാഷണം നടത്തി. സംസ്ഥാന പ്രസിഡന്‍റ് ഇ.എ. ജോസഫ്, സിനിമാസംവിധായകൻ റഷീദ് പാറയ്ക്കൽ, ജോയ് എം. മണ്ണൂർ, ഫ്രാങ്കോ ലൂയിസ്, ഡോ. സി.കെ. തോമസ്, ഫാ. മാത്യു സിഎംഐ കോഴിക്കോട്, കെസിബിസി മദ്യവിരുദ്ധസമിതി തൃശൂർ അതിരൂപത മുൻ പ്രസിഡന്‍റ് സി.പി. ഡേവീസ്, മദ്യവിമോചനമഹാസഖ്യം സംസ്ഥാന ജനറൽ സെക്രട്ടറി കെ.എ. മഞ്ജുഷ, ജില്ലാ സെക്രട്ടറി ബേബി കണ്ണംപടത്തി, ജോയിന്‍റ് സെക്രട്ടറി കെ.എസ്. ശിവരാമൻ എന്നിവർ പ്രസംഗിച്ചു.