10 ല​ക്ഷം വേ​ണ്ട; സു​ര​ക്ഷി​ത ജീ​വി​ത​ത്തി​ന് വ​ഴി​യൊ​രു​ക്ക​ണമെന്ന് വീട്ടമ്മമാർ
Sunday, July 7, 2024 4:37 AM IST
ചെ​റാ​യി: ക​ട​ൽ വെ​ള്ള​ത്തി​ൽ മു​ങ്ങി മ​രി​ച്ചാ​ൽ കി​ട്ടു​ന്ന 10 ല​ക്ഷം ത​ങ്ങ​ൾ​ക്ക് വേ​ണ്ടാ, പ​ക​രം ഈ ​തീ​ര​ത്ത് സ​മാ​ധാ​ന​മാ​യി തൊ​ഴി​ലെ​ടു​ത്ത് ജീ​വി​ക്കാ​നു​ള്ള സു​ര​ക്ഷ​യാ​ണ് ഒ​രു​ക്കേ​ണ്ട​ത് സാ​റെ. ഇ​ന്ന​ലെ എ​ട​വ​ന​ക്കാ​ട് ക​ട​പ്പു​റം സ​ന്ദ​ർ​ശി​ച്ച പ്ര​തി​പ​ക്ഷ നേ​താ​വ് വി.​ഡി. സ​തീ​ശ​നും എ​റ​ണാ​കു​ളം എം​പി ഹൈ​ബി ഈ​ഡ​നും മു​ന്നി​ൽ തീ​ര​ദേ​ശ​ത്തെ വീ​ട്ട​മ്മ​മാ​രുടെ വി​ലാ​പ​മാ​ണി​ത്.

മൂ​ന്ന് പ​തി​റ്റാ​ണ്ടി​ല​ധി​ക​മാ​യി ക​ട​ലാക്രമണത്തിന്‍റെ ദു​രി​തം പേ​റി ജീ​വി​ക്കു​ന്ന ഇ​വ​രു​ടെ അ​ന്ന​ത്തെ​യും ഇ​ന്ന​ത്തെ​യും ആ​വ​ശ്യം ക​ട​ൽ​ഭി​ത്തി, പു​ലി​മു​ട്ട്, തീ​ര​ദേ​ശ റോ​ഡ് എ​ന്നി​വ​യു​ടെ നി​ർ​മാ​ണ​മാ​ണ്. ക​ട​ലി​ന്‍റെ ദു​രി​തം പേ​റി വി​ല​പി​ക്കു​ന്ന ഇ​വ​രു​ടെ ക​ണ്ണി​ൽ നി​ന്ന് ക​ണ്ണീ​ര​ല്ല ചോ​ര​യാ​ണ് ഒ​ഴു​കു​ന്ന​ത്.


ക​ട​ലൊ​ന്ന് ഇ​ര​മ്പി​യാ​ൽ മ​തി ഈ ​അ​മ്മ​മാ​രു​ടെ മ​ന​വും ഇ​ര​മ്പും. പി​ന്നെ ഉ​റ​ക്ക​മു​ണ്ടാ​വി​ല്ല. പ​റ​ക്ക​മു​റ്റാ​ത്ത പി​ഞ്ചു മ​ക്ക​ളെ​യും കി​ട​പ്പു രോ​ഗി​ക​ളാ​യ മാ​താ​പി​താ​ക്ക​ൻ​മാ​രെ​യും കൊ​ണ്ട് എ​ങ്ങോ​ട്ട് പോ​കു​മെ​ന്നാ​ണ് പി​ന്ന​ത്തെ ഇ​വ​രു​ടെ ചി​ന്ത.

വ​ർ​ഷ​ങ്ങ​ളാ​യി ഈ ​ദു​ര​വ​സ്ഥ തു​ട​ർ​ന്നി​ട്ടും നാ​ളി​തു​വ​രെ​യാ​യി ഇ​വ​രു​ടെ രോ​ദ​ന​ത്തി​ന് ശാ​ശ്വ​ത പ​രി​ഹാ​രം കാ​ണാ​ൻ ഒ​രാ​ളും മു​ന്നോ​ട്ട് വ​ന്നി​ട്ടി​ല്ലെ​ന്നും അ​മ്മ​മാ​ർ കൂ​ട്ടി​ച്ചേ​ർ​ത്തു. ക​ണ്ണീ​ര​ണി​ഞ്ഞാ​ണ് അ​മ്മ​മാ​ർ ഇ​ക്കാ​ര്യ​ങ്ങ​ൾ പ്ര​തി​പ​ക്ഷ നേ​താ​വി​നെ​യും എം​പി​യെ​യും ഇ​ക്കാ​ര്യ​ങ്ങ​ൾ അ​റി​യി​ച്ച​ത്.