ജപ്തിചെയ്ത വീട്ടിലെ നായകളെ ബാ​ങ്ക് അ​ധി​കൃ​ത​ർ തെ​രു​വി​ലേ​ക്ക് തു​റ​ന്നു വി​ട്ടു; പ്ര​തി​ഷേ​ധ​വു​മാ​യി നാ​ട്ടു​കാ​ർ
Thursday, October 3, 2024 3:01 AM IST
കാ​ക്ക​നാ​ട് : ചെ​മ്പു​മു​ക്ക് കെകെ റോ​ഡി​ൽ വാ​യ്പ​തു​ക കു​ടി​ശി​ക​യെ തു​ട​ർ​ന്ന് ര​ണ്ടു വ​ർ​ഷം മു​മ്പ് പ്ര​മു​ഖ ദേ​ശ​സാ​ൽ​കൃ​ത ബാ​ങ്ക് ജ​പ്തി ചെ​യ്ത വീ​ട്ടി​ലെ നാ​യ​ക​ളെ തെ​രു​വി​ലേ​ക്ക് തു​റ​ന്നു​വി​ട്ട​തി​നെതി​രെ നാ​ട്ടു​കാ​രു​ടെ പ്ര​തി​ഷേ​ധം. സ്ഥാ​വ​ര, ജം​ഗ​മ​സ്വ​ത്തു​ക്ക​ൾ​ജ​പ്തി ചെ​യ്ത​പ്പോ​ൾ വീ​ട്ടു​ട​മ​യു​ടെ ര​ണ്ട് വ​ള​ർ​ത്തു നാ​യ​ക​ളേ​യും ബാ​ങ്ക് ജ​പ്തി മു​ത​ലി​ൽ പെ​ടു​ത്തി​യി​രു​ന്നു.

ക​ഴി​ഞ്ഞ ര​ണ്ടു വ​ർ​ഷ​വും ബാ​ങ്ക് അ​ധി​കാ​രി​ക​ൾ വീ​ട് കാ​വ​ലി​നാ​യും നാ​യ​ക​ളു​ടെ സം​ര​ക്ഷ​ണ​ത്തി​നു​മാ​യി സു​ര​ക്ഷാ ഉ​ദ്യോ​ഗ​സ്ഥ​രെ നി​യ​മി​ച്ചി​രു​ന്നു. ജ​പ്തി ചെ​യ്യ​പ്പെ​ട്ട വീ​ടി​നു ചു​റ്റും സു​ര​ക്ഷാ കാ​മ​റ​ക​ൾ സ്ഥാ​പി​ച്ച ബാ​ങ്ക് അ​ധി​കൃ​ത​ർ ഗാ​ർ​ഡു​മാ​രെ പി​രി​ച്ചു​വി​ട്ട ശേ​ഷം രാ​ത്രി​യോ​ടെ വ​ള​ർ​ത്തു​നാ​യ​ക​ളെ തെ​രു​വി​ലേ​ക്ക് തു​റ​ന്നു​വി​ട്ട​താ​യി പ​രി​സ​ര​വാ​സി​ക​ൾ ആ​രോ​പി​ക്കു​ന്നു.

വീ​ടി​നു​ള്ളി​ൽ വ​ള​ർ​ന്ന പ്ര​ത്യേ​ക ഇ​ന​ത്തി​ൽ​പ്പെ​ട്ട നാ​യ​ക​ൾ റോ​ഡി​ലി​റ​ങ്ങി​യ​തോ​ടെ അ​ക്ര​മ​വാ​സ​ന​യു​മാ​യി വാ​ഹ​ന​ങ്ങ​ൾ​ക്കും, കാ​ൽ​ന​ട യാ​ത്ര​ക്കാ​ർ​ക്കും പി​ന്നാ​ലെ പാ​ഞ്ഞു.

സ്കൂ​ൾ വി​ദ്യാ​ർ​ഥി​ക​ള​ട​ക്ക​മു​ള്ള​വ​ർ നാ​യ​ക​ളെ​പേ​ടി​ച്ച് ഇ​പ്പോ​ൾ പു​റ​ത്തി​റ​ങ്ങു​ന്നി​ല്ല. വി​ദേ​ശ​യി​നം നാ​യ​ക​ളി​ൽ ഒ​രെ​ണ്ണം ഗ​ർ​ഭി​ണി​യാ​ണെ​ന്നും നാ​ട്ടു​കാ​ർ പ​റ​യു​ന്നു.

തെ​രു​വു​മാ​യി പ​രി​ച​യ​മി​ല്ലാ​ത്ത വ​ള​ർ​ത്തു​നാ​യ​ക​ളെ റോ​ഡി​ലേ​ക്ക് വി​ട്ട ബാ​ങ്ക് അ​ധി​കൃ​ത​രു​ടെ ന​ട​പ​ടി​യി​ൽ ത​ങ്ങ​ൾ അ​തൃ​പ്ത​രാ​ണെ​ന്നു നാ​ട്ടു​കാ​ർ പ​റ​ഞ്ഞു. ജ​പ്തി മു​ത​ലി​ൽ നാ​യ​ക​ളെ​യും ഉ​ൾ​പ്പെ​ടു​ത്തി രേ​ഖ​യു​ണ്ടാ​ക്കി നാ​ളി​തു​വ​രെ ബാ​ങ്ക് അ​ധി​കൃ​ത​ർ സം​ര​ക്ഷി​ച്ചി​രു​ന്ന വ​ള​ർ​ത്തു​നാ​യ​ക​ളെ തു​റ​ന്നു വി​ട്ട​തി​നെ​തി​രെ ന​ട​പ​ടി വേ​ണ​മെ​ന്നാ​ണ് പ​രി​സ​ര​വാ​സി​ക​ളു​ടെ ആ​വ​ശ്യം.