മൂ​വാ​റ്റു​പു​ഴ: പ​ഴ​യ വാ​ഹ​ന​ങ്ങ​ൾ പൊ​ളി​ക്കു​ന്ന കേ​ന്ദ്ര​ത്തി​നെ​തി​രേ പ്ര​ദേ​ശ​വാ​സി​ക​ൾ പ​ഞ്ചാ​യ​ത്ത് സെ​ക്ര​ട്ട​റി​ക്ക് പ​രാ​തി ന​ൽ​കി. പാ​യി​പ്ര പ​ഞ്ചാ​യ​ത്ത് എ​ട്ടാം വാ​ർ​ഡി​ലെ പെ​രു​മ​റ്റം കൂ​ളു​മാ​രി​യി​ൽ പ്ര​വ​ർ​ത്തി​ക്കു​ന്ന കേ​ന്ദ്ര​ത്തി​നെ​തി​രേ​യാ​ണ് പ​രാ​തി ന​ൽ​കി​യി​രി​ക്കു​ന്ന​ത്. ഇ​തി​ന്‍റെ പ്ര​വ​ർ​ത്ത​നം വി​പു​ലീ​ക​രി​ക്കു​ന്ന​തി​ന്‍റെ ഭാ​ഗ​മാ​യി സ​മീ​പ​ത്തെ സ്ഥ​ലം ഏ​റ്റെ​ടു​ത്ത് പു​തി​യ വാ​ഹ​നം പൊ​ളി​ക്കു​ന്ന​തി​നു​ള്ള കേ​ന്ദ്രം ആ​രം​ഭി​ക്കു​ന്ന​തി​നു​ള്ള ന​ട​പ​ടി​ക​ൾ ആ​രം​ഭി​ച്ചി​രി​ക്കു​ക​യാ​ണ്.

നി​ല​വി​ൽ ഇ​വി​ടെ പ​ഴ​യ വാ​ഹ​ന​ങ്ങ​ൾ പൊ​ളി​ക്കു​ന്ന​ത് മൂ​ലം പ്ര​ദേ​ശ​വാ​സി​ക​ൾ​ക്ക് ഏ​റെ ദു​രി​ത​മാ​ണ്. മ​ഴ​ക്കാ​ല​ത്ത് പ​ഞ്ചാ​യ​ത്തി​ൽ ഏ​റ്റ​വും ആ​ദ്യം വെ​ള്ളം ക​യ​റു​ന്ന പ്ര​ദേ​ശ​ങ്ങ​ളി​ൽ ഒ​ന്നാ​ണ് കൂ​ളു​മാ​രി. മാ​ത്ര​വു​മ​ല്ല മ​ഴ​ക്കാ​ല​ത്ത് ഈ ​കേ​ന്ദ്ര​ത്തി​ൽ നി​ന്നു​ള്ള വാ​ഹ​ന​ങ്ങ​ളു​ടെ ക​രി​ഓ​യി​ൽ അ​ട​ക്ക​മു​ള്ള മാ​ലി​ന്യ​ങ്ങ​ൾ കി​ണ​റി​ലും സ​മീ​പ പ്ര​ദേ​ശ​ങ്ങ​ളി​ലെ വീ​ടു​ക​ളി​ലേ​ക്കും മൂ​വാ​റ്റു​പു​ഴ​യാ​റി​ലേ​ക്കു​മാ​ണ് ഒ​ഴു​കി​യെ​ത്തു​ന്ന​ത്.

നി​ല​വി​ൽ മാ​ലി​ന്യ​ങ്ങ​ൾ സം​സ്ക​രി​ക്കു​ന്ന​തി​നു​ള്ള സം​വി​ധാ​ന​ങ്ങ​ൾ ഒ​രു​ക്കാ​തെ​യാ​ണ് വീ​ണ്ടും സ​മീ​പ​ത്തെ സ്ഥ​ലം ഏ​റ്റെ​ടു​ത്ത് വി​പു​ലീ​ക​രി​ക്കു​ന്ന​തി​നു​ള്ള നീ​ക്കം. ഇ​തി​ന്‍റെ പ്ര​വ​ർ​ത്ത​ന​ത്തി​ന് അ​നു​മ​തി ന​ൽ​ക​രു​തെ​ന്ന് ആ​വ​ശ്യ​പ്പെ​ട്ടാ​ണ് പ്ര​ദേ​ശ​വാ​സി​ക​ൾ ഒ​പ്പി​ട്ട നി​വേ​ദ​നം പ​ഞ്ചാ​യ​ത്ത് സെ​ക്ര​ട്ട​റി​ക്ക് ന​ൽ​കി​യി​രി​ക്കു​ക​യാ​ണ്.