ച​ങ്ങ​നാ​ശേ​രി​യി​ല്‍ അ​ര​ങ്ങേ​റി​യ​ത് സി​നി​മാ​സ്റ്റൈ​ല്‍ ഗു​ണ്ടാ ആ​ക്ര​മ​ണം
Monday, August 26, 2024 7:37 AM IST
ച​ങ്ങ​നാ​ശേ​രി: ച​ങ്ങ​നാ​ശേ​രി ന​ഗ​ര​മ​ധ്യ​ത്തി​ല്‍ വെ​ള്ളി​യാ​ഴ്ച അ​ര്‍ധ​രാ​ത്രി ന​ട​ന്ന​ത് സി​നി​മാ സ്റ്റൈ​ല്‍ ഗു​ണ്ടാ ആ​ക്ര​മ​ണം. കെ​എ​സ്ആ​ര്‍ടി​സി ജം​ഗ്ഷ​നി​ല്‍നി​ന്നു ബൈ​ക്കി​ലെ​ത്തി​യ ച​ങ്ങ​നാ​ശേ​രി സ്വ​ദേ​ശി​യും ഗു​ണ്ടാ​നേ​താ​വു​മാ​യ ഷ​മീ​ര്‍ സ​ലീ (ചോ​ട്ടാ ഷ​മീ​ര്‍-37)​മി​നെ ആ​ശു​പ​ത്രി ഭാ​ഗ​ത്തു​നി​ന്നും കാ​റി​ലെ​ത്തി​യ സം​ഘം ഇ​ടി​ച്ചു​വീ​ഴ്ത്തി വെ​ട്ടു​ക​യാ​യി​രു​ന്നു.

നി​ല​ത്തു​വീ​ണ ഷ​മീ​ര്‍ സ​ലിം എ​ഴു​ന്നേ​റ്റ് ഓ​ടാ​ന്‍ ശ്ര​മി​ക്കു​മ്പോ​ള്‍ കാ​റി​ല്‍നി​ന്നു മാ​ര​കാ​യു​ധ​ങ്ങ​ളു​മാ​യി ഇ​റ​ങ്ങി​യ നാ​ലം​ഗ​സം​ഘം ആ​ക്ര​മി​ക്കു​ന്ന​ത് സി​സി​ടി​വി​യി​ല്‍ ദൃ​ശ്യ​ങ്ങളിലുണ്ട്. സ​മീ​പ​ത്തു പ്ര​വ​ര്‍ത്തി​ച്ചി​രു​ന്ന മെ​ഡി​ക്ക​ല്‍ സ്റ്റോ​റി​ലേ​ക്ക് ഓ​ടി​ക്ക​യ​റി​യ ഷ​മീ​റി​നെ വെ​ട്ടു​ന്ന​ത് സി​സി​ടി​വി​‍ ദൃ​ശ്യ​ങ്ങ​ളി​ൽ വ്യ​ക്ത​മാ​ണ്.

ഞ​ങ്ങ​ളു​ടെ പി​ള്ളാ​രെ ത​ല്ലു​മോ​ടാ എ​ന്നു ചോ​ദി​ച്ച് ആ​ക്ര​മി​ക്കു​ക​യാ​യി​രു​ന്നു​വെ​ന്നാ​ണ് ദൃ​ക്‌​സാ​ക്ഷി​ക​ള്‍ പ​റ​ഞ്ഞ​ത്. അ​ടി​യ​ന്ത​ര ശ​സ്ത്ര​ക്രി​യയ്​ക്കു വി​ധേ​യ​നാ​യി തി​രു​വ​ല്ല​യി​ലു​ള്ള സ്വ​കാ​ര്യ ആ​ശു​പ​ത്രി​യി​ല്‍ ചി​കി​ത്സ​യി​ല്‍ ക​ഴി​യു​ന്ന ഷ​മീ​ര്‍ സ​ലിം ത​ന്നെ അ​ക്ര​മി​ക​ള്‍ വെ​ട്ടി​യ കൃ​ത്യം വി​വ​രി​ക്കു​ന്ന​തും സ​മൂ​ഹ മാ​ധ്യ​മ​ങ്ങ​ളി​ല്‍ പ്ര​ച​രി​ക്കു​ന്നു​ണ്ട്.


ആ​ക്ര​മ​ണ ശേ​ഷം കാ​റി​ല്‍ ര​ക്ഷ​പ്പെ​ട്ട പ്ര​തി​ക​ളെ ച​ങ്ങ​നാ​ശേ​രി ഡി​വൈ​എ​സ്പി വി​ശ്വ​നാ​ഥ​ന്‍റെ നേ​തൃ​ത്വ​ത്തി​ലു​ള്ള പോ​ലീ​സ് സം​ഘം വ​ല​യി​ല്‍ വീ​ഴ്ത്തി​യ​താ​യും സൂ​ച​ന​ക​ളു​ണ്ട്. ഷെ​മീ​റും സു​ഹൃ​ത്തു​ക്ക​ളു​മാ​യു​ണ്ടാ​യ ഭി​ന്ന​ത​യാ​ണ് പ്ര​ശ്‌​ന​ങ്ങ​ളി​ല്‍ ക​ലാ​ശി​ച്ച​ത്.

ക​ഴി​ഞ്ഞ ആ​റു​മാ​സ​ത്തി​നി​ടെ ഷ​മീ​റും സു​ഹൃ​ത്തു​ക്ക​ളു​മാ​യി മൂ​ന്നു​ത​വ​ണ ഏ​റ്റു​മു​ട്ട​ലു​ക​ളു​ണ്ടാ​യ​താ​യും ഇ​തി​ന്‍റെ വൈ​രാ​ഗ്യ​മാ​ണ് ക​ഴി​ഞ്ഞ​ദി​വ​സ​ത്തെ സി​നി​മാ സ്റ്റൈ​ല്‍ ആ​ക്ര​മ​ണ​ത്തി​ല്‍ ക​ലാ​ശി​ച്ച​തെ​ന്നു​മാ​ണ് പോ​ലീ​സ് ക​ണ്ടെ​ത്ത​ൽ.

ജ​ന​ങ്ങ​ളു​ടെ സ്വൈ​രജീ​വി​ത​ത്തി​നു ഗു​ണ്ടാ ക്രി​മി​ന​ല്‍ സം​ഘ​ങ്ങ​ള്‍ ത​ട​സ​മാ​യ​തി​നാ​ല്‍ ഇ​വ​രെ അ​മ​ര്‍ച്ച ചെ​യ്യാ​ന്‍ പോ​ലീ​സ് സ​ത്വ​ര ന​ട​പ​ടി സ്വീ​ക​രി​ക്ക​ണ​മെ​ന്ന ആ​വ​ശ്യം ശ​ക്ത​മാ​ണ്.

മു​ന്‍കാ​ല​ങ്ങ​ളി​ലും ജ​ന​റ​ല്‍ ആ​ശു​പ​ത്രി റോ​ഡി​ലും ആ​ശു​പ​ത്രി പ​രി​സ​ര​ങ്ങ​ളി​ലും അ​ക്ര​മ​ങ്ങ​ള്‍ അ​ര​ങ്ങേ​റി​യി​ട്ടു​ള്ള​തി​നാ​ല്‍ ഈ ​ഭാ​ഗ​ങ്ങ​ളി​ല്‍ പോ​ലീ​സ് സു​ര​ക്ഷാ ക്ര​മീ​ക​ര​ണ​ങ്ങ​ള്‍ ശ​ക്ത​മാ​ക്ക​ണ​മെ​ന്ന ആ​വ​ശ്യ​വും ഉ​യ​ര്‍ന്നി​ട്ടു​ണ്ട്.