മ​ന്ത്രി​യാണെ​ന്ന കാ​ര്യം കെ.​ കൃ​ഷ്ണ​ൻ​കു​ട്ടി മ​റ​ന്നു: സു​മേ​ഷ് അ​ച്യു​ത​ൻ
Friday, September 13, 2024 1:30 AM IST
ചി​റ്റൂ​ർ: കേ​ര​ള​ത്തി​ലെ മ​ന്ത്രി​സ​ഭാം​ഗ​മാ​ണെ​ന്ന കാ​ര്യം കെ.​ കൃ​ഷ്ണ​ൻ​കു​ട്ടി ബോ​ധ​പൂ​ർ​വം മ​റ​ക്കു​ന്ന​താ​യി ഡിസിസി വൈ​സ് പ്ര​സി​ഡ​ന്‍റ് സു​മേ​ഷ് അ​ച്യു​ത​ൻ.​

പ​റ​മ്പി​ക്കു​ളം-​ആ​ളി​യാ​ർ ക​രാ​റി​ൽ നി​ന്നും അ​ർ​ഹ​ത​പ്പെ​ട്ട വെ​ള്ളം ല​ഭി​ക്കാ​ൻ കേ​ര​ളം ഉ​ണ​ർ​ന്നു പ്ര​വ​ർ​ത്തി​ക്ക​ണ​മെ​ന്ന് കി​സാ​ൻ സ​ഭാ സ​മ്മേ​ള​ന​ത്തി​ൽ കെ.​കൃ​ഷ്ണ​ൻ​കു​ട്ടി ആ​ഹ്വാ​നം ചെ​യ്തി​രു​ന്നു.

ആ​റുവ​ർ​ഷ​ത്തോ​ളം മ​ന്ത്രി​സ​ഭാം​ഗ​മാ​യി​രു​ന്ന വ്യ​ക്തി​യു​ടെ ക​ഴി​വു​കേ​ട് അ​ദ്ദേ​ഹംത​ന്നെ വി​ളി​ച്ചു പ​റ​ഞ്ഞ് അ​പ​ഹാ​സ്യ​നാ​കു​ക​യാ​ണ്.

ക​ഴി​ഞ്ഞ ജ​ല​വ​ർ​ഷ​ത്തി​ൽ കേ​ര​ള​ത്തി​ന് അ​ർ​ഹ​ത​പ്പെ​ട്ട 1.5 ടിഎംസി വെ​ള്ളം ല​ഭി​ക്കാ​ത്ത​തി​ന് കേ​ര​ള സ​ർ​ക്കാ​ർ ഒ​രു ന​ട​പ​ടി​യും സ്വീ​ക​രി​ച്ചി​ല്ല. ഉ​മ്മ​ൻ ചാ​ണ്ടി മ​ന്ത്രി​സ​ഭ​യു​ടെ കാ​ല​ത്ത് ഇ​തുപോ​ലു​ള്ള അ​വ​സ​ര​ങ്ങ​ളി​ൽ കോ​ട​തി​യി​ൽ കേ​സി​ന് പോ​യി​രു​ന്നു.


അ​ന്ന് വെ​ള്ളം ല​ഭി​ക്കാ​ത്ത​ത് അ​ഴി​മ​തി മൂ​ല​മാ​ണെ​ന്നാ​ണ് കൃ​ഷ്ണ​ൻ​കു​ട്ടി പ്ര​ച​രി​പ്പി​ച്ച​ത്. ഇ​പ്പോ​ൾ വെ​ള്ളം ല​ഭി​ക്കാ​ത്ത​തി​ന് ന​ട​പ​ടി എ​ടു​ക്കാ​ത്ത​ത് അ​ഴി​മ​തി​പ്പ​ണം കൈ​പ്പ​റ്റി​യ​തു കൊ​ണ്ടാ​ണോ​യെ​ന്ന് കൃ​ഷ്ണ​ൻ​കു​ട്ടി വ്യ​ക്ത​മാ​ക്ക​ണം. 2016-​ലെ നി​യ​മ​സ​ഭാ തെര​ഞ്ഞെ​ടു​പ്പ് കാ​ല​ത്ത് താ​ൻ ജ​യി​ച്ചാ​ൽ ആ​റു മാ​സ​ത്തി​ന​കം പ​റ​മ്പി​ക്കു​ളം-​ആ​ളി​യാ​ർ ക​രാ​ർ പു​തു​ക്കു​മെ​ന്ന അ​വ​കാ​ശ​വാ​ദം കൃ​ഷ്ണ​ൻ​കു​ട്ടി ന​ട​ത്തി​യി​രു​ന്നു.

ഇ​പ്പോ​ൾ ഇ​തേക്കുറി​ച്ച് മി​ണ്ടാ​ത്ത​ത് മു​ഖ്യ​മ​ന്ത്രി​യെ ഭ​യ​ന്നി​ട്ടാ​ണോ​യെ​ന്നും സു​മേ​ഷ് അ​ച്യു​ത​ൻ ചോദിച്ചു.