പാലാ: മരങ്ങാട്ടുപിള്ളി പഞ്ചായത്തിലെ ആണ്ടൂര്‍ മഹാദേവ ക്ഷേത്രത്തിന് മുന്നിലൂടെയുള്ള പഞ്ചായത്ത് റോഡിലെ കലുങ്ക് അപകടഭീഷണിയില്‍. അഞ്ചു ലക്ഷം രൂപ മുടക്കി അടുത്തിടെയാണ് റോഡ് ടാര്‍ ചെയ്യുകയും അമ്പലത്തിന്‍റെ മുന്‍വശത്തെ ഭാഗം ടൈല്‍ വിരിച്ച് മനോഹരമാക്കുകയും ചെയ്തത്. എന്നാല്‍ റോഡിന് നടുവിലെ കലുങ്ക് കല്‍ക്കെട്ടുകള്‍ തകര്‍ന്ന് താഴേക്ക് വീഴാന്‍ പാകത്തിനാണിരിക്കുന്നത്. ഇതുവഴി ഭാരവാഹനങ്ങള്‍ ഓടിയാലോ റോഡിന് വശം ചേര്‍ന്ന് വാഹനങ്ങള്‍ പോയാലോ കല്‍ക്കെട്ട് ഇടിയുമെന്ന് നാട്ടുകാര്‍ പറയുന്നു.