പൊൻകുന്നം: ചിറക്കടവ് പബ്ലിക് ലൈബ്രറി പുസ്തകശേഖരം വർധിപ്പിക്കുന്നതിന്റെ ഭാഗമായി സമാഹരണം നടത്തും. സംസ്ഥാന ലൈബ്രറി കൗൺസിലംഗം പൊൻകുന്നം സെയ്ദിന് പുസ്തകം നൽകി ചീഫ് വിപ്പ് ഡോ. എൻ. ജയരാജ് ഉദ്ഘാടനം ചെയ്തു. ലൈബ്രറി പ്രസിഡന്റ് ശ്രീജ അജിത്ത് അധ്യക്ഷത വഹിച്ചു. സുമേഷ് ആൻഡ്രൂസ്, ആന്റണി മാർട്ടിൻ, ഷാക്കി സജീവ്, കെ.വി. ബീന, വി.ആർ. മധുകുമാർ, രാജേഷ്കുമാർ തുടങ്ങിയവർ പ്രസംഗിച്ചു.