ഗ്രീ​ന്‍​ഫീ​ല്‍​ഡ് റോ​ഡി​ന് ഇ​നി​യും കാ​ത്തി​രി​ക്ക​ണം
Sunday, August 25, 2024 11:27 PM IST
പാ​ലാ: തി​രു​വ​ന​ന്ത​പു​രം-​അ​ങ്ക​മാ​ലി എം​സി റോ​ഡി​ന് സ​മാ​ന്ത​ര​മാ​യി ഗ്രീ​ന്‍​ഫീ​ല്‍​ഡ് സാ​മ്പ​ത്തി​ക ഇ​ട​നാ​ഴി എ​ന്ന പേ​രി​ല്‍ ദേ​ശീ​യ​പാ​ത നി​ര്‍​മി​ക്കാ​നു​ള​ള ദേ​ശീ​യ ഹൈ​വേ അ​ഥോ​റി​റ്റി​യു​ടെ പ​ദ്ധ​തി​ക്കു​ള്ള കാ​ത്തി​രി​പ്പ് തു​ട​രു​ന്നു. നാ​ഷ​ണ​ല്‍ ഹൈ​വേ അ​ഥോ​റി​റ്റി ഓ​ഫ് ഇ​ന്ത്യ​യു​ടെ പ്രോ​ജ​ക്‌​ട് ഇം​പ്ലി​മെ​ന്‍റേ​ഷ​ന്‍ യൂ​ണി​റ്റി​നാ​ണ് പ​ദ്ധ​തി​യു​ടെ ചു​മ​ത​ല. ഭാര​ത് മാ​ല പ​ദ്ധ​തി​യി​ല്‍ ഉ​ള്‍​പ്പെ​ടു​ത്തി​യി​രി​ക്കു​ന്ന പ​ദ്ധ​തി​ക​ളി​ലൊ​ന്നാ​ണി​ത്.

വി​തു​ര, പു​ന​ലൂ​ര്‍, പ​ത്ത​നാ​പു​രം, കോ​ന്നി, റാ​ന്നി, എ​രു​മേ​ലി, കാ​ഞ്ഞി​ര​പ്പ​ള്ളി, തി​ട​നാ​ട്, അ​ന്തീ​നാ​ട്, തൊ​ടു​പു​ഴ, മ​ല​യാ​റ്റൂ​ര്‍ വ​ഴി​യാ​ണ് റോ​ഡ് വി​ഭാ​വ​നം ചെ​യ്തി​രി​ക്കു​ന്ന​ത്. ന​ട​പ​ടി​ക്ര​മ​ങ്ങ​ളെ​ല്ലാം പൂ​ര്‍​ത്തി​യാ​യി പ​ദ്ധ​തി സ്ഥ​ലം ഏ​റ്റെ​ടു​ക്കു​ന്ന​തി​നു​ള്ള വി​ജ്ഞാ​പ​ന​ത്തി​ന് കാ​ത്തി​രി​ക്കു​ക​യാ​യി​രു​ന്നു. മൂ​ന്നു വ​ര്‍​ഷം മു​മ്പ് ഭോ​പ്പാ​ല്‍ ആ​സ്ഥാ​ന​മാ​യു​ള്ള ഹൈ​വേ എ​ന്‍​ജി​നി​യ​റിം​ഗ് ക​ണ്‍​സ​ള്‍​ട്ട​ന്‍റ് സ​ര്‍​വേ ന​ട​ത്തി​യി​രു​ന്നു. സീ​റോ ഫോ​റ​സ്റ്റ് സ​ര്‍​വേ, ടോ​പ്പോ​ഗ്രാ​ഫി​ക് സ​ര്‍​വേ തു​ട​ങ്ങി​യ​വ പൂ​ര്‍​ത്തി​യാ​ക്കു​ക​യും അ​ലൈ​ന്‍​മെ​ന്‍റ് നി​ശ്ച​യി​ക്കു​ക​യും ചെ​യ്തി​രു​ന്നു.

പ​ദ്ധ​തി നി​ല​വി​ല്‍ പ​രി​ഗ​ണ​ന​യി​ലി​ല്ലെ​ന്ന് കേ​ന്ദ്ര ഗ​താ​ഗ​ത​മ​ന്ത്രി നി​തി​ന്‍ ഗ​ഡ്ക​രി ലോ​ക്സ​ഭ​യി​ല്‍ ക​ഴി​ഞ്ഞ ദി​വ​സം പ​റ​ഞ്ഞി​രു​ന്നു​വെ​ങ്കി​ലും പ്ര​തീ​ക്ഷ കൈ​വി​ട്ടി​ട്ടി​ല്ല. ഈ ​വ​ര്‍​ഷം പ​ദ്ധ​തി പ​രി​ഗ​ണി​ക്കി​ല്ലെ​ങ്കി​ലും വ​രും​വ​ര്‍​ഷ​ങ്ങ​ളി​ല്‍ ഉ​ള്‍​പ്പെ​ടു​ത്തു​മെ​ന്നാ​ണ് ഹൈ​വേ അ​ഥോ​റി​റ്റി അ​ധി​കൃ​ത​രു​ടെ പ്ര​തീ​ക്ഷ. അ​വ​സാ​നം നി​ശ്ച​യി​ച്ച അ​ലൈ​ന്‍​മെ​ന്‍റു​ക​ളി​ല്‍ മാ​റ്റം വ​രു​ത്തു​ന്ന​തും പ​രി​ഗ​ണ​ന​യി​ലു​ണ്ടാ​യി​രു​ന്നു.


എം​സി റോ​ഡു​വ​ഴി ഹൈ​വേ വി​ക​സ​ന​ത്തി​ന് നി​ര​വ​ധി ടൗ​ണു​ക​ള്‍ പൊ​ളി​ച്ചു​നീ​ക്കേ​ണ്ട​തി​നാ​ല്‍ കെ​ട്ടി​ട​ത്തി​നും സ്ഥ​ല​ത്തി​നും വ​ന്‍ ന​ഷ്ട​പ​രി​ഹാ​രം കൊ​ടു​ക്കേ​ണ്ട സാ​ഹ​ച​ര്യ​മൊ​ഴി​വാ​ക്കു​ന്ന​താ​ണ് പു​തി​യ പ​ദ്ധ​തി. പ​ട്ട​ണ​ങ്ങ​ള്‍ പൂ​ര്‍​ണ​മാ​യും ഒ​ഴി​വാ​ക്ക​പ്പെ​ടു​മെ​ന്ന​തി​നാ​ല്‍ നി​ര്‍​മാ​ണ​ച്ചെ​ല​വ് കു​റ​യു​ക​യും ഈ ​റൂ​ട്ടി​ലു​ള്ള അ​വി​ക​സി​ത മേ​ഖ​ല​ക​ളി​ല്‍ പു​തി​യ മു​ന്നേ​റ്റ​മു​ണ്ടാ​കു​മെ​ന്നും ക​ണ​ക്കാ​ക്കി​യി​രു​ന്നു. തി​ര​ക്കു​ക​ളി​ല്‍​നി​ന്ന് ഒ​ഴി​വാ​യി ഒ​രു അ​തി​വേ​ഗ​യാ​ത്ര സാ​ധ്യ​മാ​വും വി​ധ​മാ​ണ് പ​ദ്ധ​തി.

എം​സി റോ​ഡ് 236 കി​ലോ​മീ​റ്റ​ര്‍ ആ​ണെ​ങ്കി​ല്‍ പു​തി​യ നാ​ലു​വ​രിപ്പാ​ത 227 കി​ലോ​മീ​റ്റ​റാ​യി​രി​ക്കും. പ​രി​ഗ​ണ​ന​യി​ലു​ള്ള ശ​ബ​രി റെ​യി​ല്‍​വേ​യോ​ട് ചേ​ര്‍​ന്നാ​ണ് പു​തി​യ റോ​ഡ് പ​ദ്ധ​തി​യും വി​ഭാ​വ​നം ചെ​യ്തി​രു​ന്ന​ത്.