ച​ങ്ങ​നാ​ശേ​രി ന​ഗ​ര​ത്തി​ല്‍ ഗു​ണ്ട​ക​ളും ല​ഹ​രി​മാ​ഫി​യയും വീണ്ടും തലപൊക്കി
Sunday, August 25, 2024 7:47 AM IST
ച​ങ്ങ​നാ​ശേ​രി: ക​ഴി​ഞ്ഞ കു​റേ​ക്കാ​ല​ത്തി​നു​ശേ​ഷം ച​ങ്ങ​നാ​ശേ​രി ന​ഗ​ര​ത്തി​ല്‍ ഗു​ണ്ട​ക​ളും ല​ഹ​രി​മാ​ഫി​യ സം​ഘ​ങ്ങ​ളും ത​ല​പൊ​ക്കി. ആ​ശ​ങ്ക​യോ​ടെ ന​ഗ​ര​വാ​സി​ക​ള്‍. മോ​ഷ​ണ സം​ഘ​ങ്ങ​ളും ജ​ന​ങ്ങ​ളു​ടെ ഉ​റ​ക്കം കെ​ടു​ത്തു​ന്നു. ക്രി​മി​ന​ല്‍, ഗു​ണ്ടാ സം​ഘ​ങ്ങ​ളു​ടെ പ്ര​വ​ര്‍ത്ത​ന​ങ്ങ​ള്‍ക്കെ​തി​രേ പ്ര​തി​ഷേ​ധം ശ​ക്ത​മാ​കു​മ്പോ​ഴും പോ​ലീ​സ് നി​സം​ഗ​ത​യി​ലും നി​ഷ്‌​ക്രി​യ​ത​യി​ലു​മാ​ണെ​ന്ന ആ​ക്ഷേ​പം ശ​ക്ത​മാ​കു​ന്നു.

ന​ഗ​ര​ത്തി​ന്‍റെ വി​വി​ധ ഭാ​ഗ​ങ്ങ​ളി​ല്‍ വ​ഴി​വി​ള​ക്കു​ക​ള്‍ പ്ര​കാ​ശി​ക്കാ​ത്ത​തും ക്രി​മി​ന​ല്‍ സം​ഘ​ങ്ങ​ള്‍ക്ക് ഗു​ണ​ക​ര​മാ​കു​ന്നു​ണ്ട്. ക​ഴി​ഞ്ഞ ദി​വ​സം രാ​ത്രി​യി​ല്‍ ച​ങ്ങ​നാ​ശേ​രി ന​ഗ​ര​മ​ധ്യ​ത്തി​ലെ ജ​ന​റ​ല്‍ ആ​ശു​പ​ത്രി റോ​ഡി​ല്‍ ഗു​ണ്ടാ​സം​ഘ​ങ്ങ​ള്‍ ത​മ്മി​ലു​ള്ള ഏ​റ്റു​മു​ട്ട​ലി​ല്‍ ഗു​ണ്ടാ​നേ​താ​വി​നു വെ​ട്ടേ​റ്റ​തോ​ടെ​യാ​ണ് ന​ഗ​രം ആ​ശ​ങ്ക​യു​ടെ നി​ഴ​ലി​ലാ​യ​ത്.

ബൈ​ക്കി​ല്‍ സ​ഞ്ച​രി​ച്ചി​രു​ന്ന ച​ങ്ങ​നാ​ശേ​രി സ്വ​ദേ​ശി​യും ക്രി​മി​ന​ല്‍ കേ​സ് പ്ര​തി​യു​മാ​യ ഷ​മീ​ര്‍ സ​ലീം (ചോ​ട്ടാ ഷ​മീ​ര്‍)​നെ കാ​റി​ലെ​ത്തി​യ സം​ഘം ഇ​ടി​ച്ചു​വീ​ഴ്ത്തി കാ​റി​ല്‍ ക​രു​തി​യി​രു​ന്ന വ​ടി​വാ​ളും മ​റ്റ് മാ​ര​കാ​യു​ധ​ങ്ങ​ളു​മു​പ​യോ​ഗി​ച്ച് അ​തി​ക്രൂ​ര​മാ​യി വെ​ട്ടു​ക​യാ​യി​രു​ന്നു. അ​ക്ര​മ​ത്തി​നു​ശേ​ഷം നാ​ലം​ഗ​സം​ഘം കാ​റി​ല്‍ ക​യ​റി ര​ക്ഷ​പ്പെ​ട്ടു. പ്ര​തി​ക​ളെ​ക്കു​റി​ച്ച് പോ​ലീ​സി​ന് സൂ​ച​ന​ക​ള്‍ ല​ഭി​ച്ചെ​ങ്കി​ലും അ​റ​സ്റ്റ് ചെ​യ്തി​ട്ടി​ല്ല. സു​ഹൃ​ത് ബ​ന്ധ​ത്തി​ലെ വി​ള്ള​ല്‍മൂ​ല​മു​ണ്ടാ​യ കു​ടി​പ്പ​ക​യാ​ണ് ആ​ക്ര​മ​ണ​ത്തി​ലെ​ത്തി​ച്ച​തെ​ന്നാ​ണ് പോ​ലീ​സ് പ​റ​യു​ന്ന​ത്.

ഷ​മീ​ര്‍ സ​ലി​മി​ന്‍റെ പേ​രി​ല്‍ അ​ര​ഡ​സ​നോ​ളം ക്രി​മി​ന​ല്‍ കേ​സു​ക​ളു​ള്ള​താ​യും നേ​ര​ത്തെ കാ​പ്പ ചു​മ​ത്തി​യി​ട്ടു​ള്ള​താ​യും പോ​ലീ​സ് പ​റ​യു​ന്നു. ഇ​യാ​ള്‍ സോ​ഷ്യ​ല്‍ മീ​ഡി​യ​ക​ളി​ല്‍ സ​ജീ​വ​മാ​യി പോ​സ്റ്റു​ക​ള്‍ ഇ​ടു​ന്ന​യാ​ളാ​ണെ​ന്നും ക്രി​മി​ന​ല്‍ സ്വ​ഭാ​വ​മു​ള്ള ഏ​റെ സൃ​ഹൃ​ത്തു​ക്കു​ള്‍ ഇ​യാ​ള്‍ക്കു​ണ്ടെ​ന്നും പോ​ലീ​സ് ക​ണ്ടെ​ത്തി​യി​ട്ടു​ണ്ട്.

ജ​ന​റ​ല്‍ ആ​ശു​പ​ത്രി റോ​ഡി​ല്‍ വ​ഴി​വി​ള​ക്കി​ല്ലാ​ത്ത​തും രാ​ത്രി​കാ​ല​ത്ത് ആ​ള്‍ ന​ട​പ്പി​ല്ലാ​തെ വി​ജ​ന​മാ​കു​ന്ന​തും ക്രി​മി​ന​ല്‍ സം​ഘ​ങ്ങ​ള്‍ക്ക് താ​വ​ള​മാ​ക്കാ​ന്‍ ഉ​ചി​ത​മാ​യ സാ​ഹ​ച​ര്യ​മാ​ണ്.

ര​ണ്ട് മാ​സം​മു​മ്പ് രാ​ത്രി​യി​ല്‍ ച​ങ്ങ​നാ​ശേ​രി ന​ഗ​ര​ത്തി​ലെ പ​ഴ​യ ബ​സ് സ്റ്റാ​ന്‍ഡി​ന​ടു​ത്തു​ള്ള മു​നി​സി​പ്പ​ല്‍ ആ​ര്‍ക്കേ​ഡി​നു മു​മ്പി​ലൂ​ടെ മാ​താ​പി​താ​ക്ക​ള്‍ക്കൊ​പ്പം ന​ട​ന്നു​പോ​യ യു​വ​തി​യെ ക​യ​റി​പ്പി​ടി​ച്ച​തും ക്രി​മി​ല്‍ സം​ഘ​ത്തി​ല്‍പ്പെ​ട്ട​വ​രാ​യി​രു​ന്നു. ബ​സ്‌​സ്റ്റാ​ന്‍ഡി​ന​ടു​ത്തു​ള്ള ബി​വ​റേ​ജ​സ് ഔ​ട്ട്‌​ലെ​റ്റ് കേ​ന്ദ്രീ​ക​രി​ച്ച് വ​ന്‍ക്രി​മി​ന​ല്‍ സം​ഘ​ങ്ങ​ള്‍ പ്ര​വ​ര്‍ത്തി​ക്കു​ന്നു​ണ്ട്.

ക്രി​മി​ന​ല്‍ സം​ഘ​ങ്ങ​ളെ അ​മ​ര്‍ച്ച ചെ​യ്യ​ണം

ക്രി​മി​ന​ല്‍ മോ​ഷ​ണ സം​ഘ​ങ്ങ​ളെ അ​മ​ർ​ച്ച ച​യ്യാ​ന്‍ പോ​ലീ​സ് ക​ര്‍ശ​ന ന​ട​പ​ടി​ക​ള്‍ സ്വീ​ക​രി​ക്ക​ണ​മെ​ന്ന് വി​വ​ധ രാ​ഷ്‌​ട്രീ​യ സ​ന്ന​ദ്ധ സം​ഘ​ട​ന​ക​ളും വ്യാ​പാ​രി​ക​ളും ആ​വ​ശ്യ​പ്പെ​ട്ടു.

അ​തേ​സ​മ​യം പോ​ലീ​സി​ന് ആ​വ​ശ്യ​മാ​യ അം​ഗ​വ​ല​വും വാ​ഹ​ന​ങ്ങ​ളും ഇ​ല്ലാ​ത്ത​തും ജോ​ലി​ ഭാ​രക്കൂ​ടു​ത​ലും പ്ര​തി​സ​ന്ധി​യാ​കു​ന്നു​ണ്ട്.