അങ്കമാലി: ജീവധാര റീനല് കെയര് ഫൗണ്ടേഷന്റെയും പ്രൂഡന്റ് ഗുരുകുലത്തിന്റെയും നേതൃത്വത്തില് ഡയാലിസിസിന് വിധേയമാകുന്നവരുടെ ഓണാഘോഷവും കുടുംബസംഗമവും സംഘടിപ്പിച്ചു. വിദ്യാര്ഥികള്ക്കായുള്ള ചിത്രരചനാ മത്സരവും ഇതോടൊപ്പം നടന്നു. കുടുംബസംഗമം മുന് എംല്എ പി.ജെ. ജോയി ഉദ്ഘാടനം ചെയ്തു.
ജീവധാര ഫൗണ്ടേഷന് ചെയര്മാന് സാജു ചാക്കോ അധ്യക്ഷത വഹിച്ചു. മുന് മന്ത്രി ജോസ് തെറ്റയില്, ജീവധാര അഡ്വൈസര് എം.പി.ആന്റണി, പ്രോജക്ട് കോ ഓർഡിനേറ്റര് കെ.പി. അമല്, ജോസ് പോള്, സി. ജോസഫ്, ഷാബു വര്ഗീസ്, പി.എല്. ബെന്നി, സ്റ്റീഫന് കോട്ടക്കല്, നീതു നാരായണന്, റോയ് പി. ജോസ്, സിജു ജേക്കബ് എന്നിവര് പ്രസംഗിച്ചു. വാര്ഡ് കൗണ്സിലര് ജെസ്മി ജിജോ ചിത്രരചന മത്സരത്തിലെ വിജയികള്ക്ക് സമ്മാനങ്ങള് വിതരണം ചെയ്തു.