കോതമംഗലം : കോതമംഗലം മാർത്തോമ ചെറിയ പള്ളിയിൽ കബറടങ്ങിയിരിക്കുന്ന പരിശുദ്ധ യൽദോ മാർ ബസേലിയോസ് ബാവായുടെ ഓർമപ്പെരുന്നാളിനോടനുബന്ധിച്ച് തലശേരിയിൽ നിന്ന് ആരംഭിച്ച കോതമംഗലം തീർഥാടന പതാക പ്രയാണ ജാഥ കോതമംഗലത്ത് എത്തിച്ചേർന്നു.
കോഴിക്കോട്, മലപ്പുറം, തൃശൂർ, എറണാകുളം ജില്ലകളിലെ നാനൂറ്റി അൻപതോളം കേന്ദ്രങ്ങളിൽ സ്വീകരണം ഏറ്റുവാങ്ങി ഇന്നലെ വൈകുന്നേരമാണ് കോതമംഗലം മാർത്തോമ ചെറിയ പള്ളിയിൽ എത്തിച്ചേർന്നത്. പള്ളിത്താഴത്ത് കോതമംഗലം പൗരാവലി സ്വീകരണം നൽകി. ആന്റണി ജോണ് എംഎൽഎ പൗരാവലിക്കുവേണ്ടി പതാക പ്രയാണ ജാഥയെ സ്വീകരിച്ചു.
മതമൈത്രി സംരക്ഷണ സമിതി ചെയർമാൻ എ.ജി. ജോർജ്, കണ്വീനർ കെ.എ. നൗഷാദ്, വ്യാപാരി സമൂഹത്തിനു വേണ്ടി ഇ.വി. സേവ്യർ ഇലഞ്ഞിക്കൽ, ആഷ തോമസ് അട്ടേലിൽ, കോതമംഗലം മാർ തോമ ചെറിയ പള്ളി വികാരി ഫാ. ജോസ് പരത്തുവയലിൽ, വലിയ പള്ളി വികാരി ഫാ. നോബി വെട്ടിച്ചിറ, ഫാ. ജോസ് തച്ചേത്കുടി, ഫാ. ഏലിയാസ് പൂമറ്റത്തിൽ, ഫാ. ബിജോ കാവാട്ട്, ഫാ. ബേസിൽ ഇട്ടിയാണിയ്ക്കൽ, ട്രസ്റ്റിമാരായ ബേബി ആഞ്ഞിലിവേലിൽ, ഏലിയാസ് കീരംപ്ലായിൽ, സലീം ചെറിയാൻ മാലിയിൽ, ബേബി പാറേക്കര, ബിനോയി മണ്ണൻചേരിൽ, എബി ചേലാട്ട്, ഡോ. റോയി മാലിൽ, മാനേജിംഗ് കമ്മിറ്റിയംഗങ്ങളായ റെനി പഴുക്കാളിൽ, ജോർജ് കൂർപ്പിള്ളിൽ, എൽദോസ് ആനച്ചിറ, കുര്യാക്കോസ് പുല്ലാന്തിക്കാട്ട്, വിൻസന്റ് പാറയിൽ, ഷിജു പഴുക്കാളിൽ, വലിയ പള്ളി ട്രസ്റ്റിമാരായ ബാബു പിച്ചക്കര, എൽദോസ് കളരിക്കൽ, എൽദോസ് മണ്ണാപറന്പേൽ, ചാണ്ടി കറുകപ്പിള്ളിൽ എന്നിവർ ചേർന്ന് സ്വീകരിച്ച് പള്ളിയിലേക്ക് ആനയിച്ചു. 25 മുതൽ നാലു വരെയാണ് ഓർമപ്പെരുന്നാൾ.