വ​ന്യ​ജീ​വി സ​ങ്കേ​ത​ത്തി​ലെ സ്വ​യം​സ​ന്ന​ദ്ധ പു​ന​രധി​വാ​സം പ്ര​തി​സ​ന്ധി​യി​ൽ
Tuesday, September 24, 2024 7:59 AM IST
ക​ൽ​പ്പ​റ്റ: വ​യ​നാ​ട് വ​ന്യ​ജീ​വി സ​ങ്കേ​ത​ത്തി​ൽ കേ​ന്ദ്ര സ​ർ​ക്കാ​രി​ന്‍റെ സാ​ന്പ​ത്തി​ക സ​ഹാ​യ​ത്തോ​ടെ 2011 മു​ത​ൽ വ​നം വ​കു​പ്പ് ന​ട​പ്പാ​ക്കു​ന്ന സ്വ​യം​സ​ന്ന​ദ്ധ പു​ന​ര​ധി​വാ​സ​പ​ദ്ധ​തി പ്ര​തി​സ​ന്ധി​യി​ൽ.

മൂ​ന്നു വ​ർ​ഷ​മാ​യി പ​ദ്ധ​തി പ്ര​വ​ർ​ത്ത​നം ന​ട​ക്കു​ന്നി​ല്ല. രൂ​ക്ഷ​മാ​യി തു​ട​രു​ന്ന മ​നു​ഷ്യ-​വ​ന്യ​ജീ​വി സം​ഘ​ർ​ഷ​ത്തി​ന് ഏ​റ്റ​വും ഫ​ല​പ്ര​ദ​മാ​യ പ​രി​ഹാ​ര​ങ്ങ​ളി​ൽ ഒ​ന്നെ​ന്നു പൊ​തു​വെ പ്ര​കീ​ർ​ത്തി​ക്കു​ന്ന പ​ദ്ധ​തി​ക്കാ​ണ് ദു​ര്യോ​ഗം. വ​നം, റ​വ​ന്യു അ​ധി​കാ​രി​ക​ളു​ടെ ഉ​ദാ​സീ​ന​ത​യാ​ണ് ഇ​തി​നു കാ​ര​ണ​മെ​ന്ന് ആ​ക്ഷേ​പ​മു​ണ്ട്.

വ​ന്യ​ജീ​വി സ​ങ്കേ​ത​ത്തി​ൽ വ​ന​ത്തി​ലും ഓ​ര​ത്തും ഒ​റ്റ​പ്പെ​ട്ടു​പോ​യ​തും വ​ന്യ​ജീ​വി പ്ര​ശ്നം നേ​രി​ടു​ന്ന​തു​മാ​യ 111 ഗ്രാ​മ​ങ്ങ​ളി​ലെ കു​ടും​ബ​ങ്ങ​ളി​ൽ സ്വ​യം​സ​ന്ന​ദ്ധ​രാ​യ​വ​രെ മാ​റ്റി​പ്പാ​ർ​പ്പി​ക്കു​ന്ന​തി​ന് ആ​വി​ഷ്ക​രി​ച്ച​താ​ണ് പ​ദ്ധ​തി. വ​യ​നാ​ട് പ്ര​കൃ​തി സം​ര​ക്ഷ​ണ സ​മി​തി​യു​ടെ നി​വേ​ദ​ന​ത്തെ​യും നി​ര​ന്ത​ര സ​മ്മ​ർ​ദ​ത്തെ​യും തു​ട​ർ​ന്നാ​ണ് പ​ദ്ധ​തി പ്രാ​വ​ർ​ത്തി​ക​മാ​ക്കാ​ൻ കേ​ന്ദ്ര വ​നം-​പ​രി​സ്ഥി​തി മ​ന്ത്രാ​ല​യം ത​യാ​റാ​യ​ത്. ക​ർ​ഷ​ക​ർ സം​ഘ​ട​ന രൂ​പീ​ക​രി​ച്ച് പ്ര​ക്ഷോ​ഭ​ങ്ങ​ൾ ന​ട​ത്തു​ക​യും ചെ​യ്തി​രു​ന്നു.

കേ​ന്ദ്ര സ​ർ​ക്കാ​രി​ന്‍റെ ആ​വ​ശ്യ​പ്ര​കാ​രം വ​നം-​വ​ന്യ​ജീ​വി വ​കു​പ്പ് ചു​മ​ത​ല​പ്പെ​ടു​ത്തി​യ​ത​നു​സ​രി​ച്ച് കേ​ര​ള ഫോ​റ​സ്റ്റ് റി​സ​ർ​ച്ച് ഇ​ൻ​സ്റ്റി​റ്റ്യൂ​ട്ടാ​ണ് സ​ർ​വേ ന​ട​ത്തി പ്രോ​ജ​ക്ട് റി​പ്പോ​ർ​ട്ട് ത​യാ​റാ​ക്കി​യ​ത്.

ഒ​ന്നാം ഘ​ട്ട​ത്തി​ൽ 14 ഗ്രാ​മ​ങ്ങ​ളി​ലെ 800 കു​ടും​ബ​ങ്ങ​ളെ​യാ​ണ് പ​ദ്ധ​തി​യി​ൽ ഉ​ൾ​പ്പെ​ടു​ത്തി​യ​ത്. 2011 മു​ത​ൽ കേ​ന്ദ്രം എ​ല്ലാ വ​ർ​ഷ​വും ഫ​ണ്ട് അ​നു​വ​ദി​ക്കു​ക​യും 2020 വ​രെ പ​ദ്ധ​തി സു​ഗ​മ​മാ​യി ന​ട​ക്കു​ക​യും ചെ​യ്തു. ഇ​തു​വ​രെ 10 ഗ്രാ​മ​ങ്ങ​ളി​ലെ 480 കു​ടും​ബ​ങ്ങ​ൾ കാ​ടി​നു വെ​ളി​യി​ൽ സ്വ​ന്ത​മാ​യി ഭൂ​മി വാ​ങ്ങു​ക​യും വീ​ട് വ​യ്ക്കു​ക​യും ചെ​യ്തു. ടാ​റ്റാ ഇ​ൻ​സ്റ്റി​ട്ട്യൂ​ട്ട് ന​ട​ത്തി​യ പ​ഠ​ന​ത്തി​ൽ പ​ദ്ധ​തി വി​ജ​യ​ക​ര​മാ​ണെ​ന്നു ക​ണ്ടെ​ത്തി​യി​ട്ടു​ണ്ട്.

സു​ഗ​മ​മാ​യി പു​രോ​ഗ​മി​ച്ച പു​ന​ര​ധി​വാ​സ ന​ട​പ​ടി​ക​ൾ മു​ത്ത​ങ്ങ റേ​ഞ്ചി​ലെ ചെ​ട്ട്യാ​ല​ഞ്ഞൂ​രി​ൽ എ​ത്തി​യ​പ്പോ​ഴാ​ണ് ക​ല്ലു​ക​ടി അ​നു​ഭ​വ​പ്പെ​ട്ടു​തു​ട​ങ്ങി​യ​ത്. റ​വ​ന്യു ഉ​ദ്യോ​ഗ​സ്ഥ​ർ അ​നാ​വ​ശ്യ​മാ​യി ഇ​ട​പെ​ടു​ക​യും ത​ട​സ​ങ്ങ​ൾ ഉ​ണ്ടാ​ക്കു​ക​യും ചെ​യ്തു. ചെ​ട്ട്യാ​ല​ത്തൂ​രി​ൽ പു​ന​ര​ധി​വാ​സം പൂ​ർ​ത്തി​യാ​യി​ട്ടി​ല്ല. ഇ​വി​ടെ​നി​ന്നു 120 കു​ടും​ബ​ങ്ങ​ൾ പു​റ​ത്തു​പോ​യെ​ങ്കി​ലും അ​ന​ന്ത​രാ​വ​കാ​ശി​ക​ളു​ടെ​യും ഭൂ​മി മാ​ത്ര​മു​ള്ള 105 പേ​രു​ടെ​യും പ​ട്ടി​ക​വ​ർ​ഗ​ക്കാ​രി​ൽ ഒ​രു വി​ഭാ​ഗ​ത്തി​ന്‍റെ​യും കൂ​ടു​ത​ൽ ഭൂ​മി​യു​ള്ള ഏ​ഴ് കു​ടും​ബ​ങ്ങ​ളു​ടെ​യും പു​ന​ര​ധി​വാ​സ ന​ട​പ​ടി​ക​ൾ എ​ങ്ങു​മെ​ത്തി​യി​ല്ല.


സ്വ​ന്ത​മാ​യി വീ​ടും കു​ടും​ബ​വും ഉ​ള്ള​വ​രു​ടെ പു​ന​ര​ധി​വാ​സം പൂ​ർ​ത്തി​യാ​യാ​ൽ ഭൂ​മി കൈ​വ​ശ​മു​ള്ള​വ​രു​ടെ​യും ഗ്രാ​മ​ത്തി​ൽ താ​മ​സ​മി​ല്ലാ​ത്ത​വ​രു​ടെ​യും സ്ഥ​ലം ഏ​റ്റെ​ടു​ക്കു​മെ​ന്ന് വ​നം വ​കു​പ്പ് ഉ​റ​പ്പു​ന​ൽ​കി​യി​രു​ന്നു. കൃ​ഷി​ഭൂ​മി കൂ​ടു​ത​ലു​ള്ള ഏ​ഴ് കു​ടും​ബ​ങ്ങ​ൾ​ക്കാ​യി പ്ര​ത്യേ​ക പാ​ക്കേ​ജ് ത​യാ​റാ​ക്കു​ന്ന​തി​ന് ചീ​ഫ് സെ​ക്ര​ട്ട​റി അ​ധ്യ​ക്ഷ​നാ​യ സം​സ്ഥാ​ന പു​ന​ര​ധി​വാ​സ മോ​ണി​റ്റ​റിം​ഗ് ക​മ്മി​റ്റി അം​ഗീ​കാ​രം ന​ൽ​കു​ക​യും വി​ശ​ദ​മാ​യ പ്രോ​ജ​ക്ട് സ​മ​ർ​പ്പി​ക്കാ​ൻ ആ​വ​ശ്യ​പ്പെ​ടു​ക​യും ചെ​യ്തി​രു​ന്നു. നാ​ലു വ​ർ​ഷം മു​ൻ​പാ​യി​രു​ന്നു ഇ​ത്.

ഒ​ന്നാം ഘ​ട്ട​ത്തി​ൽ ഉ​ൾ​പ്പെ​ടു​ത്തി​യ​തി​ൽ അ​വ​ശേ​ഷി​ക്കു​ന്ന ബ​ത്തേ​രി ഫോ​റ​സ്റ്റ് റേ​ഞ്ചി​ലെ പു​ത്തൂ​ർ, മ​ണി​മു​ണ്ട ,പാ​ന്പ​ൻ​കൊ​ല്ലി ഗ്രാ​മ​ങ്ങ​ളി​ലെ പു​ന​ര​ധി​വാ​സ​ത്തി​ന് ഗു​ണ​ഭോ​ക്താ​ക്ക​ളി​ൽ​നി​ന്നു അ​പേ​ക്ഷ സ്വീ​ക​രി​ക്കു​ക​യും ചി​ല​രു​ടെ ജോ​യി​ന്‍റ് അ​ക്കൗ​ണ്ടി​ൽ പ​ണം നി​ക്ഷേ​പി​ക്കു​ക​യും ചെ​യ്തെ​ങ്കി​ലും ന​ട​പ​ടി​ക​ൾ പൂ​ർ​ത്തി​യാ​യി​ല്ല. കേ​ന്ദ്രം അ​നു​വ​ദി​ച്ച ഫ​ണ്ടി​ന്‍റെ വി​നി​യോ​ഗ​രേ​ഖ ജി​ല്ലാ ക​ള​ക്ട​ർ കേ​ന്ദ്ര​ത്തി​ന് ന​ൽ​കി​യാ​ൽ മാ​ത്ര​മേ തു​ട​ർ​ന്നും ഫ​ണ്ട് ല​ഭി​ക്കൂ. 2020ൽ ​ആ​രം​ഭി​ച്ച റി​ബി​ൽ​ഡ് കേ​ര​ള ഫ​ണ്ട് ഉ​പ​യോ​ഗി​ച്ച് മു​ത്ത​ങ്ങ റേ​ഞ്ചി​ലെ കാ​പ്പാ​ട്, കു​ണ്ടൂ​ർ ഗ്രാ​മ​ങ്ങ​ളി​ലെ ആ​ദി​വാ​സി​ക​ൾ ഒ​ഴി​കെ കു​ടും​ബ​ങ്ങ​ളെ പു​ന​ര​ധി​വ​സി​പ്പി​രു​ന്നു.

ഇ​വി​ട​ങ്ങ​ളി​ൽ 24 കു​ടും​ബ​ങ്ങ​ളു​ടെ പു​ന​ര​ധി​വ​സം ബാ​ക്കി​യാ​ണ്. മു​ത്ത​ങ്ങ റേ​ഞ്ചി​ലെ കു​മി​ഴി ഗ്രാ​മ​ത്തി​ലു​ള്ള 40 ഓ​ളം കു​ടു​ബ​ങ്ങ​ളി​ൽ​നി​ന്നു സ​മ്മ​ത​പ​ത്ര​വും ബാ​ങ്ക് അ​ക്കൗ​ണ്ട് ന​ന്പ​റും ഭൂ​രേ​ഖ​ക​ളു​ടെ പ​ക​ർ​പ്പും വാ​ങ്ങി ഒ​രു വ​ർ​ഷ​മാ​യി​ട്ടും തു​ട​ർ​ന​ട​പ​ടി​യി​ല്ല. പു​ന​ര​ധി​വാ​സ​പാ​ക്കേ​ജ് വ​ന്ന​ശേ​ഷം കാ​ടി​ന് വെ​ളി​യി​ൽ വ​ന്ന​വ​ർ​ക്ക് ജീ​വി​ത​സ​ന്ധാ​ര​ണ​ത്തി​ന്നും കൃ​ഷി​ക്കും മ​റ്റും സ​ഹാ​യം ന​ൽ​കി​യി​രു​ന്ന സം​ഘ​ട​ന​ക​ൾ പി​ൻ​വാ​ങ്ങി​യി​രി​ക്ക​യാ​ണെ​ന്ന് കു​മി​ഴി വി​ശ്വ​നാ​ഥ​ൻ, ചെ​ട്ടി​യാ​ല​ത്തൂ​ർ പ്ര​ഭാ​ക​ര​ൻ, ചെ​ടി​യാ​ല​ത്തൂ​ർ ശ്രീ​ധ​ര​ൻ എ​ന്നി​വ​ർ പ​റ​ഞ്ഞു. പു​ന​ര​ധി​വാ​സ പ​ദ്ധ​തി പ്ര​വ​ർ​ത്ത​നം പു​ന​രാ​രം​ഭി​ക്കു​ന്ന​തി​നു ന​ട​പ​ടി ആ​വ​ശ്യ​പ്പെ​ട്ട് ശ​ക്ത​മാ​യ ക​ർ​ഷ​ക പ്ര​ക്ഷോ​ഭം സം​ഘ​ടി​പ്പി​ക്കു​മെ​ന്നും അ​വ​ർ പ​റ​ഞ്ഞു.