കോതമംഗലം: തീർത്ഥാടന കേന്ദ്രമായ കോതമംഗലം വിശുദ്ധ മാർ തോമ ചെറിയ പള്ളിയിലെ കന്നി 20 പെരുന്നാൾ ഗ്രീൻ പ്രോട്ടോക്കോൾ പാലിച്ച് ടൗണ്‍ ശുചീകരിച്ചു. എംബിറ്റ്സ് എൻജിനീയറിംഗ് കോളജ്, എംബിറ്റ്സ് പോളിടെക്നിക്, മാർ ബേസിൽ ഹയർ സെക്കൻഡറി സ്കൂൾ, മാർ ബസേലിയോസ് നഴ്സിംഗ് കോളജ്, നഴ്സിംഗ് സ്കൂൾ, മാർബസേലിയോസ് ദന്തൽ കോളജ് എന്നിവിടങ്ങളിലെ എൻഎസ്എസ് യൂണിറ്റുകളും സെന്‍റ് മേരീസ് പബ്ലിക് സ്കൂൾ വിദ്യാർഥികൾ, വ്യാപാരികൾ, മാർ തോമ ചെറിയ പള്ളി വോളണ്ടിയേഴ്സ് ടീം എന്നിവർ ശുചീകരണ പ്രവർത്തനങ്ങൾക്ക് നേതൃത്വം നൽകി. ഹരിതചട്ടം നടപ്പാക്കുന്പോൾ ശ്രദ്ധിക്കേണ്ട മാനദണ്ഡങ്ങളേക്കുറിച്ചുള്ള ലഘുലേഖ വിതരണം ചെയ്തു. ഗ്രീൻ പ്രോട്ടോക്കോളിന്റെ ഉദ്ഘാടനം ജില്ലാ കളക്ടർ എൻ.എസ്.കെ. ഉമേഷ് ഉദ്ഘാടനം ചെയ്യും. ആന്‍റണി ജോണ് എംഎൽഎ യോഗത്തിൽ അധ്യക്ഷത വഹിക്കും.