ക​രാ​ട്ടെ​യി​ൽ ബ്ലാ​ക്ക്ബെ​ൽ​റ്റ് നേ​ട്ട​വു​മാ​യി കി​ഴ​ക്കേ​ക്ക​ര ജോ​സ്
Tuesday, September 24, 2024 1:35 AM IST
എഴുപത്തിയേഴിലെ പൊൻതൂവൽ

ഫ്രാ​ൻ​സി​സ് ത​യ്യൂ​ർ

മം​ഗ​ലം​ഡാം: മാ​ര​ത്ത​ണി​ലും യോ​ഗ​യി​ലും മി​ന്നുംപ്ര​ക​ട​നം ന​ട​ത്തു​ന്ന മം​ഗ​ലം​ഡാം പ​റ​ശേ​രി സ്വ​ദേ​ശി കി​ഴ​ക്കേ​ക്ക​ര ജോ​സ് ത​ന്‍റെ എ​ഴു​പ​ത്തി​യേ​ഴാ​മ​ത്തെ വ​യ​സി​ൽ ക​രാ​ട്ടെ​യി​ൽ ബ്ലാ​ക്ക് ബെ​ൽ​റ്റ് നേ​ടി മ​റ്റൊ​രു അ​പൂ​ർ​വനേ​ട്ട​ത്തി​നുകൂ​ടി ഉ​ട​മ​യാ​യി. ക​ഴി​ഞ്ഞ​ദി​വ​സം ജ​പ്പാ​ൻ ക​രാ​ട്ടെ അ​സോ​സി​യേ​ഷ​ൻ ഇ​ന്ത്യ പാ​ല​ക്കാ​ട്ടു സം​ഘ​ടി​പ്പി​ച്ച ജി​ല്ലാ ക​രാ​ട്ടെ ചാ​മ്പ്യ​ൻ​ഷി​പ്പി​ന്‍റെ ഉ​ദ്ഘാ​ട​ന പ​രി​പാ​ടി​യി​ലാ​ണ് ജോ​സ് കി​ഴ​ക്കേ​ക്ക​ര​യ്ക്ക് ബ്ലാ​ക്ക് ബെ​ൽ​റ്റ് ല​ഭി​ച്ച​ത്.

ജെ​എ​സ്കെ​എ ഇ​ന്ത്യ ചീ​ഫ് ഇ​ൻ​സ്ട്ര​ക്ട​ർ പി.​കെ. ഗോ​പാ​ല​കൃ​ഷ്ണ​നി​ൽ നി​ന്നാ​ണ് ബ്ലാ​ക്ക് ബെ​ൽ​റ്റ് സ്വീ​ക​രി​ച്ച​ത്. വ​ള്ളി​യോ​ട് സെ​ന്‍റ് ജോ​സ​ഫ് ആ​ശു​പ​ത്രി​യി​ലെ അ​സി​സ്റ്റ​ഡ് ലി​വിം​ഗ് സെ​ന്‍റ​ർ അ​ഡ്മി​നി​സ്ട്രേ​റ്റ​ർ സി​സ്റ്റ​ർ പി​യ എം​എ​സ്ജെ യാ​യി​രു​ന്നു മു​ഖ്യാ​തി​ഥി.

സി​സ്റ്റ​ർ സെ​ൻ​ഷി​ൻ എം​എ​സ്ജെ പ്ര​ത്യേ​ക ക്ഷ​ണി​താ​വാ​യി പ​ങ്കെ​ടു​ത്ത പ​രി​പാ​ടി​യി​ൽ ജെ​എ​സ്കെ​എ ഇ​ന്ത്യ പ്ര​സി​ഡ​ൻ്റ് സെ​ൻ​സാ​യ് കെ. ​എ​ഫ്. ആ​ൽ​ഫ്ര​ഡ് (സ​ണ്ണി) , ജ​ന​റ​ൽ സെ​ക്ര​ട്ട​റി സെ​ൻ​സാ​യ് ഷാ​ജി ജോ​ർ​ജ്, റ​ഫ്രി ക​മ്മീ​ഷ​ൻ ചെ​യ​ർ​മാ​ൻ സെ​ൻ​സാ​യ് വി​നോ​ദ് മാ​ത്യു, ക​മ്മീ​ഷ​ൻ സെ​ക്ര​ട്ട​റി റ​ഫ്രി സെ​ൻ​സാ​യ് ഷാ​ജ​ലി തു​ട​ങ്ങി​യ​വ​ർ പ​ങ്കെ​ടു​ത്തു.

എ​ഴു​ത്തി​യേ​ഴാ​മ​ത്തെ വ​യ​സി​ൽ ക​രാ​ട്ടെ​യി​ൽ ബ്ലാ​ക്ക് ബെ​ൽ​റ്റ് കി​ട്ടു​ന്ന​ത് അ​പൂ​ർ​വ​മാ​ണെ​ന്ന് ജെ​എ​സ്കെ​എ ഇ​ന്ത്യ പ്ര​സി​ഡ​ന്‍റ് കെ.​എ​ഫ്. ആ​ൽ​ഫ്ര​ഡ് പ​റ​ഞ്ഞു. ഇ​ത്ര​യും പ്രാ​യ​ത്തി​ൽ ബ്ലാ​ക്ക് ബെ​ൽ​റ്റ് കി​ട്ടു​ന്ന ജി​ല്ല​യി​ലെ ആ​ദ്യ​ക​രാ​ട്ടെ​ക്കാ​ര​നാ​ണ്. ഈ ​പ്രാ​യ​ത്തി​ൽ ബ്ലാ​ക്ക് ബെ​ൽ​റ്റ് കി​ട്ടു​ന്ന​വ​ർ കേ​ര​ള​ത്തി​ലും അ​പൂ​ർ​വ​മാ​ണെ​ന്നു 40 വ​ർ​ഷം മു​മ്പ് ബ്ലാ​ക്ക് ബെ​ൽ​റ്റ് നേ​ടി​യി​ട്ടു​ള്ള ജി​ല്ല​യി​ലെ ആ​ദ്യ ബ്ലാ​ക്ക് ബെ​ൽ​റ്റു​കാ​ര​നാ​യ അ​റു​പ​ത്തി​യെ​ട്ടു​കാ​ര​ൻ വ​ട​ക്ക​ഞ്ചേ​രി ജോ​സ്ഗി​രി സ്വ​ദേ​ശി​യാ​യ ആ​ൽ​ഫ്ര​ഡ് പ​റ​ഞ്ഞു.


മം​ഗ​ലം​ഡാ​മി​ലെ പ്ലാ​ന്‍റ​റാ​യി​രു​ന്ന ജോ​സ് കി​ഴ​ക്കേ​ക്ക​ര 40 വ​ർ​ഷം മു​മ്പ് ക​രാ​ട്ട​യി​ലെ ബ്രൗ​ൺ ബെ​ൽ​റ്റ് നേ​ടി​യി​രു​ന്നു. പി​ന്നീ​ട് മ​ക്ക​ളു​ടെ ജോ​ലി​യും മ​റ്റു​മാ​യി ബ​ന്ധ​പ്പെ​ട്ട് വി​ദേ​ശ​യാ​ത്ര​ക​ളി​ൽ വ​ർ​ഷ​ങ്ങ​ൾ ഏ​റെ ക​ട​ന്നു​പോ​യി. അ​പ്പോ​ഴും ക​രാ​ട്ട​യി​ൽ ബ്ലാ​ക്ക് ബെ​ൽ​റ്റ് നേ​ട​ണ​മെ​ന്ന അ​തി​യാ​യ മോ​ഹം ജോ​സേ​ട്ട​ന്‍റെ മ​ന​സി​ലു​ണ്ടാ​യി​രു​ന്നു. ഇ​തി​നാ​യി തീ​വ്ര പ​രി​ശീ​ല​ന​ത്തി​നൊ​പ്പം ഭ​ക്ഷ​ണ​ത്തി​ലും നി​യ​ന്ത്ര​ണ​ങ്ങ​ൾ ഏ​ർ​പ്പെ​ടു​ത്തി. 21 കി​ലോ​മീ​റ്റ​റും 200 മീ​റ്റ​റും ദൂ​രംവ​രു​ന്ന ഹാ​ഫ് മാ​ര​ത്ത​ണാ​ണ് ജോ​സ് കി​ഴ​ക്കേ​ക്ക​ര​യു​ടെ ഇ​ഷ്ട ഇ​നം.

കോ​വി​ഡി​നുശേ​ഷം ഇ​ടു​ക്കി ഡാ​മി​ൽ ജി​ല്ലാ ഭ​ര​ണ​കൂ​ടം സം​ഘ​ടി​പ്പി​ച്ച ഹാ​ഫ് മാ​ര​ത്ത​ണി​ലും കാ​ന​ഡ ഉ​ൾ​പ്പെ​ടെ​യു​ള്ള വി​ദേ​ശരാ​ജ്യ​ങ്ങ​ളി​ലെ വി​ഖ്യാ​ത മാ​ര​ത്ത​ണു​ക​ളി​ലും മു​ന്നി​ലെ​ത്തി ജോ​സ് കി​ഴ​ക്കേ​ക്ക​ര പു​ര​സ്കാ​ര​ങ്ങ​ൾ നേ​ടി​യി​ട്ട​ണ്ട്.

യോ​ഗ മാ​സ്റ്റ​ർ, ഷ​ട്ടി​ൽ ബാ​ഡ്മി​ന്‍റ​ൺ കോ​ച്ച് എ​ന്നീ നി​ല​ക​ളി​ലെ മി​ക​വു​ക​ളി​ലും എ​ഴു​പ​ത്തി​യേ​ഴു​കാ​ര​ൻ ഇ​ന്നു​മു​ണ്ട്. ക​രാ​ട്ടെ, യോ​ഗ, മാ​ര​ത്ത​ൺ എ​ന്നി​വ​യി​ൽ ദി​വ​സ​വും അ​ഞ്ചു​മ​ണി​ക്കൂ​ർ പ​രി​ശീ​ല​നം ഇ​പ്പോ​ഴും മു​ട​ക്ക​മി​ല്ലാ​തെ തു​ട​രു​ന്നു.

ദി​വ​സ​വു​മു​ള്ള അ​ഞ്ചു കി​ലോമീ​റ്റ​ർ ഓ​ട്ട​ത്തി​നും പ്രാ​യം ത​ട​സ​മാ​യി​ട്ടി​ല്ല. മൂ​ന്നുനേ​ര​മാ​യാ​ണ് പ​രി​ശീ​ല​നമു​റ​ക​ളെ​ല്ലാം ചെ​യ്യു​ന്ന​ത്. പ​ഴ​വ​ർ​ഗ​ങ്ങ​ൾ, പ​ച്ച​ക്ക​റി​ക​ൾ തു​ട​ങ്ങി​യ​വ​യാ​ണ് ഭ​ക്ഷ​ണ​ങ്ങ​ളി​ൽ കൂ​ടു​ത​ലും.

ഉ​ച്ച​യ്ക്കുമാ​ത്രമേ അ​രിഭ​ക്ഷ​ണം ക​ഴി​ക്കു. വ​റു​ത്ത​തിനും പൊ​രി​ച്ച​തിനും ബേ​ക്ക​റി സാ​ധ​ന​ങ്ങ​ൾ​ക്കും വി​ല​ക്കു​ണ്ട്. വ​ർ​ധി​ച്ചു​വ​രു​ന്ന ജീ​വി​ത​ശൈ​ലിരോ​ഗ​ങ്ങ​ൾ ത​ട​യു​ന്ന​തി​നും മ​നോ​ധൈ​ര്യ​ത്തി​നും ക​രാ​ട്ടെ, യോ​ഗ പ​രി​ശീ​ല​ന​ങ്ങ​ൾ ഏ​റെ ഗു​ണ​ക​ര​മാ​യി​ട്ടു​ണ്ടെ​ന്നു ജോ​സ് കി​ഴ​ക്കേ​ക്ക​ര പ​റ​ഞ്ഞു.