കാലടി: എടനാട് സെന്‍റ് മേരീസ് പള്ളിയുടെ സുവർണ ജൂബിലി ആഘോഷിച്ചു. ജൂബിലി ആഘോഷത്തിന്‍റെ പ്രാരംഭമായി ചൊവ്വര സെന്‍റ് മേരീസ് ദേവാലയത്തിൽനിന്ന് ആരംഭിച്ച ദീപശിഖ പ്രയാണം രാജഗിരി പള്ളി ചുറ്റി എടനാട് ഇടവകയുടെ വിവിധ പ്രദേശങ്ങളിലൂടെ പ്രയാണം നടത്തി.
പൊതുസമ്മേളനം ഫാ. തോമസ് മംഗലശേരി ഉദ്ഘാടനം ചെയ്തു. മോൺ. ആന്‍റണി പെരുമായൻ അധ്യക്ഷത വഹിച്ചു. വികാരി ഫാ. അനിൽ കിളിയേൽകുടി, ഫാ. ടോണി ചക്കുങ്ങൽ, സിസ്റ്റർ ദയ മാത്യു, സിസ്റ്റർ ആൻ ശാന്തിനി, ആന്‍റപ്പൻ പരിപ്പിള്ളി, ബിനോയ് ചക്കുങ്ങൽ, മത്തായി ചക്കുങ്ങൽ, ജോസഫ് മ്യാൽപറമ്പിൽ എന്നിവർ പ്രസംഗിച്ചു. വിവിധ കലാപരിപാടികൾ, ജൂബിലി ഗാനം, സ്നേഹവിരുന്ന് എന്നിവ ഉണ്ടായിരുന്നു.