ആലുവ കെഎസ്ആർടിസി ബസ് സ്റ്റാൻഡിൽ കെ​ട്ടി​ട ന​മ്പ​റായില്ല; ടോയ്‌ലറ്റ് ബ്ലോക്ക് തുറക്കാൻ വൈ​കു​ന്നു
Monday, July 8, 2024 4:20 AM IST
ആ​ലു​വ: പു​തി​യ കെഎ​സ്ആ​ർടി​സി ബ​സ് സ്റ്റാ​ൻ​ഡ് കെ​ട്ടി​ട​ത്തി​ന് ആ​ലു​വ ന​ഗ​ര​സ​ഭ​യു​ടെ ലൈ​സ​ൻ​സ് വൈ​കു​ന്നു. കെ​ട്ടി​ട ന​മ്പ​ർ കി​ട്ടാ​താ​യ​തോ​ടെ പ്ര​തി​സ​ന്ധി​യി​ലാ​യി ക​ട​മു​റി​ക​ളു​ടെ ലേ​ല​വും ടോ​യ്‌ല​റ്റ് ബ്ലോ​ക്ക് ഉ​ദ്ഘാ​ട​ന​വും.

ഉ​ദ്ഘാ​ട​നം ക​ഴി​ഞ്ഞ് അ​ഞ്ച് മാ​സ​ങ്ങ​ൾ ക​ഴി​ഞ്ഞി​ട്ടും കെ​ട്ടി​ടം പൂ​ർ​ണ സ​ജ്ജ​മാ​യി​ട്ടി​ല്ലെ​ന്ന പ​രാ​തി ഉ​യ​രു​ന്ന​തി​നി​ട​യി​ലാ​ണ് കെ​ട്ടി​ട​ത്തി​ന് ന​മ്പ​ർ ഇ​ടു​ന്ന​ത് വൈ​കു​ന്ന​ത്. അ​ഞ്ച് വ​ർ​ഷം മു​മ്പ് തയാ​റാ​ക്കി​യ രൂ​പ​രേ​ഖ​യി​ൽ മാ​റ്റം വ​ന്ന​തോ​ടെ പു​തി​യ കെ​ട്ടി​ട​ത്തി​ന്‍റെ സ്കെ​ച്ച് ത​യാ​റാ​ക്കാ​ത്ത​താ​ണ് അ​നു​മ​തി വൈ​കാ​ൻ കാ​ര​ണം.

നി​ല​വി​ൽ ക​രാ​റു​കാ​ര​ൻ എ​ടു​ത്ത താ​ത്കാ​ലി​ക ക​ണ​ക്ഷ​നി​ലാ​ണ് വൈ​ദ്യു​തി കെ​എ​സ്ആ​ർ​ടി കെ​ട്ടി​ട​ത്തി​ന് ല​ഭി​ക്കു​ന്ന​ത്. കെ​ട്ടി​ട ന​മ്പ​ർ കി​ട്ടാ​ത്ത​തി​നാ​ൽ ക​ട​മു​റി, ടോ​യ്‌ല​റ്റ് ബ്ലോ​ക്ക് എ​ന്നി​വ​യു​ടെ ടെ​ൻ​ഡ​ർ ന​ട​പ​ടി​ക​ളും മു​ട​ങ്ങി​ക്കി​ട​ക്കു​ക​യാ​ണ്. വാ​ട്ട​ർ ക​ണ​ക്ഷ​ൻ, അ​ഗ്നി സു​ര​ക്ഷാ സം​വി​ധാ​നം എ​ന്നി​വ​യും കെ​ട്ടി​ട ന​മ്പ​റി​നെ ആ​ശ്ര​യി​ച്ചാ​ണ് അ​നു​വ​ദി​ക്കു​ന്ന​ത്.

പുരുഷന്മാർക്ക് ആശ്രയം കാ​ന​

കെ​ട്ടി​ട​ത്തോ​ടൊ​പ്പം നി​ർ​മി​ച്ച ടോയ്‌ലറ്റു​ക​ളും ബാ​ത്ത്റൂ​മു​ക​ളും ഇ​പ്പോ​ഴും തു​റ​ക്കാ​തി​ട്ടി​രി​ക്കു​ക​യാ​ണ്. ആ​ലു​വ ഡി​പ്പോ കെ​ട്ടി​ട​ത്തി​ലെ ര​ണ്ടു നി​ല​ക​ളി​ലാ​യി എട്ടു വീ​ത​വും പു​റ​ത്താ​യി 11 ടോ​യ്‌ല​റ്റുക​ൾ വീതവും അ​ട​ങ്ങു​ന്ന ബ്ലോ​ക്കു​മാ​ണ് ഉ​ള്ള​ത്. ഷ​വ​ർ സൗ​ക​ര്യ​ത്തോ​ടു കൂ​ടി​യ ഓ​രോ ബാ​ത്ത് റൂ​മു​ക​ൾ സ്ത്രീ​ക​ൾ​ക്കും പു​രു​ഷ​ന്മാ​ർ​ക്കു​മാ​യും സ്റ്റാ​ഫി​നാ​യി ര​ണ്ടു ബാ​ത്ത് റൂ​മു​ക​ളും ഉ​ണ്ട്. പ​ക്ഷേ ലേ​ല ന​ട​പ​ടി​ക​ൾ നീ​ളു​ക​യാ​ണ്.


ഇതുമൂലം ദിവസേന ബ​സ് സ്റ്റാ​ൻ​ഡി​ൽ വ​രു​ന്ന സ്ത്രീ​ക​ള​ട​ക്ക​മു​ള്ള യാ​ത്ര​ക്കാ​ർ ദു​രി​ത​ത്തി​ലാ​ണ്. നൂ​റോ​ളം വ​രു​ന്ന ജീ​വ​ന​ക്കാ​ർ​ക്ക് ആ​ശ്ര​യം ദൂ​രെ​യു​ള​ള യാ​ർ​ഡി​ലെ ര​ണ്ട് ടോ​യ്‌ല​റ്റുക​ളാ​ണ്.
ക​ഴി​ഞ്ഞ ആ​ഴ്ച വ​രെ കി​ഴ​ക്കുഭാ​ഗത്തെ കാ​ന​യെ ആ​ശ്ര​യി​ച്ചാ​ണ് പുരുഷന്മാർ "ശ​ങ്ക' തീ​ർ​ത്തി​രു​ന്ന​ത്. എ​ന്നാ​ൽ ഈ ​മേ​ഖ​ല​യി​ലേ​ക്ക് അ​ങ്ക​മാ​ലി, ക​ട്ട​പ്പ​ന ബ​സു​ക​ൾ പാ​ർ​ക്ക് ചെ​യ്ത​തോ​ടെ അ​തും സാ​ധി​ക്കാ​തെ​യാ​യി.

ഇ​തി​ന് തൊ​ട്ടു​പി​ന്നി​ലു​ള്ള വീ​ട്ടു​കാ​ർ ഇത് ചോദ്യം ചെയ്ത് ന​ഗ​ര​സ​ഭ​യി​ൽ പ​രാ​തി​യും ന​ൽ​കി​യി​രി​ക്കു​ക​യാ​ണ്. ടോ​യ്‌ല​റ്റ് കെ​ട്ടി​ടം ഉ​ദ്ഘാ​ട​നം ഉ​ട​ൻ ന​ട​ക്കു​മെ​ന്നും ഒ​രു ഏ​ജ​ൻ​സി​ക്ക് കൈ​മാ​റു​മെ​ന്നു​മാ​ണ് അ​ധി​കൃ​ത​ർ പ​റ​യു​ന്ന​ത്.

പ​തി​നാ​ല​ര​ക്കോ​ടി മു​ട​ക്കി അ​ഞ്ച​ര വ​ർ​ഷം കൊ​ണ്ട് നി​ർ​മി​ച്ച ഇ​രു​നി​ല കെ​ട്ടി​ട​ത്തി​ൽ ഇ​രി​പ്പി​ട​മോ ടോ​യ്‌ല​റ്റു​ക​ളോ ഇ​ല്ലാ​ത്ത​തി​ൽ യാ​ത്ര​ക്കാ​ർ ക​ടു​ത്ത പ്ര​തി​ഷേ​ധ​ത്തി​ലാ​ണ്. തൊ​ട്ട​ടു​ത്ത ഹോ​ട്ട​ലു​ക​ളേ​യോ റെ​യി​ൽ​വേ സ്റ്റേ​ഷ​നേ​യോ ആ​ശ്ര​യി​ക്കാ​നാ​ണ് ആ​വ​ശ്യ​ക്കാ​രോ​ട് ജീ​വ​ന​ക്കാ​ർ പ​റ​യു​ന്ന​ത്.