പ്ലൈ​വു​ഡ് ഫാ​ക്ട​റി​യി​ലെ മാ​ലി​ന്യം തോ​ട്ടി​ലേ​ക്ക്; ക​ടു​ത്ത പ്ര​തി​ഷേ​ധ​വു​മാ​യി നാ​ട്ടു​കാ​ര്‍
Wednesday, October 23, 2024 6:32 AM IST
ഉ​ള്ള​നാ​ട്: വ​ലി​യ​കാ​വും​പു​റ​ത്ത് പ്ലൈ​വു​ഡ് ഫാ​ക്ട​റി​യി​ല്‍​നി​ന്നു മ​ലി​ന​ജ​ലം തോ​ട്ടി​ലേ​ക്ക് ഒ​ഴു​ക്കു​ന്ന​താ​യി പ​രാ​തി. റോ​ഡി​നോ​ടു ചേ​ര്‍​ന്നു പ്ര​വ​ര്‍​ത്തി​ക്കു​ന്ന ഫാ​ക്ട​റി​യി​ല്‍​നി​ന്നു​മാ​ണ് മ​ലി​ന​ജ​ലം ഒ​ഴു​കി​യി​റ​ങ്ങി തോ​ട്ടി​ല്‍ പ​തി​ക്കു​ന്ന​ത്. ദു​ര്‍​ഗ​ന്ധ​വും ജ​ല​മ​ലി​നീ​ക​ര​ണ​വും പ​തി​വാ​യ​തോ​ടെ പ്ര​ദേ​ശ​വാ​സി​ക​ള്‍ വ​ലി​യ പ്ര​തി​ഷേ​ധ​ത്തി​ലാ​ണ്.

ഭ​ര​ണ​ങ്ങാ​നം പ​ഞ്ചാ​യ​ത്ത് അ​ഞ്ചാം വാ​ര്‍​ഡി​ലാ​ണ് ജ​ന​ങ്ങ​ള്‍ മ​ലി​ന​ജ​ലം മൂ​ലം പൊ​റു​തി​മു​ട്ടു​ന്ന​ത്. പെ​രു​മ്പാ​വൂ​ര്‍ സ്വ​ദേ​ശി​യു​ടെ ഉ​ട​മ​സ്ഥ​ത​യി​ലു​ള്ള​താ​ണ് പ്ലൈ​വു​ഡ് ഫാ​ക്ട​റി​യെ​ന്ന് പ്ര​ദേ​ശ​വാ​സി​ക​ള്‍ പ​റ​ഞ്ഞു.

ര​ണ്ടു വ​ര്‍​ഷ​ത്തോ​ള​മാ​യി പ്ര​വ​ര്‍​ത്തി​ക്കു​ന്ന ഫാ​ക്ട​റി​യി​ല്‍ അ​ന്യ​സം​സ്ഥാ​ന തൊ​ഴി​ലാ​ളി​ക​ളാ​ണ് ജോ​ലി ചെ​യ്യു​ന്ന​ത്. മു​ന്‍​പും ചെ​റി​യ തോ​തി​ല്‍ മാ​ലി​ന്യ​മൊ​ഴു​ക്കി​യി​രു​ന്നു​വെ​ങ്കി​ലും ഇ​ത്ര​യു​മ​ധി​കം ഒ​ഴു​കു​ന്ന​ത് ഇ​പ്പോ​ഴാ​ണ്. റോ​ഡി​നോ​ട് ചേ​ര്‍​ന്നൊ​ഴു​കു​ന്ന മ​ലി​ന​ജ​ലം എ​ത്തി​ച്ചേ​രു​ന്ന​തു സ​മീ​പ​ത്തെ തോ​ട്ടി​ലാ​ണ്. പ്ര​ദേ​ശ​വാ​സി​ക​ള്‍ കു​ളി​ക്കാ​നും വ​സ്ത്രം ക​ഴു​കു​ന്ന​തി​നും ഉ​പ​യോ​ഗി​ക്കു​ന്ന വെ​ള്ള​മാ​ണ് മ​ലി​ന​മാ​കു​ന്ന​ത്.


പ​ഞ്ചാ​യ​ത്തും അ​ധി​കൃ​ത​ർ ശ​ക്ത​മാ​യ ന​ട​പ​ടി സ്വീ​ക​രി​ക്കാ​ത്ത​പ​ക്ഷം പ്ര​ക്ഷോ​ഭ പ​രി​പാ​ടി​ക​ള്‍​ക്ക് ത​യാ​റെ​ടു​ക്കു​ക​യാ​ണ് നാ​ട്ടു​കാ​ര്‍.

അ​തേ​സ​മ​യം, മാ​ലി​ന്യം ഒ​ഴു​ക്കു​ന്ന​തു സം​ബ​ന്ധി​ച്ച് നാ​ട്ടു​കാ​ര്‍ സ്ഥി​രം പ​രാ​തി പ​റ​യു​ന്ന​താ​യും ഇ​തു സം​ബ​ന്ധി​ച്ച് ന​ട​പ​ടി​യെ​ടു​ക്ക​ണ​മെ​ന്നു പ​ഞ്ചാ​യ​ത്ത് ക​മ്മി​റ്റി​യി​ല്‍ ആ​വ​ശ്യ​പ്പെ​ട്ടി​ട്ടും ന​ട​പ​ടി ഉ​ണ്ടാ​യി​ല്ലെ​ന്നും വാ​ർ​ഡ് മെം​ബ​ർ സു​ധാ ഷാ​ജി പ​റ​ഞ്ഞു. സ്ഥ​ല​ത്ത് പ​രി​ശോ​ധ​ന ന​ട​ത്തി​യ ഹെ​ല്‍​ത്ത് ഇ​ന്‍​സ്പെ​ക്ട​ര്‍ പ്ര​ശ്ന​മി​ല്ലെ​ന്ന റി​പ്പോ​ര്‍​ട്ടാ​ണ് ന​ൽ​കി​യ​ത്.

എ​ന്നാ​ല്‍ തോ​ട്ടി​ലെ വെ​ള്ളം ഉ​പ​യോ​ഗി​ക്കു​ന്ന​വ​ര്‍​ക്ക് പ്ര​ശ്ന​ങ്ങ​ള്‍ അ​നു​ഭ​വ​പ്പെ​ടു​ന്നു​ണ്ടെ​ന്നു നാ​ട്ടു​കാ​ര്‍ പ​റ​ഞ്ഞു. അ​ടു​ത്ത ദി​വ​സം ചേ​രു​ന്ന ക​മ്മ​ിറ്റി​യി​ലും രേ​ഖാ​മൂ​ലം വി​ഷ​യം ഉന്നയി​ക്കു​മെ​ന്ന് സു​ധാ ഷാ​ജി പ​റ​ഞ്ഞു.