പാലാ: ഐങ്കൊമ്പ് ബസ് അപകടത്തിന്‍റെ 26-ാം വാര്‍ഷികത്തില്‍ കേരള കോണ്‍ഗ്രസ്-എം കടനാട് മണ്ഡലം കമ്മിറ്റി നടത്തിയ സര്‍വമത പ്രാര്‍ഥനയും അനുസ്മരണ സമ്മേളനവും ജില്ലാ പഞ്ചായത്തംഗം രാജേഷ് വാളിപ്ലാക്കല്‍ ഉദ്ഘാടനം ചെയ്തു.
മണ്ഡലം പ്രസിഡന്‍റ് ബെന്നി ഇരൂരിക്കല്‍ സമ്മേളനത്തില്‍ അധ്യക്ഷത വഹിച്ചു. പഞ്ചായത്ത് പ്രസിഡന്‍റ് ജിജി തമ്പി, ജയ്‌സി സണ്ണി, മത്തച്ചന്‍ ഉറുമ്പുകാട്ട്, പി.എസ്. ശാര്‍ങഗ്ധരന്‍, ജോയി വടശേരില്‍, അപ്പച്ചന്‍ തഴപ്പള്ളി തുടങ്ങിയവര്‍ പ്രസംഗിച്ചു. മൂവാറ്റുപുഴ-പുനലൂര്‍ ഹൈവേയുടെ ഭാഗമായ പാലാ-തൊടുപുഴ റോഡില്‍ നിത്യേന അപകടങ്ങള്‍ വര്‍ധിച്ചുവരുന്നതിൽ യോഗം ആശങ്ക രേഖപ്പെടുത്തി.