ഉഴവൂർ: മുടങ്ങിക്കിടന്ന സിവിൽ സ്റ്റേഷൻ പദ്ധതിക്കു തുടക്കം കുറിക്കാൻ ഒരുങ്ങുമ്പോൾ അതിനെതിരേ പ്രതിഷേധപ്രവർത്തനങ്ങൾ നടത്തുന്ന എൽഡിഎഫ് കമ്മിറ്റിയുടെ നിലപാട് അപലപനീയമെന്ന് യുഡിഎഫ് മണ്ഡലം നേതൃത്വം.
പഞ്ചായത്ത് കമ്മിറ്റിയുടെ നേതൃത്വത്തിൽ സ്ഥലം കണ്ടെത്തുകയും സർക്കാർ ഈ സ്ഥലത്തു സിവിൽ സ്റ്റേഷൻ നിർമിക്കുന്നതിനുള്ള നടപടിക്രമങ്ങൾ ആരംഭിച്ച് ശിലാഫലകം സ്ഥാപിക്കാനിരിക്കേയാണ് എൽഡിഎഫ് പ്രതിഷേധവുമായി രംഗത്തു വന്നിരിക്കുന്നതെന്ന് പഞ്ചായത്ത് പ്രസിഡന്റ് കെ.എം. തങ്കച്ചൻ ആരോപിച്ചു. പ്രകാശ് വടക്കേൽ, ന്യൂജന്റ് ജോസഫ്, സൈമൺ ഒറ്റത്തങ്ങാടി എന്നിവർ പ്രസംഗിച്ചു.