മുണ്ടക്കയം: അറ്റകുറ്റപ്പണികൾക്കായി അടച്ചിട്ട മുണ്ടക്കയം കോസ്വേ പാലം റീ കോൺക്രീറ്റ് ചെയ്ത് തുറന്നു നൽകി.
പാലത്തിന്റെ റീ ഓപ്പണിംഗ് സെബാസ്റ്റ്യൻ കുളത്തുങ്കൽ എംഎൽഎ നിർവഹിച്ചു. മുണ്ടക്കയം പഞ്ചായത്ത് പ്രസിഡന്റ് രേഖ ദാസ് അധ്യക്ഷത വഹിച്ചു.
കഞ്ഞിരപ്പള്ളി ബ്ലോക്ക് പഞ്ചായത്ത് പ്രസിഡന്റ് അജിത രതീഷ്, ജില്ലാ പഞ്ചായത്തംഗങ്ങളായ പി.ആർ. അനുപമ, സുഭേഷ് സുധാകരൻ, ബ്ലോക്ക് പഞ്ചായത്തംഗം പി.കെ. പ്രദീപ്, പഞ്ചായത്തംഗങ്ങൾ, വ്യാപാരി വ്യവസായി നേതാക്കളായ ടി.എം. റഷീദ്, പി.എം. നജീബ്, വിവിധ രാഷ്ട്രീയകക്ഷി നേതാക്കന്മാരായ ചാർലി കോശി, എം.ജി. രാജു, തോമസ് പാലൂക്കുന്നേൽ എന്നിവർ പ്രസംഗിച്ചു. 8.5 ലക്ഷം രൂപ മുടക്കിയാണ് പാലം റീ കോൺക്രീറ്റ് ചെയ്തത്.