മാ​ലി​ന്യ​കേ​ന്ദ്ര​മാ​യി വെ​ള്ള​നാ​ടി-​വ​ട്ട​ക്കാ​വ് റോ​ഡ്
Sunday, September 8, 2024 2:33 AM IST
മു​ണ്ട​ക്ക​യം: മാ​ലി​ന്യ​കേ​ന്ദ്ര​മാ​യി വെ​ള്ള​നാ​ടി-​വ​ട്ട​ക്കാ​വ് റോ​ഡ്. ഹാ​രി​സ​ൺ മ​ല​യാ​ളം എ​സ്റ്റേ​റ്റി​ന്‍റെ ഭാ​ഗ​മാ​യ റോ​ഡി​ന്‍റെ ഇ​രു​വ​ശ​ങ്ങ​ളി​ലും ചാ​ക്കി​ൽ കെ​ട്ടി​യും അ​ല്ലാ​തെ​യു​മാ​യി വ​ൻ​തോ​തി​ലാ​ണ് മാ​ലി​ന്യ​ങ്ങ​ൾ ത​ള്ളി​യി​രി​ക്കു​ന്ന​ത്. വ്യാ​പാ​ര സ്ഥാ​പ​ന​ങ്ങ​ളി​ലെ​യും ഹോ​ട്ട​ലു​ക​ളി​ലെ​യും ഭ​ക്ഷ​ണാ​വ​ശി​ഷ്ട​ങ്ങ​ളും പ്ലാ​സ്റ്റി​ക് ക​വ​റു​ക​ളും ഉ​ൾ​പ്പെ​ടെ​യാ​ണ് റോ​ഡി​ന്‍റെ ഇ​രു​വ​ശ​ത്തും ത​ള്ളി​യി​രി​ക്കു​ന്ന​ത്.

ജ​ന​വാ​സം കു​റ​വാ​യ മേ​ഖ​ല​യാ​യ​തു​കൊ​ണ്ടു​ത​ന്നെ രാ​ത്രി​കാ​ല​ങ്ങ​ളി​ൽ ഇ​വി​ടെ മാ​ലി​ന്യം ത​ള്ളു​ന്ന​വ​രെ പി​ടി​കൂ​ടാ​ൻ സാ​ധി​ക്കു​ന്നു​മി​ല്ല. നാ​ട്ടു​കാ​രു​ടെ നേ​തൃ​ത്വ​ത്തി​ൽ മേ​ഖ​ല​യി​ൽ നി​രീ​ക്ഷ​ണം ന​ട​ത്തു​ന്നു​ണ്ടെ​ങ്കി​ലും ആ​ളു​ക​ളു​ടെ ക​ണ്ണുവെ​ട്ടി​ച്ചാ​ണ് ഇ​വി​ടെ വ​ൻ​തോ​തി​ൽ മാ​ലി​ന്യം ത​ള്ളു​ന്ന​ത്. ഇ​തോ​ടെ മേ​ഖ​ല​യി​ൽ കാ​ട്ടു​പ​ന്നി അ​ട​ക്ക​മു​ള്ള വ​ന്യ​മൃ​ഗ​ങ്ങ​ളു​ടെ ശ​ല്യ​വും വ​ർ​ധി​ച്ചി​ട്ടു​ണ്ട്. വ​ർ​ഷ​ങ്ങ​ൾ​ക്ക് മു​മ്പും ഈ ​മേ​ഖ​ല​യി​ൽ മാ​ലി​ന്യം​ത​ള്ള​ൽ രൂക്ഷ​മാ​യി​രു​ന്നു.


മു​ൻ​കാ​ല​ങ്ങ​ളി​ലും ഇ​വി​ടെ മാ​ലി​ന്യം ത​ള്ളാ​നെ​ത്തി​യ വാ​ഹ​നം നാ​ട്ടു​കാ​രു​ടെ നേ​തൃ​ത്വ​ത്തി​ൽ ക​ത്തി​ച്ച സം​ഭ​വം വ​രെ അ​ര​ങ്ങേ​റി​യി​ട്ടു​ണ്ട്. അ​തേ​സ​മ​യം മു​ണ്ട​ക്ക​യ​ത്തെ വ്യാ​പാ​ര​സ്ഥാ​പ​ന​ങ്ങ​ളി​ൽ​നി​ന്നു പ​ണം കൈ​പ്പ​റ്റി സ്ഥാ​പ​ന​ങ്ങ​ളി​ലെ വേ​സ്റ്റു​ക​ൾ വ​ണ്ടി​യി​ൽ കൊ​ണ്ടു​പോ​യി വി​ജ​ന​മാ​യ സ്ഥ​ല​ങ്ങ​ളി​ൽ ത​ള്ളു​ന്ന സം​ഘ​ങ്ങ​ൾ ഉ​ണ്ടെ​ന്നും പ​റ​യ​പ്പെ​ടു​ന്നു.

ഇ​ത്ത​രം ആ​ളു​ക​ൾ പ​ഞ്ചാ​യ​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ ഓ​രോ ദി​വ​സ​വും മാ​ലി​ന്യം കൊ​ണ്ടു​വ​ന്ന് ത​ള്ളു​ക​യാ​ണ്. ഒ​രു പ്ര​ദേ​ശ​ത്ത് ആ​ളു​ക​ൾ പ്ര​തി​ഷേ​ധം സം​ഘ​ടി​പ്പി​ക്കു​മ്പോ​ൾ മ​റ്റൊ​രു സ്ഥ​ല​ത്ത് മാ​ലി​ന്യം ത​ള്ളും. ഇ​ത്ത​ര​ത്തി​ലു​ള്ള ആ​ളു​ക​ളാ​ണ് വെ​ള്ള​നാ​ടി-വ​ട്ട​ക്കാ​വ് റോ​ഡി​ലും മാ​ലി​ന്യം ത​ള്ളു​ന്ന​തെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്. കുറ്റക്കാർക്കെതിരേ ക​ർ​ശ​ന ന​ട​പ​ടി സ്വീ​ക​രി​ക്ക​ണ​മെ​ന്നും മേ​ഖ​ല​യി​ൽ പോ​ലീ​സ് നി​രീ​ക്ഷ​ണം ശ​ക്ത​മാ​ക്ക​ണ​മെ​ന്നും നാ​ട്ടു​കാ​ർ ആ​വ​ശ്യ​പ്പെ​ട്ടു.