ട്രാ​ഫി​ക് സി​ഗ്‌​ന​ലും വ​ഴി​യോ​ര​വാ​ണി​ഭ​വും വി​ല്ല​ൻ; കോ​ഴാ​യി​ൽ നി​ന്ന് കു​റ​വി​ല​ങ്ങാ​ട്ടെ​ത്താ​ൻ അ​ര​മ​ണി​ക്കൂ​ർ
Sunday, September 8, 2024 11:50 PM IST
കു​റ​വി​ല​ങ്ങാ​ട്: പ​തി​നാ​യി​ര​ക്ക​ണ​ക്കി​ന് തീ​ർ​ഥാ​ട​ക​ര​ട​ക്കം ഒ​ഴു​കി​യെ​ത്തു​ന്ന ടൗ​ൺ ഗ​താ​ഗ​ത​ക്കു​രു​ക്കി​ൽ വീ​ർ​പ്പു​മു​ട്ടു​ന്നു. സെ​ൻ​ട്ര​ൽ ജം​ഗ്ഷ​നി​ൽ ജ​ന​ഹി​തം മാ​നി​ക്കാ​തെ സ്ഥാ​പി​ച്ച ട്രാ​ഫി​ക് സി​ഗ്‌​ന​ലും അ​ന​ധി​കൃ​ത വ​ഴി​യോ​ര​വാ​ണി​ഭ​വു​മാ​ണ് പ്ര​ധാ​ന വി​ല്ല​ന്മാ​ർ. സെ​ൻ​ട്ര​ൽ ജം​ഗ്ഷ​നി​ൽ വാ​ഹ​ന​ങ്ങ​ൾ ഊ​ഴം​കാ​ത്ത് കി​ട​ന്ന​തോ​ടെ പ​ള്ളി​ക്ക​വ​ല മു​ത​ൽ കോ​ഴാ​വ​രെ വാ​ഹ​ന​ങ്ങ​ൾ​ക്ക് ച​ലി​ക്കാ​ൻ ക​ഴി​ഞ്ഞി​ല്ല. ര​ക്ഷ​തേ​ടി പൊ​ട്ടി​പ്പൊ​ളി​ഞ്ഞ ബൈ​പ്പാ​സി​നെ ആ​ശ്ര​യി​ച്ച​വ​രും പെ​ട്ടു. വാ​ഹ​ന​ങ്ങ​ൾ കൂ​ട്ട​ത്തോ​ടെ എം​സി റോ​ഡ് വി​ട്ട് ബൈ​പ്പാ​സി​ലെ​ത്തി​യ​തോ​ടെ ബൈ​പ്പാ​സി​നും ശ്വാ​സം​മു​ട്ടി.

ഗ​താ​ഗ​ത​ക്കു​രു​ക്ക് ശ​ക്ത​മാ​കു​മ്പോ​ൾ വി​ഐ​പി​ക​ൾ എ​ത്തു​മ്പോ​ൾ ചെ​യ്യു​ന്ന​തു​പോ​ലെ ട്രാ​ഫി​ക് ലൈ​റ്റു​ക​ൾ ഓ​ഫ് ചെ​യ്യ​ണ​മെ​ന്ന ആ​വ​ശ്യ​വു​മാ​യി പ​ള്ളി​ക്ക​വ​ല​യി​ൽ ഡ്യൂ​ട്ടി​യി​ലു​ണ്ടാ​യി​രു​ന്ന ഹോം ​ഗാ​ർ​ഡി​നെ ക​ഴി​ഞ്ഞ ദി​വ​സം സ​മീ​പി​ച്ച പൊ​തു​പ്ര​വ​ർ​ത്ത​ക​ന് കി​ട്ടി​യ​ത് വി​ചി​ത്ര​മാ​യ മ​റു​പ​ടി​യാ​ണ്. ട്രാ​ഫി​ക് ലൈ​റ്റു​ക​ളു​ടെ നി​യ​ന്ത്ര​ണം പ​ഞ്ചാ​യ​ത്താ​ണ് ന​ട​ത്തു​ന്ന​തെ​ന്നാ​യി​രു​ന്നു
ഹോം ​ഗാ​ർ​ഡി​ന്‍റെ മ​റു​പ​ടി. പ​ഞ്ചാ​യ​ത്ത് ഭ​ര​ണ​ക​ക്ഷി ബ്ലോ​ക്ക് നേ​താ​വാ​യ പൊ​തു​പ്ര​വ​ർ​ത്ത​ക​ൻ പ​ഞ്ചാ​യ​ത്ത് പ്ര​സി​ഡ​ന്‍റി​നെ ഫോ​ൺ വി​ളി​ച്ച് ഹോം ​ഗാ​ർ​ഡി​നെ സ​മീ​പി​ച്ചെ​ങ്കി​ലും ഫോ​ൺ സ്വീ​ക​രി​ക്കാ​ൻ അ​ദ്ദേ​ഹം കൂ​ട്ടാ​ക്കി​യി​ല്ലെ​ന്ന് പ​റ​യു​ന്നു. ഉ​ന്ന​ത പോ​ലീ​സ് ഉ​ദ്യോ​ഗ​സ്ഥ​ന് പ​രാ​തി ന​ൽ​കി പ​രി​ഹാ​രം കാ​ത്തി​രി​ക്കു​ക​യാ​ണ് ഭ​ര​ണ​പ​ക്ഷ​ത്തെ പ്ര​ധാ​ന​ക​ക്ഷി​യും നേ​താ​ക്ക​ളും.


മു​ട്ടു​ങ്ക​ൽ ജം​ഗ്ഷ​ൻ മു​ത​ൽ പ​ള്ളി​യ​മ്പ് റോ​ഡു​വ​രെ എം​സി റോ​ഡി​ൽ വ​ഴി​യോ​ര​വാ​ണി​ഭ​മി​ല്ലെ​ന്ന് പ​ഞ്ചാ​യ​ത്ത് ആ​വ​ർ​ത്തി​ച്ച് പ​റ​ഞ്ഞി​ട്ടും പ​ള്ളി​ക്ക​വ​ല​യി​ൽ വ​ഴി​യോ​ര​വാ​ണി​ഭം പൊ​ടി​പൊ​ടി​ക്കു​ന്ന​ത് വ​ലി​യ ഭീ​ഷ​ണി​യാ​ണ് ഉ​യ​ർ​ത്തു​ന്ന​ത്. പ​ള്ളി​ത്താ​ഴെ റോ​ഡി​ൽ നി​ന്ന് വാ​ഹ​ന​ങ്ങ​ൾ വ​ള​ഞ്ഞെ​ത്തു​ന്ന എം​സി റോ​ഡു​മു​ത​ൽ മി​നി ബ​സ് ടെ​ർ​മി​ന​ൽ​വ​രെ പെ​ട്ടി ഓ​ട്ടോ​റി​ക്ഷ​ക​ളി​ലാ​ണ് ആ​ഹാ​ര​സാ​ധ​ന​ങ്ങ​ളും പ​ഴ​വ​ർ​ഗ​ങ്ങ​ളും വി​റ്റ​ഴി​ക്കു​ന്ന​ത്.

എ​ച്ച് വ​ൺ എ​ൻ വ​ൺ പ​നി വ്യാ​പ​മാ​കു​ന്ന സാ​ഹ​ച​ര്യ​ത്തി​ൽ മ​തി​യാ​യ ആ​രോ​ഗ്യ​ശീ​ലം ഉ​റ​പ്പാ​ക്കാ​തെ ആ​ഹാ​ര​പ​ദാ​ർ​ഥ​ങ്ങ​ൾ വി​റ്റ​ഴി​ച്ച​ത് പ്ര​തി​ഷേ​ധ​ത്തി​ന് വ​ഴി​തെ​ളി​ച്ചി​ട്ടു​ണ്ട്. വാ​ട​ക​യും നി​കു​തി​യും കൃ​ത്യ​മാ​യി ന​ൽ​കി മാ​ന​ദ​ണ്ഡ​ങ്ങ​ൾ പാ​ലി​ച്ച് ന​ട​ത്തു​ന്ന വ്യാ​പാ​ര​സ്ഥാ​പ​ന​ങ്ങ​ൾ​ക്കും ഇ​തി​ൽ പ്ര​തി​ഷേ​ധ​മു​ണ്ട്. ഇ​ക്കാ​ര്യ​ത്തി​ൽ പ​ഞ്ചാ​യ​ത്ത് ന​ട​പ​ടി​ക​ളു​മാ​യി മു​ന്നി​ട്ടി​റ​ങ്ങ​ണ​മെ​ന്ന ആ​വ​ശ്യം ശ​ക്ത​മാ​ണ്.