കാ​ഞ്ഞി​ര​പ്പ​ള്ളി-​മ​ണ്ണ​നാ​നി റോ​ഡി​ൽ നി​റ​യെ ഗ​ർ​ത്ത​ങ്ങ​ൾ, കൂ​ടെ വെ​ള്ള​ക്കെ​ട്ടും
Friday, August 2, 2024 9:32 PM IST
കാ​ഞ്ഞി​ര​പ്പ​ള്ളി: ശാ​പ​മോ​ക്ഷ​മി​ല്ലാ​തെ കാ​ഞ്ഞി​ര​പ്പ​ള്ളി-​മ​ണ്ണം​പ്ലാ​വ്-​വാ​ള​ക്ക​യം-​മ​ണ്ണ​നാ​നി റോ​ഡ്. കു​ണ്ടും കു​ഴി​യു​മി​ല്ലാ​ത്ത ഒ​രി​ഞ്ചു സ്ഥ​ലം പോ​ലും തി​ര​ക്കേ​റി​യ ഏ​ഴു കി​ലോ​മീ​റ്റ​ര്‍ പാ​ത​യി​ലില്ല.
കെ​കെ റോ​ഡി​നെ​യും എ​രു​മേ​ലി​യെ​യും ബ​ന്ധി​ക്കു​ന്ന ഈ ​പാ​ത വ​ള​വു നി​വ​ര്‍​ത്തി വീ​തി​കൂ​ട്ടി ന​വീ​ക​രി​ച്ച് ബി​എം​ബി​സി ടാ​റിം​ഗ് ന​ട​ത്തു​മെ​ന്നാ​യി​രു​ന്നു ജ​ന​പ്ര​തി​നി​ധി​ക​ളു​ടെ പ്ര​ഖ്യാ​പ​നം. ജ​ന​പ്ര​തി​നി​ധി​ക​ളു​ടെ തു​ട​ര്‍​ച്ച​യാ​യ ഉ​റ​പ്പു​ക​ള​ല്ലാ​തെ ഒ​രു നൂ​റ്റാ​ണ്ട് പ​ഴ​ക്ക​മു​ള്ള റോ​ഡ് ന​വീ​ക​രി​ക്കാ​ന്‍ ന​ട​പ​ടി​യി​ല്ല. കാ​ഞ്ഞി​ര​പ്പ​ള്ളി-​ചി​റ​ക്ക​ട​വ്-​കു​ള​ത്തൂ​ര്‍​മു​ഴി പാ​ത വി​ക​സ​നം ന​ട​ത്തു​മെ​ന്ന് നാ​ലു വ​ര്‍​ഷം മു​ന്പ് ബ​ജ​റ്റി​ല്‍ പ്ര​ഖ്യാ​പ​നം വ​ന്ന​താ​ണ്.

വാ​ള​ക്ക​യം, അ​ഞ്ചി​ലി​പ്പ എ​ന്നി​വി​ട​ങ്ങ​ളി​ല്‍ വ​ലി​യ ഗ​ര്‍​ത്ത​ങ്ങ​ളാ​ണ് റോ​ഡി​ല്‍ രൂ​പ​പ്പെ​ട്ടി​രി​ക്കു​ന്ന​ത്. പാ​ത​യു​ടെ ഇ​രു​വ​ശ​ങ്ങ​ളി​ലും ഓ​ട​ക​ളി​ല്ല. അ​തി​നാ​ൽ പ​ല​യി​ട​ത്തും വെ​ള്ള​ക്കെ​ട്ടും രൂ​ക്ഷ​മാ​ണ്. വ​ഴി​യോ​ര​വി​ള​ക്കു​ക​ള്‍ പ്ര​കാ​ശി​ക്കു​ന്നു​മി​ല്ല. തി​ര​ക്കേ​റി​യ ഈ ​റൂ​ട്ടി​ല്‍ അ​നു​വ​ദി​ച്ച കെ​എ​സ്ആ​ര്‍​ടി​സി സ​ര്‍​വീ​സു​ക​ള്‍ റോ​ഡി​ന്‍റെ ശോ​ച്യാ​വ​സ്ഥ​മൂ​ലം നി​ല​ച്ചു.


ക​ന​ത്ത മ​ഴ​യെ​ത്തു​ട​ര്‍​ന്ന് പ​ല​യി​ട​ത്തെ​യും നേ​ര​ത്തെ​യു​ണ്ടാ​യി​രു​ന്ന കു​ഴി​ക​ള്‍ വ​ലു​താ​യ നി​ല​യി​ലാ​ണ്. വെ​ള്ള​ക്കെ​ട്ടി​നൊ​പ്പം കു​ഴി​ക​ള്‍ കൂ​ടി​യാ​യ​തോ​ടെ മ​ണി​മ​ല റോ​ഡി​ലെ യാ​ത്ര ദു​ഷ്‌​ക​ര​മാ​യി​രി​ക്കു​ക​യാ​ണ്. മ​ഴ പെ​യ്യു​മ്പോ​ഴ​ട​ക്കം റോ​ഡി​ലൂ​ടെ വെ​ള്ളം പ​ര​ന്നൊ​ഴു​കു​ന്ന​താ​ണ് കു​ഴി ഓ​രോ ദി​വ​സ​വും വ​ലു​താ​കാ​ന്‍ കാ​ര​ണം.

മ​ഴ സ​മ​യ​ത്ത് കു​ഴി​യി​ല്‍ വെ​ള്ളം നി​റ​യു​ക​യും കു​ഴി​യു​ടെ ആ​ഴം അ​റി​യാ​തെ ഇ​രു​ച​ക്ര​വാ​ഹ​ന​ങ്ങ​ള്‍ കു​ഴി​യി​ല്‍​ച്ചാ​ടി അ​പ​ക​ട​ങ്ങ​ള്‍​ക്കും കാ​ര​ണ​മാ​കു​ന്നു​ണ്ട്. ന​ടു​വൊ​ടി​ക്കു​ന്ന യാ​ത്രാ​ക്ലേ​ശം അ​വ​സാ​നി​പ്പി​ക്കാ​ൻ അ​ധി​കൃ​ത​ർ ന​ട​പ​ടി സ്വീ​ക​രി​ക്ക​ണ​മെ​ന്ന ആ​വ​ശ്യം ശ​ക്ത​മാ​യി​രി​ക്കു​ക​യാണ്.