ഇടമറ്റം: കാന്‍സര്‍ ജീവിതത്തിന്‍റെ അവസാനമല്ലെന്നും മനോധൈര്യവും കൃത്യമായ ചികിത്സയും ഉണ്ടെങ്കില്‍ കാന്‍സറിനെ അതിജീവിക്കാന്‍ സാധിക്കുമെന്നും സാമൂഹ്യ പ്രവര്‍ത്തകയും മോട്ടിവേഷണല്‍ സ്പീക്കറുമായ നിഷ ജോസ് കെ. മാണി പറഞ്ഞു. മീനച്ചില്‍ ഗ്രാമപഞ്ചായത്ത് കുടുംബശ്രീ സിഡിഎസിന്‍റെ ആഭിമുഖ്യത്തില്‍ നടന്ന കാന്‍സര്‍ ബോധവത്കരണ സെമിനാറില്‍ പങ്കെടുത്തു പ്രസംഗിക്കുകയായിരുന്നു നിഷ.
ഗ്രാമപഞ്ചായത്ത് ഹാളില്‍ ചേര്‍ന്ന യോഗത്തില്‍ വൈസ് പ്രസിഡന്‍റ് ലിന്‍സി മാര്‍ട്ടിന്‍ അധ്യക്ഷത വഹിച്ചു. പഞ്ചായത്ത് പ്രസിഡന്‍റ് സാജോ പൂവത്താനി ഉദ്ഘാടനം നിര്‍വഹിച്ചു. സ്ത്രീകള്‍ക്കിടയില്‍ വര്‍ധിച്ചു വരുന്ന ബ്രെസ്റ്റ് കാന്‍സര്‍, സര്‍വിക്കല്‍ കാന്‍സര്‍ എന്നിവയെക്കുറിച്ച് പാലാ മാര്‍ സ്ലീവാ മെഡിസിറ്റിയിലെ ഓങ്കോളജിസ്റ്റ് ഡോ. റോണി ബെന്‍സണ്‍ ക്ലാസെടുത്തു. പഞ്ചായത്ത് മെംബര്‍മാരായ ഇന്ദു പ്രകാശ്, നളിനി ശ്രീധരന്‍, ബിജു ടി.ബി, ലിസമ്മ ഷാജന്‍, പുന്നൂസ് പോള്‍, ജയശ്രീ സന്തോഷ്, ബിജു ജേക്കബ്, ബിന്ദു ശശികുമാര്‍, സെക്രട്ടറി ബിജോ പി. ജോസഫ്, അസി. സെക്രട്ടറി പൗളിന്‍ ജോസഫ്, സിഡിഎസ് ചെയര്‍പേഴ്‌സണ്‍ ശ്രീലത ഹരിദാസ്, വൈസ് ചെയര്‍പേഴ്‌സണ്‍ ദീപ മാത്യു, ഡിഡിയുജികെവൈ ബ്ലോക്ക് കോ-ഓര്‍ഡിനേറ്റര്‍ നീതു, കമ്യൂണിറ്റി കൗണ്‍സിലര്‍ ഹരിപ്രിയ, സിഡിഎസ് മെംബര്‍മാര്‍ തുടങ്ങിയവര്‍ പ്രസംഗിച്ചു.