ശു​ചീ​ക​ര​ണ​ത്തൊ​ഴി​ലാ​ളി​ക​ളു​ടെ റാ​ങ്ക് ലി​സ്റ്റ് റ​ദ്ദാ​ക്കി; വീ​ണ്ടും അ​ഭി​മു​ഖം ന​ട​ത്തും
Saturday, August 3, 2024 1:08 AM IST
ഇ​രി​ങ്ങാ​ല​ക്കു​ട: പ്ര​തി​പ​ക്ഷ​ത്തി​ന്‍റെ എ​തി​ര്‍​പ്പി​നെ തു​ട​ര്‍​ന്ന് ഇ​രി​ങ്ങാ​ല​ക്കു​ട ന​ഗ​ര​സ​ഭ​യി​ല്‍ അ​ഭി​മു​ഖ​ത്തി​ന്‍റെ അ​ടി​സ്ഥാ​ന​ത്തി​ല്‍ ത​യാ​റാ​ക്കി​യ ശു​ചീ​ക​ര​ണ തൊ​ഴി​ലാ​ളി​ക​ളു​ടെ റാ​ങ്ക് ലി​സ്റ്റ് റ​ദ്ദാ​ക്കി.

അ​ഭി​മു​ഖ ന​ട​പ​ടി​ക​ള്‍ സു​താ​ര്യ​മാ​യി​ട്ട​ല്ല ന​ട​ന്ന​തെ​ന്നും അ​ഭി​മു​ഖ​ങ്ങ​ള്‍ ന​ട​ക്കു​ന്ന​തി​നി​ട​യി​ല്‍ വി​ക​സ​ന​കാ​ര്യ സ്റ്റാ​ന്‍​ഡിം​ഗ് ക​മ്മി​റ്റി ചെ​യ​ര്‍​മാ​ന്‍ ഫെ​നി എ​ബി​നും ന​ഗ​ര​സ​ഭ സെ​ക്ര​ട്ട​റി​യും ഇ​റ​ങ്ങി​പ്പോ​യെ​ന്നും റാ​ങ്ക് ലി​സ്റ്റ് അം​ഗീ​ക​രി​ക്കു​ന്ന കാ​ര്യം ച​ര്‍​ച്ച ചെ​യ്ത് തീ​രു​മാ​നി​ക്കേ​ണ്ട വി​ഷ​യ​മാ​ണെ​ന്നും എ​ല്‍​ഡി​എ​ഫിലെ ആ​രോ​ഗ്യ സ്റ്റാ​ന്‍​ഡിം​ഗ് ക​മ്മി​റ്റി ചെ​യ​ര്‍​മാ​ൻ അം​ബി​ക പ​ള്ളി​പ്പു​റ​ത്ത് അ​ജ​ൻഡയു​മാ​യി ബ​ന്ധ​പ്പെ​ട്ട് ന​ഗ​ര​സ​ഭ യോ​ഗ​ത്തി​ല്‍ ന​ട​ന്ന ച​ര്‍​ച്ച​യി​ല്‍ പ​റ​ഞ്ഞു. ലി​സ്റ്റ് ത​യാ​റാ​ക്കി​യ​ത് സു​താ​ര്യ​മാ​യ ന​ട​പ​ടി​ക​ളി​ലൂ​ടെ​യ​ല്ലെ​ന്നാ​ണു വ്യ​ക്ത​മാ​കു​ന്ന​തെ​ന്നും ലി​സ്റ്റ് റ​ദ്ദാ​ക്ക​ണ​മെ​ന്നും എ​ല്‍​ഡി​എ​ഫ് അം​ഗ​ങ്ങ​ളാ​യ അ​ഡ്വ. കെ.​ആ​ര്‍. വി​ജ​യ, സി.​സി. ഷി​ബി​ന്‍, അ​ഡ്വ. ജി​ഷ ജോ​ബി എ​ന്നി​വ​രും ആ​വ​ശ്യ​പ്പെ​ട്ടു.

ലി​സ്റ്റ് ത​ട്ടി​പ്പാ​ണെ​ന്നും സ്വ​ന്തം പാ​ര്‍​ട്ടി​ക്കാ​രെ തി​രു​കിക്ക​യ​റ്റു​ന്ന എ​ര്‍​പ്പാ​ടാ​ണ് ന​ട​ക്കു​ന്ന​തെ​ന്നും ഒ​ഴി​വു​ക​ള്‍ പ​ങ്കുവ​യ്ക്കു​ക​യാ​ണെ​ന്നും ബി​ജെ​പി അം​ഗം ടി.​കെ. ഷാ​ജു ആ​രോ​പി​ച്ചു. ബി​ജെ​പി അം​ഗം വ്യാ​ജ​മാ​യ പ​രാ​തി​യാ​ണ് ഉ​ന്ന​യി​ക്കു​ന്ന​തെ​ന്നും എ​ത്ര പേ​ര്‍ എ​ല്‍​ഡി​എ​ഫി​ല്‍ നി​ന്നും ഉ​ണ്ടെ​ന്ന് വ്യ​ക്ത​മാ​ക്ക​ണ​മെ​ന്നും എ​ല്‍​ഡി​എ​ഫ് അ​ല്‍​ഫോ​ണ്‍​സ തോ​മ​സ് ആ​വ​ശ്യ​പ്പെ​ട്ടു. യോ​ഗ്യ​ത​യു​ടെ അ​ടി​സ്ഥാ​ന​ത്തി​ല​ല്ല ന​ഗ​ര​സ​ഭ​യി​ല്‍ നി​യ​മ​ന​ങ്ങ​ള്‍ ന​ട​ക്കു​ന്ന​തെ​ന്ന് വ്യ​ക്ത​മാ​ണെ​ന്നും ലി​സ്റ്റ് അം​ഗീ​ക​രി​ക്കാ​ന്‍ ക​ഴി​യി​ല്ലെ​ന്നും ബി​ജെ​പി അം​ഗം സ​ന്തോ​ഷ് ബോ​ബ​നും പ​റ​ഞ്ഞു.


അ​ഞ്ച് മി​നി​റ്റ് നേ​ര​ത്തേ​ക്ക് മാ​ത്ര​മാ​ണ് താ​ന്‍ പു​റ​ത്തുപോ​യ​തെ​ന്ന് ഫെ​നി എ​ബി​നും പോ​യ ഉ​ട​ന്‍ താ​ന്‍ തി​രി​ച്ചുവ​ന്നു​വെ​ന്നും ഒ​രു ഇ​ട​പെ​ട​ലും ഉ​ണ്ടാ​യി​ട്ടി​ല്ലെ​ന്നും ന​ഗ​ര​സ​ഭ​യി​ല്‍ ശു​ചീ​ക​ര​ണ തൊ​ഴി​ലാ​ളി​ക​ളു​ടെ കു​റ​വ് നേ​രി​ടു​ന്നു​ണ്ടെ​ന്നും റാ​ങ്ക് ലി​സ്റ്റ് അം​ഗീ​ക​രി​ക്ക​ണ​മെ​ന്നും സെ​ക്ര​ട്ട​റി​യും പ​റ​ഞ്ഞു. സ​ര്‍​ക്കാ​ര്‍ മാ​ന​ദ​ണ്ഡ​ങ്ങ​ള്‍​ക്ക​നു​സ​രി​ച്ചാ​ണ് പ​ട്ടി​ക ത​യാ​റാ​ക്കി​യ​തെ​ന്നും റാ​ങ്ക് ലി​സ്റ്റ് ആ​ര്‍​ക്കുവേ​ണ​മെ​ങ്കി​ലും പ​രി​ശോ​ധി​ക്കാ​മെ​ന്നും ന​ഗ​ര​സ​ഭ ചെ​യ​ര്‍​പേ​ഴ്‌​സ​ണ്‍ വി​ശ​ദീ​ക​രി​ച്ചു.

എ​ന്നാ​ല്‍ വി​ശ​ദീ​ക​ര​ണ​ത്തി​ല്‍ പ്ര​തി​പ​ക്ഷം തൃ​പ്ത​രാ​യി​ല്ല. എ​ല്‍​ഡി​എ​ഫ് അം​ഗം സി.​സി. ഷി​ബി​ന്‍ വി​ഷ​യ​ത്തി​ല്‍ വോ​ട്ടെ​ടു​പ്പും ആ​വ​ശ്യ​പ്പെ​ട്ടു. ഇ​തോ​ടെ വീ​ണ്ടും അ​ഭി​മു​ഖം ന​ട​ത്താ​ന്‍ തീ​രു​മാ​നി​ച്ച​താ​യി ചെ​യ​ര്‍​പേ​ഴ്‌​സ​ണ്‍ സു​ജ സ​ഞ്ജീ​വ്കു​മാ​ര്‍ പ്ര​ഖ്യാ​പി​ച്ചു.