പ​ക്ഷി​പ്പ​നി: വെ​ച്ചൂ​രി​ൽ 310 കോ​ഴി​ക​ളെ ക​ള്ളിം​ഗ് നടത്തിയതിന് 65,000 രൂ​പ​യു​ടെ ബി​ല്ല്
Thursday, July 11, 2024 6:52 AM IST
വൈ​ക്കം: വെ​ച്ചൂ​രി​ൽ പ​ക്ഷി​പ്പ​നി ബാ​ധ​യെ​ത്തു​ട​ർ​ന്ന് 310 വ​ള​ർ​ത്തു​പ​ക്ഷി​ക​ളെ ക​ള്ളിം​ഗ് വി​ധേ​യ​മാ​ക്കി​യ​തി​ന് ചെ​ല​വാ​യ തു​ക​യാ​യി ഫ്യൂ​ണ​റ​ൽ സ​ർ​വീ​സു​കാ​ർ പ​ഞ്ചാ​യ​ത്തി​ൽ സ​മ​ർ​പ്പി​ച്ച​ത് 65,000 രൂ​പ​യു​ടെ ബി​ല്ല്.

310 കോ​ഴി​ക​ളെ ഏ​താ​നും തൊ​ഴി​ലാ​ളി​ക​ളു​ടെ സ​ഹാ​യ​ത്തോ​ടെ ര​ണ്ടു കു​റ്റി ഗ്യാ​സ് ഉ​പ​യോ​ഗി​ച്ച് അ​ഞ്ചു​മ​ണി​ക്കൂ​ർ കൊ​ണ്ടാ​ണ് സം​സ്ക​രി​ച്ച​ത്. ര​ണ്ടു വ​ർ​ഷം​മു​മ്പ് 2000ല​ധി​കം താ​റാ​വു​ക​ളെ വി​റ​ക്, പ​ഞ്ച​സാ​ര,ഡീ​സ​ൽ എ​ന്നി​വ ഉ​പ​യോ​ഗി​ച്ചു ദൗ​ത്യ​സം​ഘം തൊ​ഴി​ലാ​ളി​ക​ളു​ടെ സ​ഹാ​യ​ത്തോ​ടെ സം​സ്ക​രി​ച്ചി​ട്ട് ഇ​ത്ര​യും തു​ക ചെ​ല​വാ​യി​ല്ലെ​ന്ന് നാ​ട്ടു​കാ​ർ ആ​രോ​പി​ക്കു​ന്നു.

ര​ണ്ടു മാ​സം പ്രാ​യ​മാ​യ താ​റാ​വി​ന് സ​ർ​ക്കാ​ർ ന​ഷ്ട​പ​രി​ഹാ​രം ന​ൽ​കു​ന്ന​ത് 200 രൂ​പ​യാ​ണ്. രോ​ഗ ബാ​ധ​യെ​ത്തു​ട​ർ​ന്ന് കൊ​ന്നു സം​സ്ക​രി​ക്കു​ന്ന പ​ക്ഷി​ക​ളു​ടെ ആ​കെ ന​ഷ്ട​പ​രി​ഹാ​ര​ത്തു​ക​യു​ടെ അ​ത്ര​യും കൊ​ന്നു സം​സ്ക​രി​ക്കു​ന്ന​തി​നു വേ​ണ​മെ​ന്ന​ത് നീ​തി​ക​രി​ക്കാ​നാ​വി​ല്ലെ​ന്ന് നാ​ട്ടു​കാ​ർ കു​റ്റ​പ്പെ​ടു​ത്തു​ന്നു.

അ​തേ​സ​മ​യം, ദു​ര​ന്ത നി​വാ​ര​ണ​ത്തി​ന്‍റെ ഭാ​ഗ​മാ​യി രോ​ഗ​ബാ​ധ​യു​ള്ള പ​ക്ഷി​ക​ളെ ക​ള്ളിം​ഗ് വി​ധേ​യ​മാ​ക്കി​യ​തി​ന് സ​ർ​ക്കാ​രി​ൽ​നി​ന്നു ര​ണ്ട് ല​ക്ഷ​ത്തോ​ളം രൂ​പ ല​ഭി​ക്കു​മെ​ന്നും അ​തി​നാ​ൽ മൊ​ബൈ​ൽ മോ​ർ​ച്ച​റി സ​ർ​വീ​സു​കാ​ർ സ​മ​ർ​പ്പി​ച്ച ബി​ല്ല് പാ​സാ​ക്കി ന​ൽ​കാ​ൻ വൈ​ക്ക​ത്തെ ഉ​ന്ന​ത​നാ​യ റ​വ​ന്യു ഉ​ദ്യോ​ഗ​സ്ഥ​ൻ പ​ഞ്ചാ​യ​ത്ത് അ​ധി​കൃ​ത​രി​ൽ സ​മ്മ​ർ​ദം ചെ​ലു​ത്തി​യ​താ​യും ആ​ക്ഷേ​പ​മു​ണ്ട്.


വൈ​ക്കം: ക​ഴി​ഞ്ഞ​മാ​സം പ​ക്ഷി​പ്പ​നി ബാ​ധ​യെ​ത്തു​ട​ർ​ന്ന് ഉ​ദ​യ​നാ​പു​രം നേ​രേ​ക​ട​വി​ൽ 8500 കോ​ഴി​ക​ളെ​യാ​ണ് ആ​ഴ​ത്തി​ൽ കു​ഴി​യെ​ടു​ത്ത് മൂ​ടി​യ​ത്.

ക​ന​ത്ത മ​ഴ​യു​ണ്ടാ​യി​രു​ന്ന​തി​നാ​ൽ വി​സ്തൃ​ത​മാ​യ പു​ര​യി​ട​ത്തി​ൽ വ​ള​രെ ആ​ഴ​ത്തി​ൽ കു​ഴി​യെ​ടു​ത്ത് കോ​ഴി​ക​ളെ കൊ​ന്നു മൂ​ടു​ക​യാ​യി​രു​ന്നു. മ​ഴ പെ​യ്ത് മ​ണ്ണി​ന്‍റെ ബ​ലം കു​റ​ഞ്ഞ​പ്പോ​ൾ ദു​ർ​ഗ​ന്ധം വ​മി​ച്ച​തി​നാ​ൽ മ​ണ്ണ് ക​ന​ത്തി​ലി​ട്ട​ശേ​ഷം മീ​തെ അ​ഞ്ച് ലോ​ഡ് മ​ട​മ​ക്ക് വി​രി​ച്ചു. മ​ട​മ​ക്കി​നു മാ​ത്രം 42,000 രൂ​പ ന​ൽ​കേ​ണ്ടി​വ​ന്നു.

കു​ഴി​യെ​ടു​ക്കാ​നാ​യി ജെ​സി​ബി​ക്ക് 18,000 രൂ​പ ന​ൽ​കി. ദൗ​ത്യ​സം​ഘ​വും 38 തൊ​ഴി​ലാ​ളി​ക​ളും ചേ​ർ​ന്നാ​ണ് കോ​ഴി​ക​ളെ സം​സ്ക​രി​ച്ച​ത്. 1,40,000 രൂ​പ​യോ​ളം ആ​കെ ചെ​ല​വാ​യെ​ന്നും കോ​ഴി​ക​ളെ കൊ​ന്ന് ശാ​സ്ത്രീ​യ​മാ​യി സം​സ്ക​രി​ക്കു​ന്ന​തി​ന് ബ​ന്ധ​പ്പെ​ട്ട ഉ​ദ്യോ​ഗ​സ്ഥ​ർ ഫ​ല​പ്ര​ദ​മാ​യി ന​ട​പ​ടി​ക​ൾ ഏ​കോ​പി​പ്പി​ച്ചി​രു​ന്നെ​ങ്കി​ൽ ഇ​ത്ര​യും തു​ക ചെ​ല​വാ​കു​മാ​യി​രു​ന്നി​ല്ലെ​ന്നും ജ​ന​പ്ര​തി​നി​ധി​ക​ൾ കു​റ്റ​പ്പെ​ടു​ത്തു​ന്നു.

Copyright @ 2022 , Rashtra Deepika Ltd.